痾血呀......(已更新)
死啦死啦...
小不點痾血呀.........
我頭先返到屋企佢已經不停痴住我...平時都唔會咁痴..
跟住見到地下有少少血,仲痴住d屎屎...
即刻望下點點個patpat仔....損哂..仲有幾多既血....
再去睇埋沙盆d屎屎.....嘩!!!!嚇死我.....
d屎有血.d沙有血....冇尿尿...
好驚..打比個資深養貓朋友話可能係發炎..可大可小..可以突然好嚴重!!!
聽朝先同佢去睇會唔會有事呢??
---------------------------------------------------------------------------------------------------------------
第二朝早....
我見佢好似乜事都冇wor....
d屎屎尿尿都好正常..
但係唔放心,決定帶佢去睇e生叔叔~~
事關我屋企附近冇d比較好既e生,所以又係帶返佢去個間呃錢野度睇...
一睇就7百幾蚊~
錢唔係問題,問題在於我隻寶貝有冇事,驗左,冇虫~~
係佢媽媽我多手加左d新既天然糧入去~令點點小朋友肚痾姐~~
個d所謂既天然糧好多都係炸得好勁,有d bb唔岩食~~
咁開左藥返屋企食~~
------------------------------------------------------------------------------------------------------------------
返到屋企餵唔到藥....
佢又合實個咀仔,唔肯比我打開....
咁我就帶佢去相熟個間寵物店度餵藥啦...
d藥一點到條舌頭佢就不停流口水啦...
唔係少少幾滴個d,,,
係好似鼻涕咁....一流就成個鐘啦!!!
寵物店主覺得唔正常....
就打電話比義務e生叔叔問下啦...
義務e生叔叔一聽話有6隻藥已經嚇親....
星期日佢會到寵物店義診叫我到時帶佢落黎睇睇~~
-------------------------------------------------------------------------------------------------------------------
星期日~~~
琴晚我帶左點點落去比義務e生叔叔睇...
一d問題都冇,,,,話佢只係轉糧唔適應~~
呼吸心跳都ok~~~仲話佢好重磅~~bb黎講叫好叻叻~~
咁我都放心哂~~
但係點點有少少嬲左我呢.....
可能我強迫佢食藥..佢咬我我又打佢patpat...
去到寵物店見到平時同佢沖涼個姐姐又迫佢食藥連姐姐都嬲埋...
唔比抱呀.....c~~56~~
算啦!!為你好~媽媽做衰人都要咖啦!!!!
好lu~~而家乜事都冇~~安落哂!!!!!
不過肚痾都係要小心d~~可能會有傳染病或者生虫都唔出奇~~~
嚇死我!!c~~55~~
[ 本帖最後由 sugar_cman 於 2009-8-3 13:01 編輯 ]
