大約9:30pm返到屋企鄰居話條村出面巴士站有隻貓b坐係度已有3-4個鍾, 走出去見到佢, 大約一個多月, 立即回家攞o的糧同紙箱預備去救貓, 完全無經驗第一次去捉貓b, 膽粗粗咁去試, 最初我行過去放底啲糧佢都無走開, 眼定定咁望我, 諗住慢慢去接近佢, 點知鄰居隻狗
走過呢嚇親佢走開左, 之後就唔可以再接近佢, 打電話貓友Doris求救, 請教後再從新安裝捕貓袋, 但同佢對峙左3個鍾都無法捉到佢, 唉!見到佢咁細真係好擔心, 又怕佢比巴士車到, 又驚佢比野狗打, 心裡不停咁叫佢乖快o的入去個袋o拉, 可惜佢一路一路咁走遠, 大約1點就放棄注先, 放左罐罐比佢食後返屋企, 聽日再試, 希望可以捉到佢, bb聽日乖o拉比我捉到你呀c~~60~~

[ 本帖最後由 乜貓野 於 2011-10-5 22:13 編輯 ]

成晚都心掛掛, 一早走出去, 見到貓b食緊罐罐, 離遠望實佢, 睇吓有無機會捉到, 又比bb發現我, 不過又無立即走開, 自己又唔敢行太近嚇親佢, 反屋企再攞多少少野比佢食, 放底行開又見bb過去食, 而家只有一直比野佢食, 希望比到佢對我有信心先再想辦法帶返屋企, bb要乖乖, 快o的跟我返屋企, 一個係街好危險架, 希望盡快帶返屋企c~~44~~

[ 本帖最後由 乜貓野 於 2011-6-5 11:24 編輯 ]

我想佢會好快記得你啦~不如試下再行近D.....
快o的帶返佢屋企啦~~ 係街好really危險.... D 狗好鍾意追貓

遇到怕人既貓貓真係要俾耐性先得.. 希望BB見得你多, 會慢慢信任你.. 加油啊..

有無細籠? 放個罐頭入去, 如果貓B驚人, 就綁條繩係籠門, BB一入去就拉繩

捉唔捉到呀?

仲未呀, 尋日全日同今朝都唔見佢出呢, 好擔心, 今晚收工再去搵佢, 希望佢無事, 只係太熱唔出呢o拉!!!

希望啦. 加油啊.

呢兩日都無見到貓bb, 好擔心佢c~~28~~ , 希望佢無事, 希望有其他好心人帶bb返屋企...........c~~58~~

希望係有好心手抱走咗啦.

尋日食完飯返屋企剛剛泊好車行返屋企, 見到門口對面有一隻細貓b, 心諗又有貓b係度, 係咪有人專登遺棄係度, 望清楚bb原來係唔見左幾日o既bb, 諗住返入屋攞齊野再set好個袋捉bb, 呢個時候見到一隻同bb咁上o下side o既bb行過去佢度, 然後見到貓媽咪跟係後面, 佢地三母女坐係度望實我, 貓媽咪對住我好大聲瞄左一聲然後調頭走, 兩位小朋友跟到實媽咪, 但見到bb走o左幾步停係度再望0下我, 仲聽到佢好細聲咁瞄o左一聲, 我同佢講唔好再走失要跟實媽咪, 幾秒鐘之後bb一支箭咁追住媽咪, 我就一直望實佢直到見唔到佢為止, 真係好彩, bb原來坐係到等媽咪搵佢, 而好媽咪又搵到佢, bb以後唔好再走失o拉, 一個係街好危險o架, 希望bb會平安快樂咁長大c~~64~~

在媽媽身邊最安全！

哈哈, 太好喇! 貓B 平平安安...三母女生活愉快, 大團圓結局!!! c~~45~~

咁就好喇！

只係一個巧遇，但令人好窩心，希望貓貓一家三口安安全全，健健康康的生活下去！