發新話題
打印

金錢癬

類固醇治標唔治本呀, 要搵到係咩原因敏感先得, 因為葯一停就又會痕過, 類固醇一定唔可以長期食ga, 你快D問清楚你個醫生

TOP

係呀, 佢有講會有副作用, 佢話同佢止住痕先!
同佢種咗菌, 睇吓係咪金錢癬, 結果要7至12日先會知!
希望唔係敏感啦, 敏感好似仲大鑊過癬, 因為都唔知佢係咩敏感!

TOP

敏感通常第一樣試咪係食物敏感囉, 我妹妹以前都係貓糧敏感, 所有普通貓糧不論乾濕及小食都唔食得, 一食就會勁痕係咁lam毛, 要一世食處方糧或者新鮮煮嘅食物架

TOP

醫生打咗電話畀我, 唔係金錢癬, 咁聽日我會同KOVA去覆診!
佢之前肚痾, 食過HILL'S處方糧, 食咗一排就甩毛, 睇醫生話係金錢癬, 其實我諗佢之前真係癬, 只係已經好返依家又變成敏感!
我同佢轉咗FROMM, 如果真係食物敏感, 真係唔知係HILL'S定FROMM令佢敏感!
我唔想畀佢食處方糧, 個個都話HILL'S同RC都唔好, KOVA已經成日病, 仲畀D冇益糧佢食, 咁咪永遠都咁弱囉!

TOP

妹妹係食rc隻sensitivity control, 之前同妹妹睇dr. grace, 知道佢係食處方糧, 都話容易痴肥, 所以當時專登俾咗一啲標榜逹90幾% organic嘅乾糧佢試, 但都無用, 如果唔想食處方糧, 只得一個方法就係自己整鮮食, 妹妹係所有肉類包括魚牛雞羊鴨蛋都係食咗無問題。你可以先同kova試邊隻糧對佢唔敏感, 但去到無辦法就要選擇食處方糧啦, 處方糧營養成份一定係足夠, 但就會容易痴肥囉, 咁又會變成另一個問題

TOP

我屋企成屋人都食唔肥, 如果佢肥少少都好, 不過有肌肉唔係肥肉就仲好啦~ haha!
醫生畀咗一隻RC HYPOALLERGENIC佢試, 因為佢之前試過肚痾, 醫生話呢隻對兩樣都好, 唔知係係唔係唔多鍾意食, 呢2日食少咗嘢~
另外醫生問我有冇畀OMEGA-3佢食, 我之前聽倒話魚油好, 其實我都畀咗佢食2個月ga喇, 對皮膚有冇好我就唔知, 不過我覺得對佢d關節好似真係好咗喎!

TOP

魚油係對關節有幫助架。 
https://www.facebook.com/yydoris

TOP

魚油都係對皮膚好, 但好睇邊個牌子, 我妹妹前後試過3個牌子, 2個係獸醫配嘅, 1個係自己買嘅, 但只有其中一隻獸醫配嘅食咗啲毛質同皮膚有改善, 所以你可能要試

TOP

umm~ 原來唔係支支都一樣... 咁可唔可以講吓食過邊幾隻呀? 唔該晒!
Kova食咗之後佢"par"低時雙腳可以屈得好貼, 而之前就唔可以ga!

TOP

kova食緊邊隻呀? 如果對佢關節好你可以繼續俾佢食吖, 毛色無咁快變好架, 你繼續觀察吓先啦

TOP

Ark Naturals - Royal Coat EFA 皇家美毛魚油
我唔識揀, 唔知揀邊隻畀佢好!
我又怕佢係食魚油食到敏感所以身痕... c~~44~~

TOP

咁啦, 我妹豬食過依隻最好, 不過提提你佢好似有海豹油成份, 你可以考慮吓 http://www.foreverpets.hk/index. ... a41bdcd500bfc918526

TOP

海豹油成份係咪有咩特別ga?

TOP

唔....有啲人會覺得殺海豹攞油唔環保囉

TOP

哦~ 咁都係喎!
不過如果KOVA只係食呢隻先至對佢好, 咁都冇辦法!

TOP

發新話題