虎虎亦是一隻蘇格蘭摺耳貓，佢細細個時曾經染上貓瘟，耳蚤及皮膚癣，但佢都一一好返。到今年3月突然見到佢行路跛跛地，好擔心佢係摺耳貓遺傳病… 所以立即帶佢去睇醫生，當時何醫生幫過虎仔照x-ray，見到虎仔骨係正常冇問題，而check過佢嘅反應亦冇問題，但去到抽血驗時，就發現佢血液中鉀嘅指數偏低… 而鉀偏低通常係肝退化咗先有咁問題… 當時醫生亦比咗supplement比虎仔食，但由於哩個問題，暫時喺醫學裡重未搵到原因，所以若冇改善，虎仔張要長期食藥… so far哩個問題都維持咗一段時間，到後來都冇再見佢行路有問題。直至到今個月頭，發現虎虎又再冇里精神同消瘦得好利器，而且又唔多肯食嘢，有時飲水又飲好多，好擔心佢肝又出面問題… 但剛剛何醫生又放大假未返，由於太心急，所以帶虎虎去咗貓醫院睇… 因為當日係full booking，我唯有去到等醫生有空間才可以睇，當時係dr. maggie睇，佢摸到虎仔身有腫瘤，提議同虎仔開腹做手術，因為有機會係cancer或者係fip… 開腹係若係cancer的話，可以切除，若係一啲唔可以切除部位都可以抽組織化驗，若係fip亦會抽組織化驗。 當時真係晴天霹靂! 虎仔又要受多一項挑戰! 我亦接受虎虎做此手術，希望能有幫助… 到手術後，證實了虎虎並不是cancer… 而是fip… 暫時是乾性。 dr. maggie說因fip是沒得醫，唯有在這段期間做一些令虎仔開心的事，食多一點佢喜歡食嘅食物。但返到屋企幾日又覺得虎仔肚仔有啲怪怪，同亦想知道化驗報告係點，所以我哋再虎仔去睇dr. maggie，因為啲藥只夠幾日份量… 點知去到醫院時，dr. maggie話虎仔腸贓跌出咗佢原有位置，因為佢復原得好差，爆咗線… 要做多一次手術去縫合傷口… 當時醫生提議幫虎仔舒服啲走… 但未睇醫生時，喺手術後幾日虎仔都算精神，何解突然轉變到要安樂死!??? 我當然唔想咁做，而且只要我感到虎仔肯努力，我都唔會放棄，所以最終我哋都決定做多一次手術。 手術原定係第2日第一個一早做手術，而醫生亦擔心虎仔負擔問題，所以要虎仔留醫。手術當日，我到下午2點實在太擔心結果，所以我打電話去醫院問情況係點，但醫院竟然答我重未做手術! 到了差不多4點，才講剛做完手術! 虎仔足足成1日多未進食! 喺電話裡通知手術期間見到虎仔上次病發位置曠散咗… 及其他內臟亦有發熱現狀… 覺得佢情況好差，不如讓佢舒服啲走。 我哋唔想咁草率決定，我哋要去探佢接佢返屋企，因為知道虎仔唔想留喺醫院。我哋去到醫院時，虎仔可能因為麻煩藥未過，所以好攰，但見到我哋時都有眼神即時不同，變得有點精神，亦用眼神告訴我哋佢想返屋企。 所以我哋亦唔理佢哋建議，帶佢返屋企。喺離開時，發現醫院方面並未開藥比虎仔，我哋問時才開藥比虎仔… 而上次曾問醫院方面想買a/d罐，當時話冇咁必要，到今次話可以，但因我唔知應該點比，見有網友話要撈水，所以亦問我應如何餵，同會唔會影響到虎仔肝嘅問題… 但估唔到護士竟然答我宜家比咩都冇所謂! 同比a/d嘅方法亦係我問先答我一句! 但見到dr. maggie時曾問佢宜家虎仔係屬於邊類fip，現在都還是乾性，那是否便咁快放棄??? 我知喺香港暫時未有成功個案，但喺外國亦曾經有成功的例子! 若一位醫生或醫療人員若不努力，那何來有方法去醫痛??? 亦因今次事件，我不會再帶貓貓去貓醫院去睇我嘅貓貓! 因為一啲暫時未有方法醫治嘅病，是否只有 "讓佢舒服啲走" 這個方法??? 沒有方法令病患者舒服點生活??? 醫護人員的對話亦令我覺得佢哋沒有愛心，相對之前在跑馬地的醫院相差太多了! 若再有貓貓不幸患上fip，我個人覺得不要去貓醫院去幫貓貓們，雖然暫時未知邊間醫生好，但相信會有醫生並未對此病放棄! 正如oic蘇菁菁所說，在外國是有成功的例子，並不是不治之症! 現在虎仔今天開始用天然療法 (服食天然草本藥) 去醫治fip，希望能減輕到佢病程。 不論結果如何，我同虎虎亦會堅強，勇敢去面對的! 希望你們亦能為虎虎加油及祈禱! 希望能增加佢的正能量，能有奇蹟出現他身上! 謝謝大家!

