標題: 阿妹疑似病發... [打印本頁]
作者: bernicewongws 時間: 2012-8-7 15:08 標題: 阿妹疑似病發...
阿妹6個月大, 是隻摺耳貓女, 朋友的摺耳男+直耳女所生的, 爸爸到現在6 歲都好健康...我初初以為佢爸爸冇事, 阿妹就會冇事 tim...
上星期我驚見佢左手有吊手的情況，同埋行路拐拐下，連最鐘意玩既羽毛都唔玩...好驚佢真係有事...
上次打左一次補骨針, 同埋食左幾日止痛葯 + "Cystophan For Cat", 情況好左少少...會肯郁下
尋日再帶左佢返診所度打多一支, 姑娘話要下星期打多一支, 之後每個月打一支...我問醫生佢係咪真係有事, 佢話現階斷唔確定...
之後佢地建議我買左一樽Cystophan For Cat, 好貴, $2000 / 240粒...
我想問問各位, 我應否繼續打針? 食左呢d supplement 係咪就唔洗打針架?
同埋呢隻葯丸真係好恐怖, 人食咁既size, 仲要係膠囊, 每次餵佢食都痴住左個上愕...睇見佢好似好慘咁, 好心痛...
請問你地在 forum 提果隻小食 supplement 可否代替我呢隻葯丸呢?
可能有d 問題係重複左問....請各位見諒....阿妹出事後我個心真係拿住拿住.... >_<
...
作者: xpertdp 時間: 2012-8-7 17:56
摺耳既貓仔多數到大個都無事， 女仔就無咁好彩。好多都會有吊手。
我自己覺得貓貓食supplement好d.
作者: bernicewongws 時間: 2012-8-8 09:02
咁你係食邊隻 supplement 呀?
真係唔知...原來貓女係會易d有事
唉, 都怪我養貓之前冇搵清楚資料...
不過我拎得佢返屋企, 我一定會好好照顧到佢終老的 !!!!!!
作者: 乜貓野 時間: 2012-8-8 09:30
貓女係會易發病
, 不過有摺耳基因o既都有機會發病, 你又唔使太擔心, 只要照顧得好, 貓地都會過得好開心架, 食邊隻 supplement你可以去特買場睇o下, 同問o下醫生意見再決定比邊隻, 因為好睇每隻貓地情況, 多o的上黎分享o下同問o下, 會員們都好支持你架
p.s."不過我拎得佢返屋企, 我一定會好好照顧到佢終老的"如果人人都咁諗就唔會有咁多有病o既小朋友被遺棄o拉
作者: doriswong 時間: 2012-8-8 09:42
你嗰隻SUPPLEMENT我哋嗰隻小食裝SUPPLEMENT 相類似, 但最好請你向獸醫查詢咗我哋呢隻啱唔啱你貓貓食先. 因每一隻貓既病情都唔同, 食既份量都可能有分別, 加上你嗰隻係貓BB, 更要小心一啲..要CONFIRM 佢係咪病發既, 就真係要照一次XRAY 睇下咁就最清楚喇.
你又不用太過担心既, 就算真係不幸有遺傳病, 都唔一定係絕路, 只要照顧洽當, 都可以穩定到病情, 開心生活既, 要加油呀.. 有時間就上嚟同我哋傾吓, 交流吓啦...
作者: bernicewongws 時間: 2012-8-8 12:30
多謝你地既 support 呀~ c~~20~~
我搵到呢個 forum 真係好好彩....因我真係乜都唔識...呢度咁多小鬥士媽媽陪我一齊渡過難關, 我感覺真係冇咁徬徨...
尋晚阿妹又好似好正常咁走來走去, 不過今朝食葯丸開始發脾氣了...依家一見我抱起佢便驚我迫佢食葯... =.= 唉...
作者: andy646430 時間: 2012-8-8 12:38
我哋小寶每月都要打1次骨針架！平日就食supplement＋青口素＋魚油！情況會慢慢好轉的！
作者: bernicewongws 時間: 2012-8-8 16:18
請問andy646430 你給小寶吃什麼 supplement?
是否都好似葯丸咁要迫佢吞的? 青口素係咪又係葯丸黎架?
咁佢咪一日要食2次葯丸囉....
同埋魚油是否可以撈埋在乾/濕糧俾貓貓食架? (sorry 我太多問題...)
