香港摺耳貓病友會 Hong Kong Scottish Fold Sickness Concern Group

標題: 求教, 摺耳貓甩好多毛 [打印本頁]

作者: andyhk 時間: 2010-3-21 22:16 標題: 求教, 摺耳貓甩好多毛

各位朋友,又系我andy.
我隻貓近一個月,每天都甩好多毛, 我每一日掃地,拖地都累了.

它甩毛是否正常,請問在旺角有那閒寵物店服務好, 我想帶它去剪毛, 希望可盡剪短.因為前幾天,我帶它到一店子, 剪到我隻貓鬼5馬六. 將來長番一定不好看,所以我希望盡快帶它去美容一下. thanks all advise.

作者: doriswong 時間: 2010-3-21 23:53

天氣轉熱喇, 夏天開始到, 貓貓甩毛係正常既, 呢個係佢哋天氣既生理反應嚟, 冇問題. 夏天時間貓貓係KEEP 住會甩毛既.唔,... 我唔太建議帶貓到美容院.. 太多黑店喇. 有些係會怕隻動物周身郁而同佢打咗針先既. 其實只要你每天同佢梳走啲死毛既, 都OK架噃.

作者: kako 時間: 2010-3-22 11:29

我想多口問,究竟spca既美容服務ok嗎?

作者: 叮叮妹 時間: 2010-3-22 18:17

真係唔建議帶貓貓出去沖涼美容, 貓怕陌生地方同人, 佢地會好不安, 其實天氣一熱佢地甩好多毛架, 你可以買打去死毛既梳, 每天幫貓貓梳, 會好好多。你可以睇下幅相, 真係梳到好多死毛出來。

作者: Addie 時間: 2010-3-22 18:46 標題: 回復 4# 的帖子

請問是梳一次的成品嗎 ? 好厲害啊 ~

作者: 火車頭 時間: 2010-3-22 18:59

引用:

原帖由 Addie 於 22-3-2010 18:46 發表
請問是梳一次的成品嗎 ? 好厲害啊 ~

用乜梳0甘勁 c~~42~~

作者: doriswong 時間: 2010-3-23 09:06

應該係用FURMINATOR, 可以梳咗啲死毛出嚟, 有點似幫佢哋削薄既功能咁, 我都有用呢隻梳架.. 梳完啲毛都冇咁厚.. 夏天最合用. 我個人都唔太贊成去美容店既, 因為貓貓又會驚, 而且太多黑店會打針令動物乖乖合作, 都好危險.. 我會選擇自己幫佢哋沖涼(其實貓唔洗成日幫佢沖既, 覺得啲毛毛唔爽先幫佢哋沖), 夏天勤啲梳毛都OK架啦..

作者: Fishball 時間: 2010-3-23 13:36

FURMINATOR幾多錢ga?? 係咪寵物店就有ga喇?

作者: BeeBee 時間: 2010-3-23 14:03

你地係咪都會幫貓地濕洗定乾洗??....又會用咩牌子幫佢地沖涼呢....有冇話幾多個月先好同貓地沖涼呀???

作者: doriswong 時間: 2010-3-23 14:07

引用:

原帖由 BeeBee 於 2010-3-23 14:03 發表
你地係咪都會幫貓地濕洗定乾洗??....又會用咩牌子幫佢地沖涼呢....有冇話幾多個月先好同貓地沖涼呀???

我自己就會選擇濕洗, 會揀啲天然啲無乜香料既貓用沖涼液.. 其實幾耐沖一次又真係冇一定既, 我自己呢只會在春, 夏呢啲季節先會幫淨沖涼.. 時間都冇定, 覺得佢哋啲毛毛唔太爽時就會沖. 秋, 冬天就一定唔會沖, 因為好易會冷病..

作者: floratam 時間: 2010-3-23 14:26

Furminator寵物雜貨有得賣, 網址 --> http://www.petss.net/index.do, 最細把就夠, 價錢為$290

作者: 叮叮妹 時間: 2010-3-23 15:07

引用:

原帖由 Addie 於 2010-3-22 18:46 發表
請問是梳一次的成品嗎 ? 好厲害啊 ~

係呀, 第一次時梳一次就有咁多, 不過我唔係日日用, 平時會用黃金梳, 不過我依把唔係FURMINATOR, 只係中國板係ebay買80大元！
我d貓貓一年沖兩次涼到咋, 自己濕洗, 聽聞用乾洗重衰個唔洗喎, 因為d粉會塞左d毛孔, 我亦知有唔少貓係唔沖tim, 因為有d真係好怕水, 只會用濕布抺下就算。

