Board logo

標題: P LOAN後腳拐下拐下! [打印本頁]

作者: loveploan0716    時間: 2015-5-12 23:08     標題: P LOAN後腳拐下拐下!

大家好!我個寶貝囡叫P Loan,10個月大嘅英短! 上星期放工返到屋企見到P Loan行路後右腳拐下拐下, 立即上網查見到好多人話貓拐一係就骨裂一係就扭親! 之後去太子睇c?u,醫生話後腳兩隻腳仔係先天性韌帶移位, 無得醫,將來可能會肌肉萎縮,只可以每日同佢游水訓練肌肉! 我地聽到個心已經好up! 醫生開咗兩隻藥,一隻止痛另一隻就唔記得咩關節藥! 食完藥真係好精神,通屋跑,係直頭癲咗咁喪跑喪跳! 咁之後我朋友知道就話我隻貓應該唔係純英短,可能混咗摺耳有關節肌肉嘅遺傳病! 重比埋依個討論區條link我,我發現各位好多情況同P Loan一樣! 依兩晚返到屋企,見到佢成個人坐喺地下,一係就側身凸起patpat坐,真係忍唔住喊! 今日睇返P Loan嘅相,原來二月嘅時候佢已經成日會側身坐同拉直隻腳坐! 當時無拐又唔會成日坐喺度唔郁,我完全諗唔到佢後腳有事,我地第一次養貓唔識,重笑點解會成日腿張開😣 點知P Loan就搞成咁! 想問大家我見你地話食止痛藥可能傷肝,要食補充骨骼/骨膠原嘅藥! 我想問你地話天后有個醫生好好,對依方面好有經驗! 我想帶P Loan去睇,可以提供地址嗎? 見到佢咁樣,我今早都無心機做野,灰曬!返到屋企又忍唔住喊! 見佢行又拐下拐下,行兩三步就側身坐喺地下,心都赤埋!
作者: Addie    時間: 2015-5-14 23:31

天后寵物醫院 , Dr. Grace 已pm 你地址 [ 本帖最後由 Addie 於 2015-5-14 23:37 編輯 ]
作者: Addie    時間: 2015-5-14 23:46     標題: 回復 1# 的帖子

明白你心情, 呢度各位爸媽同每位毛孩都努力緊面對病痛 ...... 去檢查清楚先, 知道問題才可對症下藥, 就算證實有病病都不用怕, 小朋友是好堅強的, 做爸媽就在旁邊幫助佢減輕痛楚, 一起加油啊 !
作者: doriswong    時間: 2015-5-18 10:37

先不要太擔心, 就算真係有骨骼遺傳病都不等於要放棄的. 我波子3月大發病到現在七歲多, 雖然不能避免每天也要服用止痛藥及補充品, 但只要有合適既藥物同治療, 佢哋都可以安穩咁生活的, 加油啊.
作者: Addie    時間: 2015-5-31 22:00

P Loan 情況同如何?




歡迎光臨 香港摺耳貓病友會 Hong Kong Scottish Fold Sickness Concern Group (http://forum.hksfsickcats.com/) Powered by Discuz! 6.0.0