Board logo

標題: 請教有關貓貓身後事問題 [打印本頁]

作者: JamesChan    時間: 2014-9-19 16:24     標題: 請教有關貓貓身後事問題

各位師兄師姐好,近日需要為愛貓做身後事, 想請教有無邊一間試過, 請各位幫幫手推介一下.... 謝謝 (想喺呢度呻一下..... 我係新人, 再一次向各位請安. 我ATTACH左張相, 佢係我隻摺耳貓貓, 叫阿波. 今年十三歲幾啦, 可惜, 我聽日要送佢走. 呢兩日喊到我眼都腫埋. 波波同佢好多兄弟一樣, 都有骨骼問題, 由細到大一直行都兀下兀下, 不過每次見到我同太太返屋企, 都會主動出黎打招呼, 一定要我地用腳同佢玩 (唔知點解, 佢由細到大都唔鍾意比人手摸), 然後訓喺我地啲鞋到, 好滿足咁FING下FING下條尾. 上星期六開始, 佢爺爺打比我, 話佢行唔到了. 跟住同佢去左睇醫生, 照完X光, 見到佢啲手手腳腳啲骨刺好多好多. 醫生都同我地講, 佢已經唔得架啦.... 但我地想陪多佢幾日, 所以接左返屋企,約左聽日再返去醫生度. 尋晚我返到去, 佢又好似以前咁, 想走出黎, 可惜, 佢用前手撐左兩下, 就唔夠力訓返低了... 呢兩日, 厠所又去唔到, 開始失禁, 基本上無食野, 一切一切, 令我知道我留唔到佢了.... 呢篇野一路打我就一路眼濕濕, 打得唔好, 唔好見怪..... 我只係想喺呢度得到一啲同道者既支持比我呻一下, 同埋祝福我隻仔仔, 走得開開心心.) 我想我個仔最後走得好好睇睇, 如果各位有好既善終服務推薦既, 我會很感激, 多謝哂先
作者: milktea0916    時間: 2014-9-19 17:53

我之前有隻4年多的摺耳貓貓 (女)一樣係叫波波. 我最後係在PAVC送走佢. 之後診所會問你是否需要安排寵物善終服務的. (我之前在PAVC, 你們是用寵物浩園). 我有2隻貓貓先後都是在PAVC走的, 不過2次善終服務公司都不同. 流程方面你可以看一看此網址, 情況大致上相差無幾: http://hkpets.net/index.html 我當時是因為在診所選擇善終服務, 他們會是安排一個日子給我, 之後問我決定是否入去看跟貓貓最後一程, 我2次都是有去看貓貓火化... 上次我的波波走時, 之後選骨灰盎的款式, 照片可照上骨灰盎上 (照片我是電郵給診所的) 善終公司之後聯絡我是否需要幫貓貓洗澡(雖然要加少少錢, 但我不在意, 我希望她走時可以好似生前咁乾淨. 因為佢生前是好鍾意乾淨的, 經常用手沾水洗身). 之後入到去善終服務公司, 他們會給你一段時間(約半小時左右)與愛貓獨處, 當時我可以哭死了... 之後工作人就會帶牠們去火化. 火化前工作人員會問你是否需要親自按掣進行火化 (我當時沒有選擇自己按掣... 因為太傷心了) 之後他們會通知何時將骨灰送回來, 骨灰送回來之後就由PAVC診所入盎. 因為我之前在PAVC有買愛貓的骨灰位, 所以骨灰入盎後便放回骨灰位.
作者: JamesChan    時間: 2014-9-20 14:58

多謝呢位朋友既資料。啱啱送走左我個波波啦…
作者: milktea0916    時間: 2014-9-20 15:04

波波Ripc~~41~~ 一路好走,係彩虹橋上做隻無病痛的小天使
作者: doriswong    時間: 2014-9-22 11:16

波波, 一路好走...
作者: Addie    時間: 2014-9-26 22:00

波波, 一路好走 !
作者: JamesChan    時間: 2014-9-27 11:11

今天是波波的頭七, 上來見到兩位朋友的留言. 謹代表波波多謝關心.




歡迎光臨 香港摺耳貓病友會 Hong Kong Scottish Fold Sickness Concern Group (http://forum.hksfsickcats.com/) Powered by Discuz! 6.0.0