作者: andy646430 時間: 2012-8-8 19:10
醫生開俾妳果隻supplement！咁啱當初醫生也提意我買！我冇買！不過食得好的話，就繼續食啦！
青口素在這裹特賣場買架！妳得閒逛逛啦！每樣產品都好 詳細架！
都係每日1粒膠囊！放入D等佢吞！幫佢按摩喉嚨！獎2粒零食啦！
小寶因怕腥！我用針筒1次過嗶入佢口的！所以妳要試吓用那方式餵佢喇！c~~42~~
作者: doriswong 時間: 2012-8-9 10:25
你可以參考一下我哋特賣場隻魚油, 呢隻唔腥.. 可以溝糧度啲貓都都照食架. ^^
作者: andy646430 時間: 2012-8-9 11:12
引用:
原帖由 doriswong 於 2012-8-9 10:25 發表 
你可以參考一下我哋特賣場隻魚油, 呢隻唔腥.. 可以溝糧度啲貓都都照食架. ^^
作者: doriswong 時間: 2012-8-9 11:41
引用:
原帖由 andy646430 於 2012-8-9 11:12 發表
其實哩隻真係唔腥！但小寶平時連魚罐頭都唔肯食！所以餵魚油要追住佢架！c~~42~~ c~~39~~
作者: stevielck 時間: 2012-8-9 11:51 標題: 回復 11# 的帖子
哈哈, 小寶真可愛, 原來真係有貓怕腥唔食魚c~~39~~
作者: stevielck 時間: 2012-8-9 12:13 標題: 回復 6# 的帖子
其實貓貓有妳既愛和用心照顧係最重要, Doris成日教我地要正面D去面對佢地個病, 輕鬆D, 小朋友會feel到的, 開心既心境對佢地既病都好有幫助架c~~27~~
呢度好多小鬥士父母都會互相幫助和支持, 有乜問題就上黎傾下la, 唔使客氣架c~~31~~
我之前都係度問過唔少問題呢c~~55~~
作者: andy646430 時間: 2012-8-9 12:44
引用:
原帖由 stevielck 於 2012-8-9 12:13 發表
其實貓貓有妳既愛和用心照顧係最重要, Doris成日教我地要正面D去面對佢地個病, 輕鬆D, 小朋友會feel到的, 開心既心境對佢地既病都好有幫助架c~~27~~
呢度好多小鬥士父母都會互相幫助和支持, 有乜問題就上黎傾下l ...
作者: bernicewongws 時間: 2012-8-9 14:48
我又有野問了... doris, 特賣場果隻Ascenta Omega 3 天然魚油係咪都係未有事當保健咁食架咋?
咁食緊Cystophan For Cat 既貓貓又可否食呢個呢?
如果你話可以撈落啲濕糧度, 我想試下撈落啲新鮮雞肉俾阿妹食....佢呢排食量減左一半有多....
作者: doriswong 時間: 2012-8-9 17:10
魚油呢一般沒事貓都可以食, 佢對毛髮, 心臟同關節都有好處. 佢同其他SUPPLEMENT 沒有抵觸的, 你可以俾貓貓食既.佢建議份量係1/4匙, 我建議你由大約1/6匙開始餵, 等佢習慣咗先慢慢加到1/4 匙, 你有需要就去特賣場留言訂購啦. 其實貓貓腳仔痛真係會影响食慾架. 你有冇俾罐佢食呀, 你可以俾幼貓罐嚟溝乾乾, 引佢食多啲.. 你而家俾咩糧佢食呀?
作者: floratam 時間: 2012-8-10 00:09
我睇番cystophan for cats嘅簡介，似乎唔需要食依隻葯喎，大家研究吓
High level support for feline urinary health
A recent hypothesis suggests that Feline Idiopathic Cystitis (FIC) may be due to an alteration in the bladder’s neuronal supply, the protective glycosaminoglycan (GAG) layer and components within the urine. Cats with FIC are known to have qualitative or quantitative abnormalities in their protective GAG layer, and they have been shown to have decreased urine concentrations of GAGs and increased bladder wall permeability. GAG supplements aim to restore this defective GAG layer.
Cystophan contains:
N-acetyl D-glucosamine
A GAG precursor which acts as the building block for GAGs such as chondroitin sulphate.
Hyaluronic acid
One of the main components of the protective GAG layer, acting as a scaffold for the whole structure.
L-tryptophan
An amino acid which is converted into serotonin. Serotonin is an inhibitory neurotransmitter which regulates mood and anxiety. L-tryptophan has been shown to reduce stress-related behaviour and anxiety levels in cats.
Artificial chicken flavouring
To improve palatability and compliance.
作者: floratam 時間: 2012-8-10 00:13
越睇越唔對路喎，你睇邊個vet呀?佢有無同你解釋過依隻係咩葯，有咩成份同功效呀？
作者: bernicewongws 時間: 2012-8-10 00:29
我依家主要俾乾糧，royal canin 隻 kitten佢食，幾日俾一次雪藏雞撕碎俾佢食，呢排已俾密左雞雞佢食架啦，以前一喺廚房拎出黎即刻衝埋黎食家嘛，依家要抱到埋去碗雞肉度先肯食…
我唔太想俾罐罐，覺得好像好多油咁…我寧願辛苦啲日日整手撕雞
我剛訂左1安士鰹魚乾，可否幫我加多支魚油？麻煩晒！！！
作者: bernicewongws 時間: 2012-8-10 02:17
死啦我唔係好識睇咁大段英文…我睇開荃灣寵物醫院dr Christine,佢話呢隻 supplement 就算冇事嘅貓貓食都冇問題，亦唔會有副作用，成分主要補軟⻣咁囉
作者: andy646430 時間: 2012-8-10 05:36
修補骨節supplement裹，主要成份一定要有葡萄糖胺和軟骨素！缺一都不能完成修補效用的！所以買前要睇番成份！上網做多D功課啦！c~~31~~
作者: doriswong 時間: 2012-8-10 08:22
引用:
原帖由 bernicewongws 於 2012-8-10 00:29 發表
我依家主要俾乾糧，royal canin 隻 kitten佢食，幾日俾一次雪藏雞撕碎俾佢食，呢排已俾密左雞雞佢食架啦，以前一喺廚房拎出黎即刻衝埋黎食家嘛，依家要抱到埋去碗雞肉度先肯食…我唔太想俾罐罐，覺得好像好多油 ...
