16 12
發新話題
打印

波波 - 永遠懷念, 祝福你一路好走

波波 - 永遠懷念, 祝福你一路好走

波波離開左我已經三日, 心情比較平靜左些, 但每晚放工返屋企打開門時, 希望同平時一樣波波會行去門口歡迎我, 可惜是已經唔會再有尼個情景, 波波既離開好突然, 阿女由病發到走只係個兩日半, 到而家自己都未可完全接受到, 或者講講阿女由病發到走既過程比大家知.

十一月廿九日如平常一樣比早餐各貓地食, 波波無什麼, 只係比平日食得少, 一樣係走棃走去, 如常地返工, 阿女一樣望住我同佢講bye bye, 放工返到去見到個糧兜所剩既同朝早一樣, 即係波波係早餐之後就無食過, 因為佢早兩個月因流感而唔食野, 所以又以為係流感(波波由細個女時抵抗力都比較差), 於是又只比佢飲多o的水, 心諗過幾日唔好就同佢睇醫生, 因為每次都係三日左右就好, 而且佢仍然係全屋係度走, 於是好似無野發生咁過左尼一日

十一月三十日, 上午起身見到波波無乜精神坐係度, 同樣地唔食野, 而佢自己可以行去飲水, 見到佢腳仔有o的軟, 就决定放工同佢去睇醫生, 可是醫生放假要到一月先返, 一直周圍打電話問人有無醫生介紹, 但原來想搵個信得個既醫生原來真係好難, 打電話想book Dr Betty 可惜太 full, 我 walkin 等都唔可以, 返屋企見到波波精神更差, 不過仍可以自己行, 擔心, 唔知可以做乜, 只識得比電解水佢飲, 希望可以幫佢保持體能, 成晚打左好多個電話問我可以點做同有無醫生介紹, 擔心中渡過第二日

十二月一日, 有人講元朗間博愛動物醫院可以去睇, 於是打算放工就同波波去睇, 返到去見到阿女好差, 完全唔可以企起身, 失禁, 流口水, 仲有一o的黃色既野流出o尼, 即刻同佢去睇醫生, 當醫生見到波波時, 佢個樣話我知嚴重同好危險,  跟住佢同我講波波係子宮炎(可能已經有其他拚發症), 醫生話當貓地唔食唔飲時已經係去到最後階段, 之前無任何病徵, 到這個時間已經無任何野可以做, 他要我地係度陪住波波佢慢慢咁走最後嘅貓生, 波波望住我, 用佢最後既氣好大聲叫左我一下, 好似同我講佢要走啦, 然後佢慢慢盒埋眼仔離開左, 自己既眼淚好似開左水喉咁收唔倒

而家每當想到波波又或是見到波波既野, 自己既眼淚就會係開左水喉咁收唔倒, 有時會怪自己點解留意唔到你有幾唔舒服, 唔早o的同你去睇醫生, 或者可以救回你, 我真係唔明點解會無病徵, 波波雖然你是離開左我, 但係你永遠都是我嘅心肝寶貝, 記得去搵哥哥(古古), 係度祝福你一路好走, 做個無病痛既貓天使, i miss you c~~39~~

望到波波走得都好安詳




係度多謝各位對波波既祝福c~~35~~

TOP

每每見到有貓地去了做小天使,眼淚都會忍不住。只好常常同自己講,離別的一天是無可避免,只求盡心盡力去令小朋友們有一快樂的一生,巳是無悔了。

波波的樣子好安詳,好像訓了覺般....
小妹豬blog
http://hk.myblog.yahoo.com/mctsdu/index?l=f&id=49

TOP

每次知道有會員既貓貓離去都很傷心, 因為觸動了自己失去寶貝既情緒. 有時會諗, 貓貓係好短時間, 唔使受咁多苦就去了也是種福氣吧. 波波已經同我地咁多位彩虹橋既貓貓一齊玩緊架啦~

我地就係聞名不如見面既老虎仔同Tamako 勒~

TOP

我睇到完都忍唔住喊c~~41~~
波波 ~ 一路好走

TOP

波波, 去到彩虹橋做隻健康又開心既貓貓呀!

TOP

波波在彩虹橋會快樂的、悠閒的生活,不用掛心呵!!!!

TOP

波波, 原先仲諗住週六可以見到你添. 但點知收到你媽媽的消息, 原來你已當小天使去了, 很難過. 希望你在天國開展快樂的生活, 做個活潑的小天使. 再沒病痛.. 見到你走得安詳, 也算有點安慰.. 波波媽, 要加油唷... c~~21~~
https://www.facebook.com/yydoris

TOP

波波走得咁安詳, 可以講都係一種福氣呀!
唔好太傷心喇!

TOP

波波, 一路好走c~~36~~

TOP

很明白看著愛貓彌留的一刻的難過和不捨. 波波媽媽請不要太傷心, 保重身體.

TOP

加油!波波愛著你,不捨得你難過..

TOP

c~~56~~  ... 波波 ~ 一路好走 ....

TOP

波波一路走,我家的巴士和bin bin會在天國和你一齊玩的

TOP

c~~35~~ c~~20~~......my cat also sick now.....fever!!!

TOP

引用:
原帖由 kik1618 於 2011-3-28 16:41 發表
c~~35~~ c~~20~~......my cat also sick now.....fever!!!
睇咗VET 未呀? 咩事??
https://www.facebook.com/yydoris

TOP

 16 12
發新話題