我相信這世上是有奇蹟的

也認為人貓也該戰鬥到底

我會為虎虎送上最摯誠的祝福

加油呀!

Hi虎虎, 我相信依個世界是有奇蹟的. 你要加油!虎虎既主人也要加油!大家加油!

看罷, 就覺得VET 係決定做手術的過程好像很求其咁, 冇乜詳細分析同考慮.. 我隻大貓咪咪最近都有腎既問題, 仲要大件樹嗰隻, . 但我睇嗰位VET 就好詳細咁同我分析同俾到好多意見我, 亦以考慮貓貓既健康及生活既質素為大前題..佢有一句話我覺得很對 "不要為了想知貓貓係乜嘢問題而去開刀, 咁只係滿足咗求知慾; 動手術大前題應該係能否解決問題, 若未必能解決的, 就要想清楚是否值得要動物去受呢個痛苦" 這才是一個好的獸醫所應該做的. 我自己未睇過DR MAGGIE, 但就聽過幾個貓友說及貓貓在這遇不滿的經歷, 亦有提及啲醫護人員禮貎欠佳.. 虎虎一定可以捱得過, 你都要加油, 陪佢一齊努力.

多謝大家

好唔明點解D醫生成日都話開刀拎去化驗，點解唔照清楚係咪CANCER先呢？ 如果懷疑係FIP就梗加吾會比貓貓開刀啦！ 開刀梗加會加速貓貓惡化。 之前我家貓貓都試過肝有問題， 好多人都提議我去睇MAGGIE， 但我睇過MAGGIE睇其他肝病個案， 又係要開刀化驗， 最後我選擇吾去睇MAGGIE， 因唔想係唔係都話開刀， 開刀真係對身體好傷， 現在我家貓貓已康復多時。

