Hi 我兩只貓大人依家吃緊 Felidae 同 Solid Gold..之前一路吃RC KITTEN, 到其中一只1月份要轉吃成貓糧時有食RC (草本提子糧時), 吃左個零星期, 佢有兩晚半夜嘔番D未消化o既糧出來同大大唔係幾好...我同寵物店反映, 老闆娘話貓吃左唔消化叫我唔好再比貓吃了..叫我比番D剩糧佢 (佢店有好多貓可以share), 佢就換包 Solid Gold 我試.. 加上, 我上網搜集資料大部人都唔建議RC因為商品糧及味精重... 所以上兩個月都一路係度試, 3月份先正式肯定依2只糧OK.. 點解要2溝.. 因為萬一其中有一只斷貨都還有一只可以食住先囉...之前係貓展有攤位比Felidae 及 Artemis 試食裝, 兩個貓都吃, 但我幫襯開的店沒有入Artemis, 如果唔係我都會3溝的...

BeeBee食緊果只 NV 個評語都唔錯的啊... 我係依度 http://www3.uwants.com/viewthrea ... id%3D488&page=1 睇到大部份貓糧o既成份同評語的.
不過, 妳認為好的糧, 貓大人未必肯吃的.. 他/她們好有性格的.. 可能依個就係Doris講芝麻可以吃2溝rc都好好啦既原因呱..
杜虫藥我用緊 - 康圖 (Quantel) 2粒/盒, 我記得6個月以下 (0.5 - 2.5kg)的貓只吃1/4片. 每3個月先吃一次. 不過, 妳買時再問下店主...
(提示: 如果有d野唔急用的, 妳可以等有寵物展時去八下, 因為好多時係展覽攤位係賣得平d的. Quantel 係寵物店賣70蚊, 寵物展賣60蚊咋!)

我所有貓番來時都已經3個月大, 我係一開始就每3個月吃一次咋...

又或者考慮我下來緊個寵物展啦, 睇下有無乾糧free sample或者其他野有平賣啦 http://www.petexpo.hk/hitec/lang-tc/info.html 佢地都會知道你住果區邊間店有佢地d野賣的.

用'淡'牛油? 係咪應該用蒸既方法好d? 我都有間中煲紅衫魚/大眼魚湯, 今日試蒸大眼魚. 如果我加了新鮮魚肉係乾糧度, 我家只有老虎仔喜歡吃, Tamako直程罷吃的... 不過, Tamako係由細到大都挑吃的...