我lunchtime先打電話去cau, 聽電話既男護士話發情都可以做, 不過要加錢亦都會有風險. 所以我收左線.. 跟住打去npv, 聽電話個姑娘話貓女唔發情先可以做絕育, 同時要預早兩個星期book架. 我家Tamako係30號發情, 我見今日佢好似已經無咩發情啦.. 所以打電話問下囉.. npv個姑娘話貓發情好密下既亦都好難控制, 所以建議我book左先, 到時都可能已經完全無發情了. 佢又話如果Tamako又發情就3日前打去取消. 最後佢幫我check左16號有位添. 所以我book左o勒..
PS. 好誇張, 打防疫針要4個星期前book定~

你都知cau打針有promotion呀, 我先打去cau原本是打針 (10:00-12:00) $150/針.. 不過, 佢地無晒貓針, 重話唔知幾時有貨.. npv 打針要等4個星期太耐啦. 我可能返去麥花臣打針 ($200)o勒..
我不是book cau做貓女絕育, (sorry講句 - cau聽電話果位無咩耐性聽我問問題). 我book 的是 npv, 已經知道是李醫生做. 16號1pm要先到npv見醫生.. 有咩進展我再post係度同大家分享啦... 我有d緊張, 因為係第一次幫貓咪做絕育手術~

今晚8點接番Tamako回家啦, 傷口好似好大(未睇清楚), 不過好乾淨同乾爽...
因為要戴頭罩至拆線 (30號), 我想問貓貓點樣可以自己飲到水?

Hi Susa, 我最後都係比Tamako著衫, 無帶頭罩咁佢就自己飲到水同食野...
原來傷口唔大的, 只係剃毛範圍大, 錯覺傷口大而已. 我比佢有限度行動. 佢都有跳上門窗台睇風景.
npv 貓女絕育手術收 $550, 另外 $22 藥費... 不過, 見唔到醫生的... 佢地剛剛個星期日開多左一間分店, 同一條街29號

Hi Susa, Tamako是6號差不多發完情我才打去npv book絕育的. 姑娘話16號有位做. 即係Tamako發情完有7 - 10日才做的. 妳都可以試依個方法比較易計到時間, 姑娘話book左唔去要4日前通知取消~ Tamako是開肚肚. 我book npv24, 剛巧是李醫生(我沒指定的). 16號果日到左診所, 姑娘會逐一問主人使唔使見醫生 (基本上她會先問你咩事/問題要見醫生, 好多主人都話唔使OR姑娘都答晒佢地d問題就唔見醫生的) 跟住簽手術同意書, 放低只貓/狗同袋就走, 做完手術姑娘會打來叫你夜晚幾點可以接番貓貓. 所以我知道果日李醫生要做4個 (2狗2貓)絕育手術. 我聽日睇下影唔影到相比你睇...

Hi bmuimui, 如果要見係可以見醫生的.
npv 貓女絕育費我唔覺得特別平, 不過, 佢d藥應該平. 另外, 我聽到佢地收診金$160.
如果手術沒咩差錯都叫物有所值啦~ 最怕貼錢買難受...
Hi Susa, npv唔知係咪開多左一間, 招左d新人, 我見有d姑娘服務態度唔係咁優質..
另外, 決定幫襯邊間診所與否, 好視乎接待(如聽電話的人)是否有對該種寵物認識 (我見過cau的一個前枱接待, 有個walk in客人問佢每一個問題, 佢都要走入診所裡面問完再出來答, 我估佢入去問senior / 醫生) ~
而我6號打去npv 24, 接電話既果位姑娘好好, 對於貓既野咩都知, 亦都有建議比我, 所以我就幫襯npv 囉.. Suba, 如果妳覺得npv令妳有咩唔舒服或唔滿意或唔放心交自己個寶具比佢地, 搵多間參考吓啦~
Tamako個傷口大概有1-1.5吋長... so far, 佢都無咩, 食抗生素就easy job, 不過, 食止痛藥水就嘔白泡. 我技術差.. 哈哈
(我好長氣~哈哈)