我自己一向都會溝糧嚟餵貓既, 始終單餵一個牌子冇咁好, 幾隻呢個營養全面啲, 我自己就用下面呢幾隻天然糧嚟溝..
1. CALIFORNIA NATURAL (天然鯡魚甘薯)
2. Fromm (鴨肉甜薯蔬菜)
3. Now (無穀物火雞鴨肉)

但自家貓食邊隻既糧都真係要試吓, 每隻貓既腸胃體質唔同, 有啲貓對某啲牌子唔受得既會屙爛.. 所以都係要試.. 咁天然貓糧的確對貓貓既毛同體質有好既效果, 不過, 部份貓對天然糧都會有腸胃敏感既問題, 所以真係要試吓邊隻牌子隻貓貓受. 我家其中一隻貓~ 芝蔴呢就係腸胃好敏感既, 食唔到天然糧, 佢轉糧會屙爛架, 佢長期要食處方既rc敏感糧, 而家我搵到Artemis 雅思全貓糧(無穀物)既糧, 佢都專係針對啲腸胃敏感, 而家同rc糧溝嚟餵, 佢腸胃都ok.呀,  講真可以既我都唔想佢食rc, 而家可以2溝都好好啦, 我都試咗好多隻牌子先搵到呢隻得..

引用:

原帖由 Subaru 於 2010-3-19 17:52 發表
BeeBee食緊果只 NV 個評語都唔錯的啊... 我係依度 http://www3.uwants.com/viewthrea ... id%3D488&page=1 睇到大部份貓糧o既成份同評語的.
不過,  ...

芝蔴既問題唔係佢唔肯食, 而係佢腸胃敏感既原因, 大部份既天然糧佢都會屙呢. 其實RC糧食肥貓又冇乜營養, 但佢有腸胃敏感無得揀咋. 最終試咗呢隻Artemis 雅思全貓糧(無穀物)用嚟溝RC 佢腸胃OK既, 咁都好好架啦, 起碼唔洗全食晒RC糧嘛..

通常天然糧街既店好少買到, 多數都要網上店訂囉.

引用:

原帖由 BeeBee 於 2010-3-23 12:02 發表
咁你地平時通常幫襯開邊間架....等大家一齊參考下丫......

我自己就幫襯開寵物雜貨

我都試過雞湯, 真係麻麻咋.

份量呢樣嘢又真係好難講, 又要睇下你隻貓係咪成日玩定係成日瞓, 又要睇佢身型幾大, 肥唔肥等.. 若然你會溝罐罐既又唔同計法,  呢樣真係好難有個準則噃..

通常無穀物既糧係冇咁易腸胃敏感囉.. 溝糧呢樣嘢又冇話一定要溝, 個人意見就覺得幾隻糧溝埋啲營養會全面啲, 同埋貓貓唔洗食死一款糧, 萬一真係訂唔到貨, 都不致於無糧揀而有機會出現對一啲新糧既腸胃敏感情況出現囉.

緊記齋食雞係唔夠營養架...