以下是KOKO過去的背景,由救求者劉小姐陳述:
呢隻貓貓 (KoKo) 真係好可憐, 好慘
一而再再而三咁俾唔同主人遺棄
成個故事其實真係好長, 不過呢度講唔到咁長盡
貓貓原主人 #1, 上年年底 (2009年12月) 因要去外地工作, 所以就唔要佢
KoKo 呢個原主人, 本身試過同一時間最多有成十幾二十隻貓, 因為佢其實唔係好理, 又唔肯帶d貓去絕育, 攪到佢地不停生, 生完之後佢就將d貓送俾人
KoKo 之前都試過一次俾佢老豆攪到大肚, 生過一次
我之前都成日叫個主人同d貓絕育, 但佢都唔聽
到佢話要去外地工作, 我都有叫佢帶埋d貓貓走, 但佢就話唔要佢地
連搵人領養 d 貓, 都係我幫佢搵
可能因為 KoKo 係全黑色加埋又係長毛, 同埋佢又比較細膽怕羞, 一有陌生人上去睇貓, 佢就驚, 躲埋唔敢出黎, 所以一直都冇人要佢
Anyway, 直到 12 月中時終於幫 KoKo 搵到新主人 #2, 係經朋友轉介
可惜呢個衰人一心只係想呃埋 (#1 主人) 另一隻貓返去
佢係一次過係同一日領養2隻貓返去
但係養左唔夠一個星期就話 KoKo 攪到佢鼻敏感, 透唔到氣差 d 死咁嚴重
所有野都剩係 KoKo 攪出黎, 總之剩係 KoKo 攪到佢鼻敏感, 所以就剩係遺棄 KoKo ?
另一隻 (佢一心想呃番屋企個一隻) 就當然係 keep 住
跟住到左 12 月底時再幫佢搵到另一個新主人 #3, 經朋友轉介
呢個新主人本身養開貓 (2隻老貓) , 但係佢帶左 KoKo 返屋企之後唔隔離佢地
攪到 KoKo 好驚好驚, 完全適應唔到新環境
跟住農曆年之前 KoKo 開始叫春, 仲四圍屙尿, 原先個 2 隻老貓其中一隻日日滋擾佢, 所以攪到 KoKo 同隻老貓打哂大交 (真係好嚴重, 打到流哂血個隻)
個主人明知 KoKo 叫緊春, 但又唔分隔開佢地, 剩係一味打鬧 KoKo, 剩係識得話 KoKo 打佢 d 貓?
跟住呢個主人又咁岩係農曆年時小產, 佢就一口咬定係 KoKo令到佢小產
因為呢 d 所有野加埋, 所以依家個主人好憎佢, 話要掉走佢
現時~~
KOKO已經暫時黎到我屋企~~將會安排打預防針同做絕育~~然後安排領養~~~
有冇人想內部申請呀~~~~特別係住((馬鞍山))既朋友~~~~~