作者: 火車頭 時間: 2010-3-23 15:47

我會選擇唔幫貓地沖涼 lor !!
至多用濕布抹下就算  c~~31~~

我自己係Dr Tsoi 診所見過有貓主因幫貓沖涼而嚇死左
個位貓主係診所內喊到呼天搶地呀  c~~44~~

更何況我有隻確診先天心臟病(HCM) 既短毛家貓  c~~58~~
另2隻蘇摺因有英/美短遺傳因子
所以都隱含HCM 風險 c~~47~~
每逢夜晚行雷我都會陪貓貓時間長d
睇睇貓貓有冇異樣至安心去  c~~57~~

呢度有條link 講 HCM cat breed http://www.petline.com.tw/event_web/new_event.php?n=20080904
所以佢地有異樣就第一時間要睇vet c~~40~~
就算自己有頭暈身熱都要帶貓貓睇vet 至安心  c~~24~~

作者: Mia 時間: 2010-3-25 19:52

夏天我會幫貓地濕洗唔洗每天洗, 梳走啲死毛c~~1~~

作者: doriswong 時間: 2010-4-7 11:12

貓貓一到轉熱天就會甩毛.. 要換毛過夏天嘛. 所以呢啲時間係甩毛季節嚟架. 好正常既, 唯有就係勤力啲幫佢哋梳死毛囉.

作者: 小小小特警 時間: 2010-4-7 13:57

我忍唔到唔同妹豬沖涼，因為有時她個身唔知點解會有陣雞屎味！而且太耐唔同佢沖，佢D毛會黃"KAM KAM"的。但我會趁天氣暖才同佢沖...妹豬對沖涼都OK，最近佢直頭用花酒沖，佢又無叫到鬼咁，反而係用風筒吹身時，會叫下羅.....c~~37~~

作者: doriswong 時間: 2010-4-7 14:13

沖涼都要睇貓貓抗唔抗拒, 若然佢好驚既, 最好唔好囉. 但有啲貓好LIKE 沖嗰陣, 暖水浴, 好C服. 我豆豆呢, 同佢沖涼後吹毛仲好合作添. 吹腳自動提腿做美腿生輝, 俾我幫佢吹架. 幾ENJOY呀.

作者: floratam 時間: 2010-4-7 14:22

引用:

原帖由 小小小特警 於 2010-4-7 13:57 發表
我忍唔到唔同妹豬沖涼，因為有時她個身唔知點解會有陣雞屎味！而且太耐唔同佢沖，佢D毛會黃"KAM KAM"的。但我會趁天氣暖才同佢沖...妹豬對沖涼都OK，最近佢直頭用花酒沖，佢又無叫到鬼咁，反而係用風筒吹身時，會叫下 ...

雞屎味? 同我以前肥仔一樣 -_-, 妹豬係咪好懶唔lam毛呢?

作者: luk 時間: 2010-4-7 15:43

你地就好，貓貓咁合作... 我同貓貓在浴缸裡面，水位慢慢上升，一掂到佢腳仔就一直退後，退到冇得退，佢就慘叫，好悽涼！要同返佢出來... 我又有諗過好唔好抱住佢，㩜住一齊慢慢浸落水，但又怕嚇親佢... 你們第一次係點樣令貓貓克服到的呢? c~~34~~

作者: 小小小特警 時間: 2010-4-7 16:40

我地又無話點教妹豬，只係好似同小朋友沖涼咁，一路同佢沖、一路同佢講野，係到氹佢羅，以前佢細個就要用盆沖，但佢越來越大隻，個盆個載佢唔落，咁咪試下用花酒沖羅，佢又OK喎，當然咪兩聲實有，但又無叫到拆天咁羅，佢肯用花酒仲好，因為過水會過得乾淨D羅！今晚叫妹豬爸POST妹豬沖涼的片段俾大家看下吧！

作者: Susa 時間: 2010-6-11 02:49 標題: 回復 7# 的帖子

TKX SO MUCH, 睇完介紹, 即刻去旺角買左一個完裝, 一百多,超好用, 真是非常有效,一星期一次就夠, 現在再沒有成屋飛毛啦!!! 多謝介紹 !

作者: Susa 時間: 2010-6-11 02:52

引用:

原帖由 doriswong 於 2010-3-23 09:06 發表
應該係用FURMINATOR, 可以梳咗啲死毛出嚟, 有點似幫佢哋削薄既功能咁, 我都有用呢隻梳架.. 梳完啲毛都冇咁厚.. 夏天最合用. 我個人都唔太贊成去美容店既, 因為貓貓又會驚, 而且太多黑 ...

TKX SO MUCH, 睇完介紹, 即刻去旺角買左一個完裝, 一百多,超好用, 真是非常有效,一星期一次就夠, 現在再沒有成屋飛毛啦!!! 多謝介紹 !

歡迎光臨香港摺耳貓病友會 Hong Kong Scottish Fold Sickness Concern Group (http://forum.hksfsickcats.com/)