醫生講佢既情況係點呀? VET 幫佢打既係骨膠原針, 打完頭4針, 之後應該每個月打一針.. 佢既情況係點你可以說多點嗎? 走路時有咩問題? 一拐拐還是不願走路? 明顯走路少了? 有沒有手腳有增生??

查實食咗SUPPLEMENT 有好轉唔等同佢走路時一定好正常的. 以波子做例子, 佢到現在走路都是拐拐吓的, 食咗SUPPLEMENT 同藥唔代表個病可以根治到.. 只係舒緩病情同埋減輕佢既痛楚.. 最重要係佢走路時既意慾有冇少咗. 若然佢少行咗, 唔願郁.. 成日瞓係度, 冇胃口等.. 咁就好可能係佢痛到唔想郁.. 但相反佢都照行照走的, 只是走路姿勢不太一樣的話, 未必需要太担心.. 骨骼病係真係會影响到佢哋走路既..

佢哋有呢個病真係好多時冇辦法可以回復到病發前咁, 因為始終佢啲軟骨骨質化咗, 就好似骨刺咁, 所以一定同佢冇事之前會有分別.. .. 所以我們一直鼓吹唔好繁殖同購買摺耳, 就係因為呢啲遺傳病真係會跟足佢哋一世亦冇得根治.. 我們可以幫到佢哋既就盡量在照顧上做好點. 雖然佢哋走路唔好睇啫, 但照顧得佢好, 佢哋都會活得開心既. 就好似波子咁, 所以大家都要保持正能量, 唔好放棄..

引用:

原帖由 悅同 於 2011-5-18 11:24 發表
其實單單靠我觀察佢行路情況，能完全反映佢對藥的反應嗎？還是要比e生摸骨 or 照X ray？？

佢已經好少一拐一拐啦，但有時又會有d痛，唔至到痛到吊手，唔行 or跌落地。應該唔至到痛到要食止痛藥。

其實你見佢少咗拐咗咁即係啲SUPPLEMENT 有效, 咁當然都唔會完全止得晒. 因為仲有好多外在因素會影响佢哋既病情, 就好似人有風濕痛咁, 返風落雨會痛咁囉. 天氣唔好佢哋啲關節係會差啲架. 同埋呢佢哋瞓醒時頭幾步係行得差啲, 行順咗呢就好啲既.

引用:

原帖由 悅同 於 2011-5-18 13:06 發表
係呀！坐得太耐，頭幾步行得好痛架！我隻貓仲係bb，已經好似老人家咁！陰公！

之前日日開風扇比佢，一黎裝修有味，二黎怕佢熱，之後好似有d鼻水，立刻唔敢開黎直吹住佢。怕佢傷風。到底係我太緊張，定係真係唔係幾 ...

唔好吹用風扇吹佢呀, 佢哋天生抵抗力弱, 特別有遺傳病既小朋友, 很容易傷風流鼻水架. 你開風扇最好向上吹, 慢風, 唔好直接吹到佢哋, 就算你開冷氣都最好KEEP 住22-25度內, 因為佢哋好易凍親架.

啲毛真係覺得唔爽身先幫佢哋沖啦.. 沖涼可以的, 但一定要夠暖先囉. 同埋沖完之後, 一定要用風筒幫佢吹乾先得.. 風扇真係唔可以直吹佢哋架. 佢哋底子差.. 氣溫真係要小心呢.

有冇幫佢照過XRAY 呀, 咁先睇得清楚啲關節既問題架.. 同埋呢.. 若然佢仲有痛或者痛得利害, 可能要考慮食止痛藥, 你再同VET商量吓吖..近排係換毛季節, 嘔毛既情況係會多架. 我啲貓呢排都有呢. 唔洗太過担心既. 不過, 成日都嘔同埋都只係嘔水既就最好CHECK 清楚, 可能有其他毛病.

大部份的西藥止痛藥都不應該長期服用, 因為長期服食都會影响肝, 腎功能的.. 但問題係患有骨骼遺傳病既小朋友, 很多時都要服用止痛藥. 所以選擇止痛藥方面真係要好小心. 我波子而家都長期食緊止痛藥, 其中一隻係西藥, 但因怕有副作用, 所以服用的量很少, 叧外還有服用一些天然的止痛藥方, 如順勢療法的HOMEOPET JOINT RELIEF, 草本滴劑ALFAFA-YUCCA, 同埋佢哋食開嗰隻GLYCO FLEX 小食除咗有葡萄糖胺, 軟骨素成份外, 都有一隻叫做MSM 的消炎止痛的成份, 這些都幫助到小朋友止痛..

暫時波子既情況都好穩定.. 其實我每次都會同大家講, 決定俾SUPPLEMENT 前都最好問咗VET先，　因為每個小朋友的病況都唔同，　我們都不是獸醫，　只能同大家分享自身的經驗，　所以我們給與的意見只能作為參考，　我俾波子食既ＳＵＰＰＬＥＭＥＮＴ部份係VET 開既, 部份係問咗VET 話成份啱同OK我先俾波子食既..

