大家好~ 我有一隻3歲摺耳貓女, 食慾良好, 近2星期發現佢右手在走路時吊起來行路(食野果陣都係), 但係一同佢玩毛毛棒的時候就冇事, 今日再發現另一隻手都好似開始吊起, 對~ 即係只有2隻腳企而2隻手仔都同時吊起小小, 用手彎起尾巴時,尾巴骨卡卡作響, 但是可以擺動的, 因此開始作資料搜尋, 發現摺耳貓會有骨骼遺傳病. 想問下各位意見呢個地步係咪要同貓貓去睇醫生?? 如果要, 有冇那一位醫生/診所可以提供參考一下? 醫生大概會做d咩? 我有睇到說有得打骨膠原針, 大約打一次要幾多錢and打一次可以維持幾耐? 有d咩 supplement可以食咩牌子? (e.g.: 葡萄糖胺?), 睇一次醫生大概要預備幾多錢$$ ?

如果尾巴關節卡卡聲, 即係關節已經出現磨蝕/鈣化, 要睇獸醫o刺, 你可以睇返睇開ge獸醫, 但如果你覺得獸醫唔太清楚摺耳貓骨骼病, o甘睇多個就好d。至於要食do羊葯or supplement, 要等照o左x光, 獸醫評估o左, 睇o下病情輕重先可以選擇, 因為有d supplement成份重d, 有d成份輕d ga

感謝大家的回覆分享經驗, 比我心中可以有個預備 (荷包+精神上), 我打電話約睇醫生的時候遇到一個難題, 姑娘同我講如果照X光要打麻醉針, 原因係怕隻動物會郁來郁去, 影響X光片的結果, 當然~要打埋麻醉針的話收費更貴, 我打咗去幾間診所問, 但有d診所話係唔洗打麻醉針, 就咁照X光係可以的… 老實講~~打麻醉針對隻貓免疫系統不是有很大/很差的影響嗎? 但話唔打麻醉針會影響X光片的結果bor… 大家有遇過呢個問題嗎? 可以點算好??c~~58~~

我妹豬女都係在冇打麻醉針既情況下照X-ray....真係要好視乎貓貓會唔會反抗喎....
你可以去太子基隆街77號舖非牟利獸醫診所搵林醫生....呢間診所收費絕對係非牟利...你可以去睇睇...

要唔要麻碎先照XRAY 真係好視乎貓貓既性情, 我波子同BOYBOY仔嗰陣去照就一個有麻碎一個冇.. 要見隻貓定唔定同驚唔驚喇. 當然唔洗麻碎就最好啦.

謝謝大家~c~~31~~ 明白了, 希望可以乖乖地唔洗打麻醉針啦c~~58~~