發新話題
打印

請問有無識醫眼晴潰瘍的好醫生介紹

請問有無識醫眼晴潰瘍的好醫生介紹

我的十歲貓貓自去年二月感染皰疹病毒令眼仔潰瘍後, 醫左一個月至好番, 之後一直都無事, 最近佢對眼又多左分泌, 不過無單眼, 但其中一隻眼的眼角膜上有一粒好似芝麻大小的黑點, 於是我即刻同佢去番平時睇開的醫生睇眼仔, 依家已滴藥3星期, 眼仔仍未好番, 粒黑點無大無小, 醫生話得2個選擇, 一係做手術刮走粒黑點(個病叫feline corneal sequestrum) , 一係繼續滴眼藥水觀察住,

我上網查過資料, 做手術是呢個病的首選, 但因為我睇開呢個醫生我不知道佢做眼仔手術好唔好(佢係香港獸醫中心Dr Ian) ,  驚手術後有後遺症, 影響視力, 去年貓貓眼有事時, 曾經睇過貓醫院的dr Maggie, 醫左3個星期無好轉,佢最後轉介我去 睇太平道, 因為咁啱有個外國來交流的眼科醫生,可以揾佢做手術.後來我轉睇dr Ian , 最後滴眼藥水好番先可以避免做手術.

今次貓貓隻眼嚴重左, 可能真係一定要做手術,所以想請教大家,有無同樣試過這種眼疾, 邊個獸醫睇眼仔及做手術好呢? 謝謝大家的意見!

TOP

真係好少見喎, 不如你過去HKCATS個forum問問啦, 果邊可能有人知喎, http://www.hkcats.org/phpBB2/index.php

TOP

你可以試下太平個周醫生,佢係專睇眼科,
貓友對佢評價都唔錯。

TOP

我芝蔴細時試過對眼突然起咗一層白膜, 睇VET直頭話好少見, 唔敢醫. 叫我去搵專科眼, 但又話香港冇專科, 要等外國既專科嚟香港, 但係幾個月後. 嗰時芝蔴對眼白得好利害, 後尾個VET轉介我去睇跑馬地既秦醫生, 佢唔係眼科, 但醫眼都好有經驗, 去到睇佢都話芝蔴個CASE 少見, 佢CHECK咗一大輪, 決定要試藥同埋佢同時都同外地既VET 討論芝蔴既情況, 第二日佢覆我問咗外國專科, 加多咗一隻藥, 芝蔴食咗幾日藥已開始好轉, 一個星期左右好返晒. 你都可以考慮去睇下呢個VET..
https://www.facebook.com/yydoris

TOP

引用:
原帖由 straycatshome 於 2010-4-26 00:04 發表
你可以試下太平個周醫生,佢係專睇眼科,
貓友對佢評價都唔錯。
係,太平道周醫生係眼專科架∼

TOP

真係非常感謝大家的資料, 關於介紹的周醫生及秦醫生, 不知哪個對貓有比較深的認識呢? 因為我上網睇過有關資料, 呢個眼疾主要是發生在貓貓身上, 加上牠之前患過免疫系統毛病, 口腔嚴重發炎要剝哂D大牙, 因此希望揾過對貓的奇難雜症有多D認識的醫生睇佢個病, 多謝大家的意見!

TOP

引用:
原帖由 bmuimui 於 2010-4-26 20:23 發表
真係非常感謝大家的資料, 關於介紹的周醫生及秦醫生, 不知哪個對貓有比較深的認識呢? 因為我上網睇過有關資料, 呢個眼疾主要是發生在貓貓身上, 加上牠之前患過免疫系統毛病, 口腔嚴重發炎要剝哂D大牙, 因此希望&#255 ...
我淨係知d貓狗眼有事,好多都係去睇太平道周醫生,秦醫生我就未聽過,之前你問睇眼專科,所以一諗就諗起佢,不過如果仲有其他問題的話,會唔會先去貓醫院睇睇先?

TOP

其實真係要2個VET 都睇過先答到你啦, 我自己就只睇過秦醫生.周醫生未睇過.
https://www.facebook.com/yydoris

TOP

無錯啦,太平道診所的眼專科周醫生唔錯架。
話說我阿仔果陣因為倒眼毛,搞到眼潰瘍,睇左好幾個醫生,拖左好耐,最後都系周醫生手術幫阿仔醫好架。
他好好人架,夠細心,同埋最難得架系他系一位有醫德醫生。

TOP

今朝帶左貓貓去睇周醫生, 佢話雖然粒黑點(sequestrum)係細粒, 但都建議做手術, 因為愈早做始終都好過等惡化先做, 手術費加埋麻醉, 吊鹽水, 驗血, 2次覆診要8k-9k,  周醫生話如果決定做手術, 明天都可以安排俾我, 如果唔考慮做住, 2星期後返來覆診, 目前滴住人造淚水就可以.

唉, 都唔知好唔好同貓貓做手術, 佢成10歲, 我真係好驚麻醉的風險, 我上網睇外國的website, 有d話細的黑點可以靠滴人造淚水等佢自己好番, 但可能要好多個月的時間, 有d都係話做手術可以快d好番, 唔使拖咁耐, 其實貓貓隻眼粒黑點比芝麻細dd, 但圍住黑點側邊有d曚曚地, 而且有d白色的眼屎, 唉, 真係好煩呀, 究竟係咪應該做手術好呀?

今朝由香港仔坐小巴去旺角, 可能路程遙遠, 司機成個賽車手上身開得都好快下, 貓貓好似好唔習慣 (佢之前係去開灣仔睇), 回程返到屋企樓下仲mar大個口仔, 唔知係米熱得滯同口渴, 嚇到我一入屋企即刻俾d水佢飲, 同埋開d風扇吹佢幾秒, 好在好快無事, 仲自己走去食乾糧, 之後我俾個貓草玩具佢玩, 等佢舒服下, 依家瞓到乎乎聲!

TOP

發新話題