HI~ALL 我的摺耳仔~MOCHA ,昨日都證實得到該病,仔仔現一歲九個月,約在2星期前左右,見仔仔隻手開始吊起,我便BOOKING左看醫生,醫生說仔仔都是初起,但我應是6個月前要開始醫,我就同醫生講,冇醫生說過我知摺耳類 一定會有該病,醫生說仔仔不是太嚴重,醫生亦替仔仔打左一支針,再開了1個月的藥,藥名為"關節保護劑(GLUCOSAMINE SULFATE 314MG CAP),醫生亦要我依時服用,我想請問大家有否給予你們的愛貓服用過?有什麼後遺症?我還可以給仔仔吃什麼可幫仔仔+會軟骨?最好可自家制 thx~all

又一小朋友有事啊喲! 需然我幫唔到你，但好明白你的擔心，努力，同貓貓傾多D計，等佢心靈舒暢，呢度有貓爸貓媽都好有經驗的，唔駛擔心，係度一定有人幫到你的!

THX~我正積極同佢過埋呢段日子,比佢好過d

如果貓貓未出現跛行現象, o甘其實佢ge情況真係唔算嚴重, 只要開始保養, 都可以一路正常ge生活落去ge。 如果唔想食葯, 可以定時帶貓貓去獸醫度打骨膠原針。其實獸醫所開ge係補充關節軟骨ge葯, 冇副作用, 長期食係冇問題ge。但如果葯入面係有消炎止痛成份, 就要問清楚獸醫個劑量有幾重, 可否長期服用。有關服食止痛葯ge問題, 係摺耳之事入面有專題講過。服食止痛係可以令貓貓冇o甘痛, 生活質素可以好d, 但相對會有副作用, 所以要好好衡量一下。 至於自家製作食物俾貓貓補充骨膠源, 可用膠質重ge材料如, 魚油豐富ge魚, 雞腳, 花膠等

VET開嗰隻係有葡萄糖胺既關節補充劑嚟, 有效幫助軟骨生長. 對佢哋既骨骼病都好有幫助. 叧外青口素, 魚油都對佢哋好好架. 其實你隻貓貓沒有出現弓背, 跛行情況的話, 應該病情不太重, 你亦不要太過担心, 只要給與適量的SUPPLEMENT都OK 既.

佢已經有破行同弓背

THX

不過都THX你地

原來你貓貓已有弓背同破行情況出現呀, 佢跛行同弓背嚴重嗎? 咁下次團購, 你考慮吓呢隻SUPPLEMENT 吖. http://forum.hksfsickcats.com/thread-576-1-1.html 內的編號005. 呢隻除咗有葡萄糖胺都仲有消炎止痛既成份.. 都啱有骨骼病但情況唔太嚴重既貓貓. 不過請留意, 不同的SUPPLEMENT可能有重覆的成份, 所以你要睇返你俾貓所有既SUPPLEMENT , 每種成份各自加起嚟有冇過量呀, 例如葡萄糖胺咁, 呢隻小食又有, 你貓貓而家食緊嗰隻都有既, 你就要計吓加埋有冇過量喇, 餵佢食返足夠既份量好喇..

@@真係5該哂你,萬2分感激

唉！當貓貓發病，令媽媽爸爸手忙腳亂！我個囡都係剛剛病發，一齊打仗吧！

55~ +油呀~人地囡囡

我隻仔仔8號覆完珍,林醫生話佢好左好多,手仔冇再腫起來,多謝大家教我日日幫佢按摩,因近日轉涼,大家要小心呀!仔仔就有小小傷風,醫生都有開埋藥啦,食左好幾日,好左好多...但醫生話佢佢比哥軟骨開始5好,我都有d擔心,仲有,我想知大家有冇發現你隻愛貓有抽筋情況?我啱啱見到,佢仲叫得好慘,我一望過去,佢就梗左條頸,見到好心痛,我就慢慢幫佢按摩,佢都慢慢正常反,,,其實...係咪真係有好轉左呢?

抽筋可大可小喎, 同埋抽筋唔一定關骨骼病事, 我隻貓未試過抽筋, 我亦都冇聽過貓貓因為腳痛而抽筋, 反而痛到手震就聽過。抽筋可能會係其他方面引起, 亦都會幾嚴重, 你再留意o下佢如果抽筋發作頻密就要快d去睇vet檢查清楚。