我想問你們成立這個「香港摺耳貓病友會」的目的是希望人類不要再繁殖摺耳貓，請問其他愛護寵物團體知不知摺耳貓的遺傳病問題嗎？不知的話你們會否與其他聯絡說出人類繁殖摺耳貓的問題（如：香港愛護動物協會、愛護寵物健康協會等等）？會否與其他愛護寵物團體一同與香港政府爭取香港禁止繁殖和入口嗎？

上次佢哋立法規管繁殖既咨詢我哋講過, 話咁多品種貓狗有遺傳病, 最起碼政府要帶頭向市民介紹不同品種有乜嘢特性又或者容易有遺傳病, 佢哋冇答. 又話摺耳貓咁, 唔係百分百出世既都有問題, 好難禁.喎.. 其實我哋都不停向外宣傳摺耳之害.. 都做過幾次電視特輯訪問, 亦在報章雜誌出過, 漸漸都多咗人知摺耳既基因有問題, 但我哋人手有限, 要做到大規模既嘢真係要政府去做, 但偏偏就係有個不負責任, 不尊重動物生命, 權益既政府, 奈何. 現下我哋只可以盡我哋之力去話多啲俾人知摺耳之害..

其實好多商販都知摺耳既問題, 不過利益大於一切, 已漠視咗摺耳既遺傳病風險. 現下我們可以做的是盡量俾市民知摺耳貓既問題, 讓啲市民不要再買摺耳, 冇市場自然就唔會再有商販去胡亂繁殖.

實情係上年漁謢署開規管繁殖咨詢大會時, 我地都有寫過一封信, 入面講明摺耳貓ge問題, 亦引用埋歐盟關於保障寵物條約當中提到摺耳貓係有基因問題及其他歐洲貓會因基因問題拒絕接納摺耳貓ge資料。但果d冷血ge官員一句話基因問題目前係科學上冇一個明確肯定答案就否決o左研究禁止摺耳貓問題....我地得2個人2把口, 再面對幾十個寵物繁殖商真係冇o野好講.....

我都希望有朝一日能逼使政府立法唔準繁殖有基因問題ge寵物, 唔單止摺耳貓, 就連其他有問題ge貓狗都唔可以繁殖同入口....不過依條路係極度難行....如果大家都有心想搞ge, 可以一齊傾傾佢la

係ga.....不過我地做得幾多得幾多, o黎緊今年應該會有多d宣傳工作, 到時希望大家可以一齊幫忙

係呀，　我哋時間真係好有限，　我呢排家中幾隻都病，　真係忙到得閒屎唔得閒病，　但為咗摺耳既將來，　我哋幾忙都要努力加油，　所以都希望有會員可以加入我們，　一同努力為摺耳發聲。　

引用:

原帖由 再見深藍 於 2010-2-23 10:57 發表
如果第日需要聯絡或者電郵會員, 一的文書, 我可以幫手架, 我自己都係脊骨移位, 行動就唔太方便, 但係一的係屋企幫下手, 打下電話咁, 我好樂意架. 等你地都唔好咁辛苦

團購我都e-mail早前留言問過果兩位朋友, 都通 ...

多謝您既熱心, 有需要我實唔客氣搵你幫忙..你自己都要保重身體.. 啲小朋友一齊病咁先論盡啲..早排係4隻一齊病呀, 而家有一隻都好返..都冇咁辛苦..其實係心痛多啲先真..

我都希望有朝政府立法唔準繁殖同入口有基因問題ge貓狗.

男友脊骨有事,同兩個貓b攬住一齊痛,  佢地有事, 真係心痛多過辛苦c~~56~~