第二次帶貝貝到Dr. Grace的診所, 再一次受到無禮對待. :@ 埋怨我選擇下午才來; 不耐煩我讓貓貓吃了東西, 而無法麻醉做任何東西; 串我不懂英文, 看不明白藥包上的指示, 如果貓貓屙嘔就停止吃藥和打給醫生......這種人, 我居然還是打算再試一次, 7/6再帶貝貝去一次, 希望這次終於可以做得成針灸. 受到這種屈辱, 我很想問一問幾個問題: 1) 星期四我收到電話, 告知診所的x-ray機已修好, 我已第一時間約診, 星期六醫生不在, 星期日我早上有事, 他們下午三點才再應診. 我約三點, 這是我的錯? 2) 雖然貝貝有麻醉做手術的經驗, 但作為診所工作人員, 是否應該提醒我之前一晚不要讓她吃東西? 3) 貝貝昨天屙嘔, 今天會來見醫生, 我沒有打電話來, 是不是我英文有問題, 不會看說明? 4) 我每次去都要支付千餘元不知for what的診金, 這些錢是否包受氣? 毋庸置疑, 我現在一肚子氣, 不明白這個女人究竟什麼一回事, 貝爸也說這個人的咀臉怎麼這麼討厭. 但是, 有幾位貓友的貓貓都由她醫治(是否治了暫時還不知), 我姑且再去一次. 我一再忍耐是因為我實在不知道還能找誰幫貝貝.:'( 要不是因為小朋友, 我真的很難吞下這口氣.

我想知有冇人試過去九龍城Betty度針灸呢? 唔知佢啲手勢是否ok. 貝貝尋日抑鬱咗一晚, 今日終於好返少少, 肯咬住波波大叫. 尋日佢唔出聲唔郁坐係窗台望出街, 坐咗四五個鐘, 嚇C我. 連木天蓼和Da bird都唔能吸引佢既注意. 尋日之所以又千幾, 有七百幾係尋日診金同藥費, 但另收$500做針灸按金, 我當時儍儍地俾咗, 但想問下, 有冇人有同樣經歷, 無拉拉點解要收按金. 仲話如果到時我唔去, 就冇得攞返.:funk: 到個一刻我都仲諗住貝貝會繼續搵佢醫, 但家陣我打算做一次針灸就另覓醫生. 搵佢針完唔痛個幾月, 但個一日所受既折磨都無法平衡返.

好多謝波子媽今日義薄雲天陪我帶貝貝去做針灸, 但個天又一次同我們開玩笑, 今日黑色暴雨警告, 天后寵物醫院冇開, 貝貝梗係開心, 唔洗針. 白餓咗一晚. 但佢啲藥食到七七八八, 見佢又係咁lam大腿內側的毛(上回Grace話佢痛, 有stress所以狂lam), lam到甩晒, 真係......:L