作者: doriswong 時間: 2012-8-10 08:32
Flora 提一提先發覺, 原來我一路睇錯當咗你嗰隻係另一隻c 字頭既關節supplement 添.. 睇返你呢隻SUPPLEMENT唔係FOR 關節用架喎, 佢係針對膀胱問題架喎. 若然FOR 關節既係應該有葡萄糖胺, 軟骨素, 青口素等成份. 呢啲都係FOR 重建軟骨既必要成份嚟既, 你最好都係問清楚VET 佢呢隻藥啱唔啱好噃.. > <
作者: andy646430 時間: 2012-8-10 08:58
又係呀！好在我冇買！唉！有時某D知識還要我們話番比醫生知架！陰公c~~30~~
作者: bernicewongws 時間: 2012-8-10 09:12
cystophan for cats 不是補軟骨???????? 唔係卦 !!! 我返去問下醫生先, 我仲未開封, 唔知有冇得退呢...
係呀, 我都覺得我要做多d 功課....多謝 flora你的提醒!!!!
doris, royal canin 唔好架咩???? 我以為已係幾好既牌子....咁食咩牌子好??? 同埋你話唔好只係食雞雞, 咁我係咪都應該買少少新鮮豬肉牛肉俾佢?? 蝦呢?
支魚油我今日lunch 去入數俾你丫, 唔該晒你咁快手!!!
作者: doriswong 時間: 2012-8-10 09:29
睇方佢啲DESCRIPTION, 係針對膀胱問題架咋喎.. 真係要問清楚好啲噃..點睇都唔似啱關節問題食, 你洗唔洗考慮轉過第二個獸醫呀? CHECK 清楚有冇遺傳病, 成長期趁早治療有幫助架..
Royal Canin係大牌子, 佢出好多處方糧既, 所以好多獸醫都會用, 啲貓有問題要食處方糧冇得講, 但有得揀我唔建議俾RC 囉, 我會選擇天然糧, 會好啲. 不過, 你貓貓現在六個月, 貓B 啲腸胃易敏感啲, 我唔建議你現在轉糧啦, 過多幾個月, 一歲時要轉成貓糧先轉啦. 記得轉糧時要逐少溝嚟轉呀. 天然糧係靚好多架. 不過要試, 因為有時啲貓食天然糧會有軟便情況, 要試邊隻牌子夾到佢. 天然糧好多隻牌子, 我自己有俾開NOW, FROMM. 咁有隻我試緊既OVEN BAKED貓友都讚好的, 不過真係要試睇下你隻貓貓啱唔啱食.. 其實罐頭唔一定油架. 你揀啲靚D既罐就沒問題, 如APPLAWS, ALMON NATURE, B.F.F. 都唔肥架.當然新鮮肉係更好啦, 我哋唔會餵貓食豬肉架. 牛可以俾少少,蝦都唔可以食太多, 可以蒸啲魚俾佢食, 你有俾開糧既, 另外再蒸雞肉俾佢食沒問題, 若只係淨俾雞肉做主糧咁就怕營養不夠嘛..
作者: floratam 時間: 2012-8-10 09:47
依隻葯寫明係俾fip貓提高秘尿機能用，佢三隻主要成份之一係有個字”glucosamine", 但唔似係補充軟骨果隻囉，做得獸醫唔係事旦俾隻似架係嘛！！仲有樽嘢咁貴真係令人聯想到係咪有搵笨嘅成份囉！你睇吓係咪同條link嘅一樣 http://www.protexin.com/products/cystophan/6164。係就帶埋去同佢理論叫佢回水啦。
另外我建議你轉vet再幫貓貓做詳細評估，佢依家咁細病發變數仲有，要知道目前情況點先可以對症下葯，咁對貓貓嚟講先係最好。
另外請話過你朋友知叫佢同對貓絕育唔好再生貓仔喇，咁樣真係害咗啲貓仔架！
作者: floratam 時間: 2012-8-10 09:53
仲有呀，隻葯外國賣唔洗$800，有咩理由賣到$2000！！
作者: andy646430 時間: 2012-8-10 15:07
引用:
原帖由 floratam 於 2012-8-10 09:53 發表
仲有呀，隻葯外國賣唔洗$800，有咩理由賣到$2000！！
作者: xpertdp 時間: 2012-8-10 23:07
sry, 真係好忙, 而家先覆你. supplement我覺隻隻成份差不多. VET開果D最多可能連止痛藥. 所以你試下FORUM訂隻小食都可以.
