妹豬終於照了X-RAY了,證實她的背骨後半部已因增生而連在一起,所以她的背脊會比較痛,但囡囡真係好叻叻,因為她咁痛還可以彎腰食猫糧、食水!可幸,囡囡暫時沒有骨刺,骨椎盤亦還好,所以不用去針灸,因為針灸幫不到她骨增生的問題。
有問過醫生可否幫佢做灸條,但醫生不建議,因為怕會令囡囡皮膚敏感,所以還時暫時HOLD住。現在可以做的便是找多一些SUPPLEMENT俾囡囡補關節,好好彩,3月有團購,可以幫囡囡入些貨了。另加上媽媽、爸爸每天15分鐘的按摩!真係養了一個皇帝女!
為了不讓囡囡打太多麻醉針,爸爸決定自己抱亞囡照X-RAY,雖然阿囡發惡,咬到爸爸流血,但總叫順利完成,咁就可以打少一針了,只係難為了爸爸! 阿囡開始好厭惡打針了......,今天打針時又是"FEE"人,打針人都驚啦!可憐小妹豬今天還打了兩針(因為要打埋防疫針)。
其實今日好擔心接受唔到阿囡個病,但出奇地,妹豬媽係診所時沒有哭,或者有心理預備吧!妹豬媽媽同爸爸已為妹豬成立醫療基金,一齊去應戰了!一家三口,要努力呀!