香港摺耳貓病友會 Hong Kong Scottish Fold Sickness Concern Group

標題: 不幸確診骨骼遺傳病, 可幸的是以十級來介定. 現時Tapas 同Wario 情況屬第二級. [打印本頁]

作者: Mia 時間: 2010-3-11 13:58 標題: 不幸確診骨骼遺傳病, 可幸的是以十級來介定. 現時Tapas 同Wario 情況屬第二級.

不幸確診骨骼遺傳病, 可幸的是以十級來介定.

現時Tapas 同Wario 情況屬第二級.

我得知Wario同Tapas確診好傷心亦心痛.

係最初打算領養個性温純的英短,

從上網找了個多月, 發現有一個論壇有住家post英短貓B領養

而owner亦表明到有5隻貓B可以領養.又容許家訪

貓B1個月大, Owner send 了貓B的相給我.其中Wario同Tapas最為伶俐.

到貓B2個月大, 我地着Owner ，安排家訪.

入到屋, 發現貓地3大5小.

原來打算領養的英短瘦弱無力, 軟軟靜臥於寵中.

其餘3隻小貓 Wario , Tapas 同藍貓妹妹精力允沛,跑跑跳跳, 四支發達.手長腳長尾巴長

我亦怕 Wario , Tapas 有可怕的遺傳病, 再三詢問 Owner.

Owner力指英短 Mix蘇摺一定健康!

最後我們抱了Wario , Tapas 回家展開了半年幸福的貓奴生活.

他們小的侯的3次打針及身体檢查, 醫生亦說他們十分健康.

愚蠢的我, 半年前左右有看過下面的文章上半段, 但沒有細閱下半段....

" 摺耳貓的骨骼遺傳病不限於幼貓身上，只要貓咪帶有摺耳基因，在牠一生中任何時候也可能出現病變。我們最近都發現若干摺耳貓外觀完全正常，沒有短尾巴及短腿，但透過X光檢查，被診斷出關節有病變情況。因此，不要因為貓咪的外觀正常而掉以輕心，更不應該憑外觀判斷而在寵物店隨便購買摺耳貓。若有任何懷疑，應及早帶貓咪往見獸醫。"

直到最近wario的手震令我們十分擔心, 看了兩個醫生亦說他們沒有事叫我們再等等細心觀察.

我們住焦急不已, 不斷網上尋找有關手震的資料,及問其他貓奴的意見.

最後, 我再查鬩閱 " 香港摺耳貓病友會 " , 就發現Tapas 同 Wario所承受的痛.

http://www.forum.hksfsickcats.com/thread-62-1-1.html

我的摺耳貓是不是有骨骼遺傳病？

此外，若貓咪外表上沒有明顯病徵但卻出現下列情況，便應馬上帶往給獸醫檢查：－

4.       貓咪最近不知為甚麼自己學會hand hand，很可愛呀！
         請小心！如果你沒有教過貓咪hand hand，牠又怎會懂呢？若發現貓咪常無故
         把手抬起，很可能是因為關節受壓時感到痛楚於是自動把手抬起

5.       貓咪忽然沒精打彩，食慾不振
         很可能貓咪感覺痛楚所以顯得悶悶不樂

6.       貓咪走路的時候常弓著背，是很緊張嗎？
         貓咪走路的時候常弓著背也是因為關節受壓痛楚，這樣走路會比較舒服一點

Tapas 同 Wario所承受的痛.我整個人都崩潰了.
一直以來 Tapas 拒絕給我們摸背脊的原因是因為痛.

我的愚蠢,害了他們

點解相信Mix的摺耳會冇遺傳病

點解唔細心了解摺耳貓遺傳病

點解所見過的醫生還說他們十分健康?

多謝 Doris介紹天后寵物醫院, 希望Tapas 同 Wario的病不要惡化

希望不再繁殖摺耳貓才能讓這種悲劇停止

作者: doriswong 時間: 2010-3-11 14:33

其實有部份獸醫都唔太識得診斷摺耳既遺傳病. 就算斷到診, 都唔係個個識得對症下藥.. 佢哋呢個病係不治之症, 治療主要針對止痛同埋以SUPPLEMENT 幫助佢哋唔好惡化落去. 真係好多人都以為摺耳溝英短沒問題, 又或者繁殖出嚟既貓貓直耳就一定沒問題. 雖然話唔係全部都一定有遺傳病, 很多都健康成長, 但只要有摺耳既基因, 都有發病既潛在風險. 所以點解我哋要叫人停止繁殖摺耳貓呢, 只有這樣才可以停止出現有問題既貓貓. 你要加油呀.