貓糧我自己餵ovenbaked同innova.... 我之前會買佢地最貴條line, 但發覺太肥所以買返普通版就夠.
其他既supplement, 你試j完GLYCO-FLEX II岩用先慢慢試
貓咪都係鐘意高, 所以你放定D箱, 野係床頭, 枱比佢上上落落, 唔好迫佢唔比佢玩, 有正常活動對佢地好, 不過你要有心理準備冬天佢地會差D我家貓貓情況好輕, 日日又走又玩又打交但到冬天就會吊手..
作者: bernicewongws 時間: 2012-8-10 23:28
唉咁情況真係要帶佢睇下第二個獸醫…好似好兒戲咁…希望可以退得返啲錢啦…
咁請問各位係咪話有幾位獸醫都係幾好架？可否介紹下？同埋佢地貴嗎？
我朋友之前都唔知道有關摺耳貓嘅野，可能佢隻貓貓已六歲都冇事啦…不過佢最近都拎左佢去絕育了，不會再有小朋友受苦了…
作者: xpertdp 時間: 2012-8-10 23:39
引用:
原帖由 bernicewongws 於 2012-8-10 23:28 發表
唉咁情況真係要帶佢睇下第二個獸醫…好似好兒戲咁…希望可以退得返啲錢啦…
咁請問各位係咪話有幾位獸醫都係幾好架？可否介紹下？同埋佢地貴嗎？
我朋友之前都唔知道有關摺耳貓嘅野，可能佢隻貓貓 ...
作者: bernicewongws 時間: 2012-8-10 23:39
Flora, 係呀，係條link呢隻！因為係獸醫推薦，所以我睇都冇睇便買了，我依家拎返個樽睇，真係一粒字都冇寫話係補軟骨！太過分了！
作者: bernicewongws 時間: 2012-8-11 00:12
xpertdp, 我都打算買d 小食俾阿妹先, 佢依家日日食葯脾氣真係差左少少...而且如果幾位都話我買果隻葯唔係補軟骨的, 我真係要停一停先....
都怪自己心急, 唔做足功課便買supplement 俾阿妹食....希望唔好食壞佢la...
作者: maychan 時間: 2012-8-11 11:24
如果嗰獸醫唔肯回水,同佢講會去獸醫管理局投訴佢,詳細投訴資料可在這網址下載。http://www.vsbhk.org.hk/chi/complaint.htm
作者: Addie 時間: 2012-8-11 11:55
引用:
原帖由 bernicewongws 於 2012-8-7 15:08 發表
阿妹6個月大, 是隻摺耳貓女, 朋友的摺耳男+直耳女所生的, 爸爸到現在6 歲都好健康...我初初以為佢爸爸冇事, 阿妹就會冇事 tim...
上星期我驚見佢左手有吊手的情況，同埋行路拐拐下，連最鐘意玩既羽毛都唔玩 ...
作者: buffa 時間: 2012-8-11 15:40
Yes yes~ people here are all cat lovers and very nice~~ 我都係係到勁問嘢的~~c~~31~~
the supplement @ 特賣場 do help I think! at least buffa dont 吊手 again up to this moment~
我餵Fromm同innova for my 英短 and Dr. B for Buffa~ these brands are ok for me ar~
[ 本帖最後由 buffa 於 2012-8-11 15:51 編輯 ]
作者: bernicewongws 時間: 2012-8-11 18:55
唔該晒咁多位！！我明天會殺上同佢理論架啦！
作者: doriswong 時間: 2012-8-13 08:24
點呀? 退唔退到錢呀??
作者: bernicewongws 時間: 2012-8-13 10:12
叫我買呢隻葯果個獸醫尋日唔o係診所, 我今日放工再去過~
其實今日阿妹 supposed 係要再打補骨針的, 我都唔知帶唔帶埋阿妹去好...
作者: doriswong 時間: 2012-8-13 10:27
阿妹出現過吊手, 拐步等情況, 我認為你最好搵第二個VET 幫佢CHECK 清楚, 若然真係病發既, 趁佢仲處於發育階段盡早治療,食SUPPELEMENT係會對佢有幫助, 因成長期係會有變數, 越早治療越好.
作者: bernicewongws 時間: 2012-8-13 11:17
會呀會呀, 一定會轉 vet...
不過呢個醫生話佢要連續三個星期打補骨針, 我又唔敢唔信佢....諗住俾佢打埋呢支, 呢1,2日就會去試下第2 個 vet
我見之前你地話天后的 Dr Grace 好好...唔知收費會否好貴呢? 我打算帶阿妹去搵 Dr Grace 度做絕育同埋照 X-RAY....
請問係咪呢位DR GRACE LI 呢?
http://www.thph.com.hk/about3.html
作者: bernicewongws 時間: 2012-8-13 12:04
剛打左電話去, 原來dr grace 放大假, 要年半之後先返來...
