要發生既都終於發生~

今日帶豆豆反去dr.betty度打預防針,順便check埋豆豆既骨骼;因我開始發現豆豆前兩腳好似就住就住咁行,而且長時間瞓係度.

經dr.betty check完後,證實d骨骼開始出現問題,都係個句.....摺耳貓既遺傳病!!

拒話豆豆已經好叻,依家先病發,暫時用針希望可以舒緩到豆豆既骨痛;要一星期打一支連續四支針,而且早晚更要食止痛藥!!!

明知道豆豆係會有呢d病....但當聽到dr.betty咁講,自己好心痛,好吾想接受~吾想豆豆成日都要打針食藥,吾想見到豆豆辛苦!!!

豆豆,你要加油吖~

金寶媽,
我真係好心痛吖,
希望打針食藥真係會幫到豆豆啦~

floratps,

vet有介紹一隻藥比我吖....係synoquin每日一粒,你認為ok嗎???
又或者邊種會好d呢??

thanks~

多謝大家關心,
我會同豆豆一切樂觀咁去面對!!

約左dr.grace星期五帶豆豆去見拒!!
到時再update比大家知道豆豆個情況!!

今日帶豆豆去睇dr.grace.

dr都係個句,呢個病係需要長期食藥,吾會好反,而我地要做既就係針對病發個位置.因依家豆豆係處於發育既時期,所以拒會顯得特別痛苦.

因豆豆吾合作既關係,今日照吾到x-ray,所以聽朝要一早帶豆豆反去,先麻醉再照,首先搵到邊個位置出現問題,dr.grace話要照2張,因拒暫時睇到應係前腳同後腳腳踝位.跟住會同埋豆豆做針灸,而我地都同意比dr同豆豆驗埋血!!

暫時都係同dr講到呢d問題,因始終要睇到x-ray先決定到點做.

聽日再同大家講下豆豆照完x-ray既情形!!

係吖,大家都要繼續努力吖~

豆豆今日個x-ray顯示出拒d既骨骼無明顯既變化,只是後腳腳踝位有輕微既增生,麻醉期間dr.grace都同豆豆做左針灸,重打埋一支皮下水,而驗血報告都一切正常!!

當聽到dr話豆豆既問題都吾係好嚴重既時候,本應係開心....但因豆豆呢排既食量真係小左,所以dr.話不如check埋其他,睇下會吾會有其他因素所引至.

貓愛滋FIV~陰性

貓傳染性腹膜炎FIP~陽性

dr.grace既解釋係呢種病多數發生係幼貓(3歲以下)身上,而且發病得好快,大多數都會無得醫.所以拒都擔心波波同樣會有,叫我盡快同波波做埋血既測試!

到依家都吾係好明究竟係咩一回事????

當慢慢開始清楚明白所發生緊事既時候,又無啦啦再出現另一種事情.......

而又係一個吾好既消息,更加面對數字上既不捨....完全無諗過係得幾年既時間.....

豆豆,

媽媽好痛心,

痛心你咁細個就要面對咁多既病痛,

你要加油,

繼續堅強吖!!!