我都覺得金金後腳有d怪怪地, 其實怪坐姿都會係遺傳病ge病徵之一, 下次見醫生時不妨叫醫生檢查下

如果金金有弓背行再加上佢8字腳已經中咗兩個徵狀, 我諗你早D帶佢去檢查比較好。你睇開邊個VET? 因為有D VET唔識睇摺耳貓遺傳病GA

有時主人見貓仲跳得走得就以為無事, 但其實可能貓貓病情唔嚴重, 未致於痛到唔郁, 所以佢地仲會有一定活動能力。正如我妹妹,其實佢隻腳一路都痛, 只要摸佢就會縮, 但係止痛葯可以幫助減輕痛GE程度, 到達佢忍受到, 可以正常活動GE程度, 所以妹妹係可以跳上床, 可以追栗子....

對唔住, 我唔係想嚇你, 只係覺得若果可以的話, 早D俾貓貓去診斷, 若果真係有事GE話就可以盡早醫治

黃大仙呀....九龍城啟得道ge Dr. Betty啦, 佢好好ga, 好nice好細心, 不過同診所ge男醫生唔得, 千其唔好book男醫生。

針灸只係用於止痛, 同時有下列限制:

1. 隻貓要定定地坐成半個鐘有多咁俾d針吉住;
2. 最少每星期針灸一次 (清醒針灸);
3. 若果貓抗拒針灸就要進行麻醉針灸, 最多只可以一個月做一次, 但眾所皆知麻醉得多唔係咁好;
4. 價錢貴, 每次針灸最少都要3,4百蚊

一般骨骼病前期醫生會主張食止痛葯, 因為貓好難做針灸。但到o左止痛葯都唔work ge時候, 先試o下針灸。

醫骨骼病唔可以單靠針灸, 食幫助關節ge葯去減慢惡化同樣重要。

o甘就好la, 查查以後要小心, 唔好再扭親手la:)