我 turn out book 左 dr angela, 但都要9月中先有位睇
咁我今日都應該會帶阿妹去打多次針先.....我怕佢頂唔住...
不過都想同大家share, 阿妹近呢個星期好活躍 ! 跳上跳下毫無問題 ! 尋晚仲同屋企另一隻貓B爭貓爬架最高個位 tim !!! 我真係好開心 !
作者: andy646430 時間: 2012-8-13 12:22
咦！咁阿妹這其間仍然食緊果隻超貴suppelement嗎？定係食消炎＋止痛？
作者: bernicewongws 時間: 2012-8-13 12:28
我後來發現佢之前開左 7日葯俾我, 其中一隻葯係果隻超貴 supplement...
所以我食晒佢開俾我果啲之後, 果樽 $2000 我便唔敢開了, 未開封, 我諗佢點都會退錢俾我卦...
同埋佢呢2個幾星期總共打左2支補骨針, 今日會打第3支....按佢地講法之後一個月要返去打一支 ~
咁下個月我都睇 dr angela 咯, 我就一定唔會返荃灣果度架啦~
作者: bernicewongws 時間: 2012-8-13 12:30
試下貼阿妹張相上來先 ~
作者: bernicewongws 時間: 2012-8-13 12:34
oh 失敗...
作者: andy646430 時間: 2012-8-13 15:31
骨針！小寶都係頭4支是每星期打1次！以後每個月打1次！c~~42~~
作者: stevielck 時間: 2012-8-13 16:43 標題: 回復 44# 的帖子
咁就好la, 最緊要阿妹冇事c~~47~~
作者: stevielck 時間: 2012-8-13 16:50 標題: 回復 48# 的帖子
妳係咪用Flickr ?如果係的話, 係張相上方click分享, 然後copy and paste代碼就可以, 我地都想睇下阿妹個可愛樣c~~55~~
作者: doriswong 時間: 2012-8-13 17:20
引用:
原帖由 bernicewongws 於 2012-8-13 11:17 發表
會呀會呀, 一定會轉 vet...
不過呢個醫生話佢要連續三個星期打補骨針, 我又唔敢唔信佢....諗住俾佢打埋呢支, 呢1,2日就會去試下第2 個 vet
我見之前你地話天后的 Dr Grace 好好...唔知收費會否好貴 ...
作者: bernicewongws 時間: 2012-8-13 21:45
各位！佢地肯退返錢俾我呀！整個過程都好順利，雖然dr Christine 都堅持話呢隻葯有葡萄糖氨成份，係可以補關節軟骨，但佢地明我嘅担心，所以就肯退錢俾我。不過佢話條數太大，唔可以即場退現金俾我，寫左張單俾我要月尾先來claim ~ 我諗咁大間診所應該唔會走數卦~
不過今次檢查到阿妹條尾有啲硬，同埋左前手好像唔太靈活！好担心！叫我下星期再返去打多支針，再睇情況喎。死啦，要等一個月先睇到dr Angela ，唔知期間我俾魚油佢食夠唔夠呢？仲可以做啲咩…？
作者: bernicewongws 時間: 2012-8-14 00:39
阿妹心情不爽樣...
作者: bernicewongws 時間: 2012-8-14 00:41
oh stevielck 我已跟住你個方法, 但都衰左...
作者: andy646430 時間: 2012-8-14 02:03
得葡萄胺係唔完整架！妳講佢聽嘛！剩係得1樣有用！駛鬼買佢咩！c~~32~~
作者: doriswong 時間: 2012-8-14 09:57
引用:
原帖由 bernicewongws 於 2012-8-14 00:41 發表
oh stevielck 我已跟住你個方法, 但都衰左...
作者: doriswong 時間: 2012-8-14 10:09
或者咁講, 佢隻藥可能係有葡萄糖胺成份, 但個份量係咪夠, 同埋同專俾關節服用既SUPPLEMENT 比較, 一定係冇咁全面.. 加上長期食用既, 佢個價錢都真係太貴... 補關節SUPPLEMENT 有好多選擇既.. 係咪需要食到一隻唔係專給關節兼貴既SUPPLEMENT 呢？ 我真係有所保留.. 你現在訂了青口素, 睇阿妹個情況你都可以俾佢食住先, 再等埋Dr Angela既診斷係點. 你到時帶埋樽青口素又或者可以印埋我哋隻GLYCO FLEX II supplement 小食去問, 睇下啱唔啱阿妹既情況食, 啱食既問埋食既份量係幾多, 如果我哋啲SUPPLEMENT啱阿妹食， 起碼你係SUPPLEMENT 上可以減輕啲負擔嘛.
你不用太過擔心既, 佢哋呢個病係唔會話有咩即時問題, 你等下個月睇下Dr Angela 點講先啦.. 加油啊..
作者: bernicewongws 時間: 2012-8-14 10:49
多謝晒你地既支持呀 !