佢哋個特別坐姿就係因為腳仔痛, 所以咁樣坐令到腳仔冇咁受力囉. 睇就好似好可愛, 查實有苦自己知囉. 係呀. 佢哋呢個病係冇得根治, 只有靠SUPPLEMENT 幫佢哋延緩病情希望唔好差落去..  SUPPLEMENT 一定要食架喇, 若SYNOQUIN CAT 佢唔啱既試吓第二隻啦.

類同既SUPPLEMENT 有好多種類, 有時都要試邊隻啱自己既貓貓食.. 同埋SUPPLEMENT 唔會話好快即時見效, 起碼都2-3個week... 你其他既貓貓有冇走路有問題呀, 佢哋幾大年紀? 若然冇行路問題年紀又不大既又唔需要俾SUPPLEMENT 佢哋食住既, 其實我哋都唔建議大家隨便冇事都俾SUPPLEMENT, 有時食多咗唔代表係好架. 坐姿只係一個表徵嚟, 會咁坐既貓又唔一定有病既, 或者咁講, 有遺傳病既摺耳咁樣坐既時間係較其他貓多好多囉.

你試咗而家呢隻SUPPLEMENT 先, 你都可以參考吓我哋團購內一隻叫做GLYCO FLEX 既SUPPLEMENT, 佢同Synoquin Cat 係同類型既SUPPLEMENT, 我哋都有介紹啲貓友用, 反應都唔錯架, 我自己既貓都食緊.. 同埋呢隻係小食裝, 唔需要餵藥咁餵, 小朋友會當咗係小食咁嚟食既. 起碼食得開心.  你可以參考一下或者問吓獸醫既意見... 若然食呢隻就唔洗食Synoquin Cat, 記住啊, SUPPLEMENT 唔好過量, 若然俾多過一隻SUPPLEMENT 就要對清楚啲成份, 唔好重複, 食多咗唔代表好..

其實若果GLYCO FLEX 可以代替SYNOQUIN CAT, 你可以睇下呢度.. http://forum.hksfsickcats.com/thread-952-1-1.html
佢既成份有青口素, 葡萄糖胺, 軟骨素等..呢啲都係幫助佢哋生長返軟骨既重要原素...  你可以將佢同SYNOQUIN CAT 既成份做個對比.. 同埋呢.. GLYCO FLEX 有分, I , II 同埋III..  佢哋分別係II 同埋III 多咗隻MSM 既成份, MSM 係FOR 消炎止痛既. 所以若然貓貓有拐腳既情況就可以選II 或III , 若然病情輕微腳仔唔多痛既, 揀 I 就OK喇. 你去睇下啲DETAILS 啦. 咁呢隻SUPPLEMENT 小食我介紹俾啲貓友, 大部份貓貓都會鐘意食, 只有很小數唔食, 咁佢都可以揀藥丸裝既..

好多時啲VET 都RECOMMEND SYNOQUIN CAT既, 又或者只開葡萄糖胺，　青口素等。。　GLYCO FLEX我哋都係自己訂返嚟做團購, 不過我俾ＶＥＴ　睇過話成份冇問題都啱食，而自家貓食過又真係效果唔錯,　所以先介紹俾大家。。　

MSM是甚麼？
Methylsulfonylmethane，簡稱為MSM，它不是藥物, 是一種營養素, 是有機的硫磺，人體關節內的軟骨素硫酸、硬蛋白硫酸都是MSM。MSM能有效緩解關節炎症和疼痛，並且安全無毒副作用；而對其他肌肉和骨骼的失調也有效用。主要功效：有效鎮痛並且安全，經常被用於類風濕關節炎、退化性骨關節炎、纖維肌肉痛以及其他各種炎症和痛症；MSM亦能有效改善過敏症。對維護皮膚、頭髮及指甲的健康，更是一種不可或缺的營養素。有效鎮痛並且安全，經常被用於類風濕關節炎、退化性骨關節炎、纖維肌肉痛以及其他各種炎症和痛症；MSM亦能有效改善過敏症。對維護皮膚、頭髮及指甲的健康，更是一種不可或缺的營養素。
此外，亦有用於改善便秘、控制胃酸、打鼾、軟化傷痕組織和減輕肌肉痙攣症狀等。

同埋呢止痛藥方面, 你都可以參考一下我們的草本團購. 那些都是天然的草本滴劑.. 都很安全的.. http://forum.hksfsickcats.com/thread-986-1-1.html

香港我未見過有零售噃. 不過我剛訂咗少量貨, 等返咗會放係特賣場, 都係諗住俾啲未買過但有需要既貓友可以試吓, 太約2個WEEK左右會返貨, 你可以試吓.