如果小朋友身上有蚤...可以點處理??....c~~56~~

唔駛煩. 我係滴Frontline Plus 喺佢地頸背. 殺成虫, 殺埋旦, 8 個week大可以用,  "?-Pets" 有得買.

用滴頸係最有效同持久, 唔好買殺蚤帶, 好臭GA

Frontline Plus 會會對小朋友身體有影響....我上網搵資料...話Frontline Plus 係直入血管...等d蚤吸小朋友既血就食埋d藥...之後就會死....咁即係d藥入埋小朋友既血...咪會對小朋友身體唔好囉....咁其實係咪真係咁樣架???.....或者會會有d天然既治療法可以幫到小朋友呢??.....多謝你地既意見....萬分感激啊

well....咁我又唔知咁多. Frontline 一枝有效一個月, 如果想持續防蚤, 就連續用.一盒3枝用3個月.   我的使用經驗是用一次頭一個月就見效, 之後就冇用喇, 而且春夏係貓蚤活躍季節, 春天就做預防滴藥, 睇情況, 冇蚤患就唔滴喇,  秋冬 貓蚤 冇咁活躍, 唔見有, 所以都無滴.  一年用1至兩枝啫.  你可以睇住黎用囉.  另外家居清潔都要注意, 春天昆蟲繁殖, 如果你貓貓係室內活動多, 佢地自己惹蚤機會相對少.  但人類會帯埋啲蟲卵返屋企, 會惹到啲貓咪咖, 多啲拖地清潔呢 :loveliness:

REVOLUTION同FRONTLINE都用過, 不過我呢就係用嚟預防既, 啲貓未生過蚤..

REVOLUTION  & FRONTLINEPlus 都用, 不過幾個獸醫都話REVOLUTION PLUS 好D !!!  
因為 FRONTLINEPlus 比D自出自入個D出街貓, 一般PETSHOP 都有得買,$150-200左右...
但REVOLUTION PLUS 只可以在VET個度買, 連耳虱心絲虫都殺, NPV 賣$190 全城最平 !!!

revolution 係好啲架. 防埋耳蚤添呀.

其實小朋友平時唔會出街...咁d蚤係點黎架呢????

呢啲天氣係蚤既旺季, 小朋友唔出街啫, 我哋會嘛, 有機會帶咗啲蚤卵回家嘛. 所以都要幫貓貓定期滴啲防蚤用品較好..

如果你見佢地抓頭抓耳或周身抓, 即好可能有蚤啦! 定時 杜蚤杜虫, 佢地舒服d健康d又開心d  !!!  
有獸醫推薦d藥物都好安全  !!! 放心用啦 !!

咁我D貓又唔係成日用喎, 係有時見佢抓多咗先會用嚟預防一下, 我D貓一年都用唔到2支。其實只要保持家居清潔, 唔好著鞋入屋, 返屋企即刻換衫 (由其去完郊外有草GE地方) 咁就OK, 唔洗真係個個月滴GA

我呢就幾個月滴一次做預防. 家居環境清潔, 貓貓又唔出街都唔會咁易有蚤既.

請問一上, D蚤易唔易見到嫁?

見唔到GA, 同埋佢地好識匿, 真係要金精火眼先捉到。佢地最鍾意匿係貓地身上較暖同陰暗位, 首選就係頸, 其次係大脾內側或就近pat pat位。當你想去捉佢時, 佢就會走, 唔會企定定俾你捉GA, 所以用滴頸就又快又easy殺蚤方法。

想知道貓地身上有無蚤, 第一就係睇貓地係咪成日R痕, 如果你覺得貓地R痕多咗, 你就可以check吓貓地身上有無蚤屎以確定貓地身上有無蚤。方法係先搵嚟一大張白紙/白床單/白枱布, 放貓地上去, 用把疏齒毛梳幫貓地梳毛, 一陣之後睇吓有無黑色點點從貓地身上跌落嚟, 如果有黑點GE話就中咗50%, 但依家仲未可以肯定黑點係蚤屎, 再嚟將D黑點放係一塊整濕咗GE白色化庄綿/紙巾上, 如果粒黑點慢慢溶解D紅色落化庄綿/紙巾GE話, 咁果粒就係蚤屎(紅色物係貓地D血經蚤消化後痾返出嚟)

如果黑點係唔溶解, 咁就可以排除係蚤, 咁就要睇吓貓地係咩事成日R痕, 係咪只係R同一地方, 又或者可以去買個手提紫外光燈睇吓貓地係咪生癬喇