我尋晚一聽 vet 講話阿妹條尾硬 + 左手仔唔靈活, 真係心都實埋....
不過返到屋企好似煲劇咁睇返晒大家既經歷....
我知道我唔係一個人...同埋我知阿妹都一定過得到既 !!! 
作者: stevielck 時間: 2012-8-14 10:53 標題: 回復 55# 的帖子
條代碼可能太長, 要cut短佢, 再試下 la c~~59~~
作者: doriswong 時間: 2012-8-14 10:54
代貼.. Bernice 的阿妹.. 美女一名.. ^^
[attach]288[/attach]
作者: andy646430 時間: 2012-8-14 11:04
引用:
原帖由 bernicewongws 於 2012-8-14 10:49 發表
多謝晒你地既支持呀 !
我尋晚一聽 vet 講話阿妹條尾硬 + 左手仔唔靈活, 真係心都實埋....
不過返到屋企好似煲劇咁睇返晒大家既經歷....
我知道我唔係一個人...同埋我知阿妹都一定過得到 ...
作者: stevielck 時間: 2012-8-14 12:18
阿妹好靚女wow c~~42~~
作者: bernicewongws 時間: 2012-8-14 12:26
哈哈, 多謝多謝 ~ 我同阿妹爸爸真係俾佢融化晒 !!! 日日都被電到連條命都可以俾埋佢 !
四手按摩、烚雞雞、抱抱、開房門....佢未竪起條尾我地便已飛撲出去服侍左佢先 la
而且, 係佢令爸爸由唔鐘意變成勁勁勁鐘意貓貓架 ! 阿妹黎左我地屋企, 真係帶左好多歡樂俾我地 !!!
作者: doriswong 時間: 2012-8-14 12:35
係呀, 啲小朋友就好似我哋既心靈雞湯咁, 無時無刻都俾好多精神力量同歡樂我哋既.. 不用太擔心啦, 我好肯定咁話你知, 阿妹既情況唔係咁差既. 樂觀啲就得架啦, 加油..
作者: andy646430 時間: 2012-8-14 12:39
引用:
原帖由 bernicewongws 於 2012-8-14 12:26 發表
哈哈, 多謝多謝 ~ 我同阿妹爸爸真係俾佢融化晒 !!! 日日都被電到連條命都可以俾埋佢 !
四手按摩、烚雞雞、抱抱、開房門....佢未竪起條尾我地便已飛撲出去服侍左佢先 la
而且, 係佢令爸爸由唔 ...
作者: 乜貓野 時間: 2012-8-14 13:25
[quote]原帖由 bernicewongws 於 2012-8-14 12:26 發表
係o牙. 無論工作幾工作幾辛苦, 只要返到屋企見到佢地就乜都記得, 成個人都會輕鬆晒, 妹妹真係靚女仲好可愛c~~5~~
[ 本帖最後由 乜貓野 於 2012-8-14 13:30 編輯 ]
作者: bernicewongws 時間: 2012-8-15 00:12
今日收到鰹魚乾+魚油了！唔該晒Doris!
因為我唔敢第一次就俾足份量，夜晚我烚左啲雞雞只係撈左1卅8茶匙魚油俾佢食，聞左一大輪終於肯食！好彩佢都唔係太抗拒啫！太好了！
作者: doriswong 時間: 2012-8-15 10:53
引用:
原帖由 bernicewongws 於 2012-8-15 00:12 發表
今日收到鰹魚乾+魚油了！唔該晒Doris!
因為我唔敢第一次就俾足份量，夜晚我烚左啲雞雞只係撈左1卅8茶匙魚油俾佢食，聞左一大輪終於肯食！好彩佢都唔係太抗拒啫！太好了！
作者: bernicewongws 時間: 2012-8-15 16:42
哈哈, 隻魚油直情係正 !
尋晚第一次食, 我怕一次過2隻貓貓都俾魚油, 萬一如果 d 便便有變軟的情況, 都分唔清邊個有事...
所以我另一隻家貓四月尋日就食正常雞雞only, 冇落魚油...
點知佢食食下走去搶阿妹飯碗 ! 真係笑死我 !
我諗阿妹果碗有油香, 佢想試下新野卦, 咁當然係俾我阻止左 la !!!
如果阿妹食得好, 我都打算俾俾四月食下魚油, 當保健都好 !
作者: zoemaomao 時間: 2012-8-15 17:24
阿妹好靚女呀! 個樣好女仔
作者: doriswong 時間: 2012-8-15 17:24
係呀, 魚油無病無痛貓都食得, 最基本對佢哋毛髮都好架.. ^^
作者: bernicewongws 時間: 2012-8-27 12:02
阿妹依家 7 個月大, 係咪係時候去絕育啦?
如果我等埋9月中dr angela 睇佢, 先再約時間麻醉做絕育同埋 x ray, 到時可能已8,9個月大, 會否太遲呢...? 不過我真係唔想麻醉佢2 次....佢咁細個我怕佢捱唔到...