作者: floratam 時間: 2010-3-11 16:17

又係果d所謂住家繁殖ge死賤種....開佢名同地址唱衰佢lac~~32~~

作者: Mia 時間: 2010-3-12 09:48

我相信Owner的確係無知, 佢只係初中生, 貓爸媽都係領養回來, 總共生了2次 .

佢見我好愛錫貓貓, 佢話要2年後移民,想連貓爸媽都比埋我.

有問題嘅係佢父母, 幫佢領養又任由"住家繁殖".

最錯嘅係相信流言蜚語 ( 包括我 ) 相信Mix的摺耳會冇遺傳病.

我希望出到一分力, 教育多D人有關, 摺耳遺傳病同 Mix摺耳遺傳病十分重要.

作者: floratam 時間: 2010-3-12 09:54

o甘你有冇同佢地講返話佢地生d小貓出o黎有問題, 一定要將貓媽同貓爸絕育?

作者: Mia 時間: 2010-3-12 11:10

貓媽同貓爸一定要絕育, 因為將要比其他人收養.c~~14~~

等佢online会同佢講, 我這半年同佢msn溝通.

作者: floratam 時間: 2010-3-12 11:47

唉....幾時都係人為ge錯誤而害o左d動物....真係折墮

作者: doriswong 時間: 2010-3-12 14:12

說真的, 就算貓既父母都沒有遺傳病, 我個人都不贊成住家繁殖, 其實繁殖者係一個專門既行業, 要有專業既知識, 啲人隨便自家繁殖, 很容易出意外, 但偏偏啲人就係貪得意, 又或者覺得好容易, 任由家中既寵物自行交配, 唔絶育.. 莫講話未能確定父母貓既基因有沒問題咁深入, 就算生產時出咗狀況都唔識得處理, 最終可能釀成部份小貓性命不保甚或全部胎死腹中.. 真係希望啲人想清楚唔好再胡繁殖, 更加唔好將一項專門的繁殖工作當做興趣..生命唔係由我哋胡亂咁去製造..

作者: Mia 時間: 2010-3-13 10:39

:@ 生命唔係由我哋胡亂咁去製造!!

作者: ceci728 時間: 2010-3-13 12:31

絕對同意生命唔係由我哋胡亂咁去製造　

作者: 小小小特警 時間: 2010-3-13 14:36

引用:

原帖由 Mia 於 2010-3-11 13:58 發表
不幸確診骨骼遺傳病, 可幸的是以十級來介定.

現時Tapas 同Wario 情況屬第二級.

我得知Wario同Tapas確診好傷心亦心痛.

係最初打算領養個性温純的英短,

從上網找了個多月, 發現有一個論壇有住 ...

其實...當知道妹豬有事時，我都有咁既感覺....覺得自己好無知，時常想著妹豬受著這樣的痛苦....好無奈。但我同自己講，既然妹豬已來了這個世界，這已是事實，我只可以讓她好好地過生活，盡力減少她的痛苦。同時，亦開始與周邊的人，不講論有養貓、無養貓的，也道出摺耳貓的痛苦、請不要再養摺耳貓，讓人知道摺耳貓無巿場，停止沒有良心的繁殖。

作者: doriswong 時間: 2010-3-13 15:10

其實除了摺耳貓，　就算其他既品種，　貓狗都好，　都係唔應該胡亂繁殖。　其實最要做既，　是要好好教育市民既養寵物既概念同心態。　繁殖係專門的工作，　養動物要對佢哋負責任，　唔好話覺得得意就幫佢配種生仔，　要專重生命，　愛錫你既小朋友就更加唔應該亂咁自家繁殖，　出咗問題既，　係冇得返轉頭既，　最終受害既咪又係啲小朋友囉。。　

作者: Addie 時間: 2010-3-13 16:26

引用:

原帖由 Mia 於 2010-3-12 09:48 發表
我相信Owner的確係無知, 佢只係初中生, 貓媽爸都係領養回來, 總共生了2次 .

佢見我好愛錫貓貓, 佢話要2年後移民,想連貓爸媽都比埋我.

有問題嘅係佢父母, 幫佢領養又任由"住家繁殖".

最錯嘅係相 ...

佢地真係移民嗎 ? or 佢只係想用藉口清走家中利用完啲貓咪媽爸, 然後再入過啲新品種吧 ...

假如佢地真係移民, 都可以先絕育後帶同貓咪一齊移民啫 ...

作者: Mia 時間: 2010-3-13 17:52

佢說只帶一隻貓移民...

歡迎光臨香港摺耳貓病友會 Hong Kong Scottish Fold Sickness Concern Group (http://forum.hksfsickcats.com/)