Board logo

標題: 有關NPV 既醫生一問? [打印本頁]

作者: ppesther    時間: 2010-11-26 23:38     標題: 有關NPV 既醫生一問?

NPV 有很多醫生, 有邊個好? 我不想看幾次才醫好?
更不想在同一機構不停試不同的醫生
我實沒有多餘錢去甘樣試

作者: ppesther    時間: 2010-11-27 00:51

我所指既是腸胃科, 我之前有另外一隻貓睇左幾次CAU, 亦試過全部醫生, 甘試法真係好浪費金錢, 貓咪亦好辛苦, 而且在CAU指定醫生要$250, 針藥當然是另計啦.

下下都要睇3幾次都未必有好, 或者才有反應/見效, 但不是可以好番. 唉....點解d醫生用藥甘差架.

各位有邊d醫生(腸胃科)介紹下, 唔該
作者: Subaru    時間: 2010-11-27 09:45

係咪隻貓b重嘔呀? 有無一個月大? 如果懷疑是貓媽媽/媽媽奶問題 (因為貓B飲貓奶), 不如開貓奶粉餵貓B啦... 我有係NPV睇關醫生, 不過只係打下針杜下虫. 唔肯定佢係'腸胃科' 既經驗.
作者: ppesther    時間: 2010-11-28 02:55

已有2個月, 因情況急劇下況, 現又轉番CAU 果到睇, 我其餘3隻都有在此看過一段日子, 尤其貓媽媽在發現有貓b前後.

本是嘔水的, 去完NPV 後, 竟痾同嘔bubble, 而且貓b在痾嘔前都叫得好辛苦, 貓媽媽次次聽到仔仔辛苦地叫, 都一泡眼淚流下. 其他兩隻更立時起身在他身旁

據doctor 所說,現貓b情況很差, 很差, 要有心理準備, 怕他會.....因他太沒有反應了, 如不是看住皮下的心臟有慢慢的起伏, 他的定格, 同死左差不多, 而且用手抱感受不到體溫.

現打了皮下水, 以及要每兩小時餵貓b食野3ml, 同餵水, 仲有1日兩次藥, 有飯前飯後, 要相隔半小時
作者: doriswong    時間: 2010-11-29 09:29

點解會咁架. 有冇諗過轉診所呀??
作者: Susa    時間: 2010-11-29 23:25

快D搵個好醫生啦 !!
作者: 乜貓野    時間: 2010-11-30 00:24

醫生有無講係乜野病??? 我呀古古都係六個月大時又係嘔但係就無痾, 又係沒有反應, 體溫感覺很低, 睇醫生就話佢係腹膜炎, vet話貓bb係好昜有腹膜炎架, 醫左兩個多星期古古就做左貓天使o柆, 而貓媽媽過左一年左右又因腹膜炎都去做貓天使, 醫生話佢地兩個都係腹膜炎既遺傳病, 所以係都係問清楚bb係乜野病, 同時有無諗過搵第個醫生?? 怏o的搵個病原因, 唔洗令小朋友咁辛苦, bb都要勞力呀, 比心機, 一定會好既c~~31~~
作者: ppesther    時間: 2010-11-30 08:32

首先多謝大家關心!

現已由NPV 轉番去CAU, 最初24/11晚去左睇NPV既Dr. Kwan, 本沒有肚痾, 只是d 便便微綠色且有極濃既爛菜味, 另外有嘔, 嘔黃色既水, 之後睇完NPV 's Dr. Kwan食左她開既3日藥內, 貓b勁作嘔, 抽搐得很辛苦, 每次都要作嘔好耐才嘔得出d 白色既bubble加水, 而且仲痾, 痾水, 痾超稀湖, 聽得出貓b個肚勁多風.

一路食住NPV既藥情況沒有好轉不得至, 貓b狀況更差, 食左兩次藥, 已致電查詢, 但不果, 留言沒有回覆, 貓b已沒有反應, 目光呆滯, 像沒有體溫, 起初以為是食完d藥既反應, 但貓b每次痾嘔, 都會好辛苦地叫, 而且一次比一次叫得耐, 貓媽媽都流淚了, 其他3隻都一起叫, 很不尋常,

27/11早睇左CAU 醫生Dr. Fung都不知咩事, 只知貓bb d便便含菌量超標, d便便是綠色且有極濃既爛菜味, 亦分析左NPV所開既藥, 其中一種並不是抗生素, 而且是要飯前食, 藥量沒有錯, 只是不適合貓b食用.

睇左貓b d便便含菌嚴重超標, 大家都不明所以, 之後睇番貓媽媽既病歷, 而估量貓媽媽由於在有貓BB時服用太多,不同的抗生素, 以致令貓bb抗菌能力極差, 但d菌何來真的不知, 因嚴重缺水變得太過貓乾, 當場打皮下水.

現聽醫生吩咐每2小時就俾能量食物俾貓b, 亦不時俾水, 因有一半要靠貓bb自己去打扙, 太多菌, 不可據含菌量而開抗生素, 貓bb受不住d藥

現在 貓bb好了點點, 已沒有再作嘔, 同嘔, 有番d反應, 有番dd活力, 有體溫啦, 亦有番dd胃口, 不往我每日不停每小時不眠不休灌水灌食物俾你隻bb, 不過之前都有d痾水, 到變成軟便, 到成形, 但現在整個星期一都無所出, 又另一種擔心, 希望只是在調節中
作者: doriswong    時間: 2010-11-30 09:31

一個星期都沒便便?? 太耐喇喎, 快啲打去問吓VET ... 希望小朋友一路有進展,, 加油啊.. 佢哋病我哋真係好心痛呢..
作者: 天爸    時間: 2010-11-30 09:39

咁貓b有無驗血、驗冠狀性病毒(腹膜炎)、貓愛滋? 化驗結果如何?
作者: 火車頭    時間: 2010-11-30 19:22

用 紙巾 + 暖水 抹 bb patpat 放便便啦 !!

繼續比 bb 飲 電解水 補充 體內 minerals。
蒸 雞肉蓉+南瓜 給 bb 吃 吸收蛋白質 。

記得保暖 + 0畏食溫熱食物飲水保持 bb 體溫暖和 !!




歡迎光臨 香港摺耳貓病友會 Hong Kong Scottish Fold Sickness Concern Group (http://forum.hksfsickcats.com/) Powered by Discuz! 6.0.0