作者: 悅同 時間: 2012-8-27 12:35 標題: 回復 73# 的帖子
我貓貓十個月大先做，只要未發情叫春，我覺得可以拖下先做，又唔使做兩次手術，又平d，又痛少一次。
作者: xpertdp 時間: 2012-8-27 13:24
你屋企有無其他貓?有既6個月大要做。
我貓貓五個幾月就出左事。。。。
作者: doriswong 時間: 2012-8-27 14:24
家中有冇其他未絶育既貓仔? 冇既話, 等到一歲先做啦. 唔洗咁急架. 咁若然有既, 我會建議你做咗隻仔先.. 妹妹等佢大啲先做..
作者: bernicewongws 時間: 2012-8-27 14:38
嘩 xpertdp 你隻貓女5個幾月便出事?!!! 咁生出來既貓仔會否再細隻d??
doris, 我屋企仲有另一隻貓女, 所以唔怕大肚既問題, 不過我怕佢地辛苦o者...
另一隻我都諗緊幾時做, 我怕如果阿妹真係病我要take care 佢, 如果呢個時候另一隻貓貓都做埋絕育就要2隻都special care....實湊唔黎la....
作者: 悅同 時間: 2012-8-27 14:52 標題: 回復 77# 的帖子
其實做完手術，都無咩照顧，如果佢肯住籠，你就要餵食，果時我隻貓唔肯住籠，佢超慢咁樣，行左兩日，之後就正常活動，不過我日日都驚佢會爆肚，但佢一放入籠就發癲，咁樣更加易爆，所以放出黎，我只係加d樓梯比佢行上sofa。
如果唔怕大肚就等下先，我都幾怕貓女叫春，噪到拆天，我朋友隻貓11個月開始叫，on and off叫左幾個月，所以我10個月，帶Dede去做手術。
作者: xpertdp 時間: 2012-8-27 16:23
引用:
原帖由 bernicewongws 於 2012-8-27 14:38 發表
嘩 xpertdp 你隻貓女5個幾月便出事?!!! 咁生出來既貓仔會否再細隻d??
doris, 我屋企仲有另一隻貓女, 所以唔怕大肚既問題, 不過我怕佢地辛苦o者...
另一隻我都諗緊幾時做, 我怕如果阿妹真係病我要t ...
作者: doriswong 時間: 2012-8-27 16:26
你2隻都係貓女既, 可以等大一點, 發育好一點才做. 咁對佢哋身子都好啲架.. 始終未滿一歲, 發育未叫完全成熟..
作者: bernicewongws 時間: 2012-8-27 16:38
xpertdp 你親自做接 生 !!!! 好勁 !
doris, 我一直都以為愈細個做絕育愈好架 tim !!!! 多謝你話我知 !!!!
作者: xpertdp 時間: 2012-8-27 16:47
以我既資料貓女係細做絕好,仔就大做好。
貓女係第一次發情前做就唔會有乳腺果d問題。
仲有貓咪岩唔岩絕育係計體重唔係年齡。貓女最少2kg.
大家都係為貓貓好。你可以問問醫生議見。
作者: doriswong 時間: 2012-8-27 17:33
啲VET 係話6個月可以做絕育手術既, 但都要睇返佢哋既體骼. 但摺耳貓本身免疫力係差過貓, 我唔太贊成咁細個做絕育. 同埋貓女絕育手術係成個子宮切除, 咁係會影响荷爾蒙分泌, 幾個月大未成熟既貓就切除子宮, 對發育有冇影响呢?? 咁細做絕育我個人係有保留既.. 而波子呢, 成歲幾先做絶育手術. 因佢本身有骨骼病, 底子又差, 所以VET 都等佢歲多時, 比較強壯才做手術..當然, 你可以向VET 查詢相關資料, 但記着, 若貓貓發情時, 就唔可以做絶育手術, 要待發完情才可以做.
作者: 悅同 時間: 2012-8-27 20:50 標題: 回復 80# 的帖子
唔知關唔關事，我Dede做完手術，過左3個wks，就突然行唔到路，病發啦！唔知係咪真係身子弱。
起初以為佢走入sofa玩，夾到腳仔，所以腳痛，因為未做手術之前成隻甩繩monkey，通屋跑！我成日話佢好似食左忽得，high到爆！病發後就靜曬啦！
作者: bernicewongws 時間: 2012-8-28 16:57
唔該晒你地嘅意見呀，咁起碼我知我唔急於呢個月做，唔洗一腳踢…咁我等下個月問清楚dr Angela la, 始終佢比較熟摺耳貓…
唉我心情好矛盾，好想快啲見到dr Angela 等佢診斷阿妹有冇事，但另一方面又好唔想接受萬一阿妹真係有遺傳病嘅事實…=.=.…
作者: doriswong 時間: 2012-8-29 09:49
Bernice.. 其實就算不幸有呢個病, 都唔洗灰心既. 小朋友天性樂觀同堅強, 我哋一定要積極咁同佢哋一齊努力.. 有病真係唔等於世界未日架. 我真係好想大家樂觀點去看待..我哋點睇對小朋友都會有影响, 佢哋會feel 到我哋既情緒, 若然我哋都傷心, 緊張, 佢哋一會會受影响.. 有咩事上嚟同我哋分享吓, 我哋一定會支持你架.. ^^ 要加油啊..
