Hi Andy, 貓貓只有幾個月大仲係BB期, 佢現下會開始換毛, 其實就算成貓平時都會有脫毛既跡象既, 特別是夏天, 換毛時期更為明顯.. 貓貓嘔出來的東東有否毛球, 若然有可能是有佢有毛在胃內, 要反吐出來的動作, 但若然不是而情況持續的話, 建議你最好帶貓貓去看一下醫生比較安全.. 始終貓BB抵抗力弱, 容易病.. 貓貓不用每個月都洗澡, 佢哋天生愛乾淨, 日日都自行舔毛毛搞清潔, 我自己只會在覺得貓貓毛毛有不乾爽的時間才會幫佢沖涼. 同貓沖涼太密未必是好事, 特別是在冬天, 很易會凍親佢哋..
其實你提到買貓的價錢, 真的不懂如何答你, 這些貓販很多時都是海鮮價, 其實我們鼓勵想養貓的朋友去領養, 很多可愛貓貓都等緊有個溫暖既家呢..
B仔咁細佢未適應到你叫佢個名都唔出奇, 你要俾啲耐性, 你對住佢同佢講嘢時多點叫佢個名, 開餐俾小食時又叫佢個名, 時間久了佢自然會明白呢個係佢個名呢.
貓貓天生喜歡愛坐/睡在有軟墊的地方, 如床, 梳化, 毛毯等.. 你若不想貓貓上床的便要出入關門或你可在床上放一張毯俾佢瞓.
貓貓喝水好緊要架, 長期喝得少水容易有尿道既問題, 你可以考慮買部飲水機, 有水既流動會引起貓貓飲水既興趣既.
