我隻貓又係勁咀刁，都係我衰自己籠怪佢，佢今餐食雞，第日食新鮮魚，有時食餅，餅放多幾個鐘，無咁翠又唔食。真係好鬼煩。見佢餓死又唔食，自己又唔忍心！真係自己搞到自己。佢好叻嗲我要食物架！

我老公叫我餓佢，唔好理佢，等佢餓就唔再咀刁！但我又心軟！我鍾意見到佢食到好enjoy個樣！

好呀！遲d唔使返工，就試下定時定餐。因為見佢揀食都幾煩！

引用:

原帖由 doriswong 於 2011-6-6 14:18 發表
定時定餐好. 可以KEEP得佢哋體重好啲, 同埋佢哋習慣咗冇長糧既, 會冇咁扭計, 一開餐就食.

唉！琴日放假，比佢lur都幾lur，又做唔到定時餵食，叫到我心都酸，都係返左工，放底d食物，唔好理佢返左工，無眼睇好d。佢一d都唔珍惜d食物，side錢！你地貓貓一日通常食幾多乾糧？因為我貓一時食得多，一時食得少，都唔知佢應該食幾多。我諗佢係揀食，所以無心機果日就食得少，但仲餓架！

因為我等唔到佢食完先返工，所以通常早上都要放長糧。佢喜歡的食物就食得好快，唔喜歡的就分好多次，每次食ddddddddddd。

到底我要點train佢？

引用:

原帖由 doriswong 於 2011-6-7 10:20 發表
你等唔切咪照放返一餐既份量, 唔好俾多佢. 食晒就冇. 一餐太約1/4杯糧杯份量都差不多架喇. 有時唔可以太心軟, 特別係最初改做定餐時, 佢哋實會有唔慣既情況, 咁有時佢餓一, 二餐冇大問題既, 等佢習慣嘛. 一心軟 ...

我之前成功過架，同佢誡魚仔，改食乾糧，後來見佢做手術，又腳痛，裝修坐監佢太驚又唔食野，咪開罐頭比佢食，諗住等佢開心d。之後又衰左lah!!! 我真係無鬼用。用自己的意思去解釋貓貓的心意！！

一日兩餐夠嗎？早晚各一餐！

引用:

原帖由 小小小特警 於 2011-6-6 15:49 發表
我個囡都係食OVEN-BAKED，佢幾LIKE！同埋我而家一次俾1/4杯俾佢，不會多！咁佢會珍惜食物啦！我反而係頭痛佢飲水的問題羅，好耐無見過佢自己飲水。

咁你平時要灌水比佢飲？有無試過果d噴水式飲水器？

貓貓如果沙盤的尿球夠多，夠大都可以睇到佢有無飲夠水。相反我貓貓成日飲水。我只係放一個碗比水佢飲。佢自己成日都去飲！