作者: bernicewongws 時間: 2012-8-29 11:00
多謝你呀! 
我會俾心機照顧阿妹架la !
作者: bernicewongws 時間: 2012-9-17 09:47
星期六終於都睇左 dr angela 了...
照左 x ray 發現阿妹條尾同埋後腳仔都有少少增生既跡象, 可幸的是, 佢依家仍然係好輕微, 仲未影響到佢行動... 但大大下點生就真係唔知了, dr angela 話現階段冇咩可以做, 只能俾supplement...
睇住d x ray 片個心都沈一沈..... 真係中招呢....一直都好想dr angela 話俾我知係我自己多疑...依家證實了, 只能接受....
不過走出診症室發生令我心情變好的事, 竟然遇見波子同 doris 呢 ! 阿妹同波子仲互相聞左大家一下, 阿妹冇 hee 人地, 哈哈, 好彩冇失禮....
波子真係好細粒呢 ! 見到佢腳仔的情況, 替doris 心痛...不過波子好堅強呢 !
阿妹都應該學習學習 ! 要一齊加油 !!
作者: doriswong 時間: 2012-9-17 09:55
引用:
原帖由 bernicewongws 於 2012-9-17 09:47 發表
星期六終於都睇左 dr angela 了...
照左 x ray 發現阿妹條尾同埋後腳仔都有少少增生既跡象, 可幸的是, 佢依家仍然係好輕微, 仲未影響到佢行動... 但大大下點生就真係唔知了, dr angela 話現階段冇咩可以做, ...
作者: bernicewongws 時間: 2013-5-9 01:27
呢幾日摸阿妹pat pat痛到咬人，我地知道阿妹應該病發了...今天帶她去睇dr grace, 照左x ray証實了尾巴有4節生骨刺，仲幾嚴重添...一諗起佢之後要受苦就好心痛...一路聽dr grace講解一路想喊...
阿妹呢2個月要密集式咁針灸同打針，麻煩大家為佢打打氣！！！！
作者: doriswong 時間: 2013-5-9 10:36
Bernice, 唔洗喊... 我哋要陪小朋友一齊加油同打氣... 記住, 有適當既治療同照顧, 佢哋都可以活得開心..波子係個好好既例子嚟呢.. 我同波子都為你哋打氣加油啊...
作者: stevielck 時間: 2013-5-9 11:11
阿妹, 加油呀. Bernice, 妳都要加油呀!!
作者: bernicewongws 時間: 2013-5-9 11:32
多謝你地啊! 尋日 dr grace 見我個樣咁慘都有用波子既例子來鼓勵我... 我會盡力照顧好阿妹的 ! 希望阿妹都好似波子咁叻叻 !!
作者: bernicewongws 時間: 2013-5-9 12:14
另外, dr grace 叫我試下俾阿妹食海豹油, 話哺乳類的油好過魚油, 其次便是植物油, 你地有冇人試過呀?
作者: doriswong 時間: 2013-5-9 12:25
2隻都試過.. 不過.. .海豹油係好, 但個人覺得太過殘忍, 我選擇放棄喇..植物嗰隻都試過, 但問題我哋貓唔多肯食. 所以家下俾會嗰隻魚油囉..
作者: bernicewongws 時間: 2013-5-9 12:39
好彩你提一提我, 我剛才上網一search 便見到好多好殘忍既 youtube.... 咁點算呢, 阿妹大左唔肯食你果隻魚油了, 有冇丸狀的?
作者: doriswong 時間: 2013-5-9 12:42
佢唔食呀? 溝罐都唔肯食? 會嗰隻冇丸裝呀.. 入膠囊餵啦.. 反正呢隻既量都少, 入到膠囊既..
作者: bernicewongws 時間: 2013-5-9 14:48
係呀, 個衰野, 魚油溝罐罐就連最鐘意既吞拿魚都唔食...咁我試下入膠囊先 ~
作者: Addie 時間: 2013-5-11 20:58
阿妹 .... Bernice 加油呀 !!!
作者: Candy 時間: 2013-5-11 22:48
講起魚油 ,近期我買冷藏三文魚骨,連魚頭, 魚腩,魚骨都係不到40元,有時仲買到剛起肉的,用光波爐焗, 焗出好多魚油,差不多可裝起5吋高菓醬樽咁多, 三文魚頭可以做盬燒比自己食
, 其他部位仲有好多肉比佢地食, 如果魚油真係幫到,我覺得好底, 起碼係新鮮無防腐劑
| 歡迎光臨 香港摺耳貓病友會 Hong Kong Scottish Fold Sickness Concern Group (http://forum.hksfsickcats.com/) |
Powered by Discuz! 6.0.0 |