冇聽過添

記住依個病係長期慢性病, 食葯後唔會話即時好轉, 都要睇一段長日子, 如果太快同貓地轉葯, 轉vet可能睇唔出效果.....

我都好明白大家一下子要接受好難適應....但希望所有新手主人唔好打亂陣腳一步一步來, 唔好俾o甘大壓力自己, 亦唔好俾壓力貓地.....ed係我ge肺腑之言

我妹妹都試過食o左tramadol之後眼光光加輕微抽搐, 唔係隻隻貓都受到依隻葯, 你試o下同佢停o左睇o下會唔會變返正常先

至於metacam ge 主要副作用係有機會傷害肝腎功能, 但貓貓年紀輕d, 肝腎功能會比較好, 比較能分解到毒素。但年紀大佐就要keep住檢查睇下d肝腎功能有冇下降到。以我家妹妹為例, 佢今年7歲, 依隻葯已經食o左3年, 過去做ge年檢都正常 (今年將會於月尾做, 到時再話俾你知result)

免疫力低我諗係冇得驗到ga, 若果貓貓成日都大病少病, 又易flu, 咁咪就係身體唔好o羅。唯有從飲食入手。我妹豬就係病發初斯食o左幾年類固醇, 變o左免疫力好低, 動不動就cat flu同埋生癬, 獸醫都話係因為自身抵抗力弱所以先會o甘。後來換o左vet, 換o左葯, 再加上supplement補返個底, touchwood依幾年佢都叻女o左, 就算依家潮濕天氣都冇生癬, d毛又靚o左同光澤o左, 所以我覺得同人調理身子一樣, 首先要身體夠營養, o甘先至得