睇方佢啲DESCRIPTION, 係針對膀胱問題架咋喎.. 真係要問清楚好啲噃..點睇都唔似啱關節問題食, 你洗唔洗考慮轉過第二個獸醫呀? CHECK 清楚有冇遺傳病, 成長期趁早治療有幫助架..
Royal Canin係大牌子, 佢出好多處方糧既, 所以好多獸醫都會用, 啲貓有問題要食處方糧冇得講, 但有得揀我唔建議俾RC 囉, 我會選擇天然糧, 會好啲. 不過, 你貓貓現在六個月, 貓B 啲腸胃易敏感啲, 我唔建議你現在轉糧啦, 過多幾個月, 一歲時要轉成貓糧先轉啦. 記得轉糧時要逐少溝嚟轉呀. 天然糧係靚好多架. 不過要試, 因為有時啲貓食天然糧會有軟便情況, 要試邊隻牌子夾到佢. 天然糧好多隻牌子, 我自己有俾開NOW, FROMM. 咁有隻我試緊既OVEN BAKED貓友都讚好的, 不過真係要試睇下你隻貓貓啱唔啱食.. 其實罐頭唔一定油架. 你揀啲靚D既罐就沒問題, 如APPLAWS, ALMON NATURE, B.F.F. 都唔肥架.當然新鮮肉係更好啦, 我哋唔會餵貓食豬肉架. 牛可以俾少少,蝦都唔可以食太多, 可以蒸啲魚俾佢食, 你有俾開糧既, 另外再蒸雞肉俾佢食沒問題, 若只係淨俾雞肉做主糧咁就怕營養不夠嘛..