哩個問題我後來在第2次手術後都有想過… 若我沒有聽她說去幫虎仔做手術… 現在是否同宜家情況唔一樣??? 而且為何有第2次手術的原因亦抱有保留… 不過我都明白若要做手術一向都唔擔保一定成功及安全，亦可能會引致其他問題出現。 唯有想這只是虎仔不幸撞上… 但醫生方面真的在提供建議上只有2種，一種是食藥應付但不知是何原因，而第2種則是做手術開腹，這樣會直接知道問題原因，去解決或者直接抽組織化驗! 建議當時真的不多，而會引致其他問題亦沒有多說，我當時因為相信她真的是一位出色的醫生… 因為之前聽到不少人對她稱讚有加… 但今次對我及虎虎來說… 真的是一個不愉快的經歷… 除了有上述的問題外，而當中有一名女職員態度真的很差，除了在醫生面前沒有問題外，特別在我們帶虎仔離開時問問題的對話有問題外，在對單時亦有問題出現! 先前話這次手術只是需要幾百元，但到最終竟然要找$4793及$540!!! 而其中那張$4793的單據，我們對這張單有問題時，他們亦沒有先回覆清楚我們問題前，已經立即取了你張credit card付款了! 到看張invoice時，我因看不明白英文是寫有關那些事項收費… 其中有blood test… 化驗費…??? 上次第一次手術時，不是已收取了嗎??? 為何還再有此筆收費??? 上次是$1200，今次是$900? 問了他們，他們只說是取抽化驗… 但事前及事後為何沒有知會我們? 結果亦沒有告知我們… 真是你說的便算! 有冇攪錯!!! 呃錢呃到… 講真你們當日的態度已經好似我強迫帶隻臨近死亡的貓，你們一早已放棄了我的貓貓，你又何需要再抽取組織去化驗??? 之後幾日後，由於現在嘗試一些天然療法的藥去嘗試幫虎虎，我們想澳洲方面更清楚知道虎虎情況，見上次張單有做到一些化驗及測試，錢已付了，我應有權取回這些報告! 所以我打電話去問他們要回報告的。 但我又再一次聽到那位不禮貌的人員受到 "友善" 回答… xyz$@^… 使唔使咁串呀!!! 但由於當時佢亦即時找不到報告，說一回才再call back我… 之後她真的有覆電話給我，當時突然變得有禮得多，原來是因為她發現她們在上次收$4793時收錯了我們錢錢… 咁都得??? 當時不是說沒有問題的嗎??? 為何我到現在因為要回報告時，你才告知我收錯了我的錢??? 是不是一日我不親身指定問你要那些報告的話，這筆錯款則永遠不知道??? 你所解釋是因為當日很忙，和另一位病患混亂錯了 (!?)… 是否真的混亂??? 我的單加了另一位的收費，但是否對方沒收??? 還是2家茶錢都收??? 真是 "who know?" 她說計清楚我張單大約收多了$4100左右… $4100??? 有冇搞錯!!! 收多成$4100的時候都話冇問題… 之後話會回覆我她們會怎樣退款給我，但亦最終沒有回覆。 第2天再call，說那名同事放假，要明天問回該同事，到了今天收到昨天詢問的同事來電，告知我他們會如何處理。 我問其實那張單實際應付多少錢? 唉… 答案竟然係… $173… 亦即收多我並唔係$4100，而係$4620??? 若真係最有貓友去哩間醫院，真係要check清楚張單，是否每樣收費都正確! 這次事件上，除了那位 "禮貌到爆" 的女職員外，一名男同事及第一次幫我安排虎仔插隊的女同事都ok nice，只是那位同事有問題… [ 本帖最後由 喵…嗚 於 2009-10-30 00:35 編輯 ]

嘩.. . 收多唔係講幾百, 係4 千幾喎. 有冇搞錯呀. 真係明呃錢. 你唔問既我諗佢唔會出聲講話收錯錢囉, 因為都冇報告俾到你. 真係好離譜.. 上次我聽貓友又係係嗰間診所遇到類似既經歷, 唉. 睇怕大家真係要去幫襯診所時, 要特別特別的留意.

醫生係專業人士
一般人都信任他們同對他們有期望
嘩! 但聽完呢個case之後
真想問一句ethics何在?
員工出現問題亦都係因為老闆監管不力，制度有問題
實在責無旁貸!

唉.. 我們是對獸醫完全的信任, 但奈何有些獸醫只視這是一份賺錢的工作, 將小動物的福利放到最後.. 咁就真係好易會害苦了牠們... 除了會有機會為賺多點錢而要求做多啲化驗外, 亦不會考慮到何種治療方法對小動物本身利益最好, 但主人們卻全盤依靠VET去醫治小朋友.. 唉. 但到頭來, 換來的是不見錢亦害苦了小朋友, 病可能治不好, 亦捱了很多不必承受的痛苦.

打了一整篇字… 到了發表後又不見了…

今次除了上述的問題外，之後因為我想要回虎仔在這間醫院的record send回一路睇開的跑馬地… 因我想要買皮下水，但醫院方面並不能隨便賣給我，她們需要有虎仔的病歷給醫生看後沒問題才可賣給我… 那我便打電話給貓醫院要求她們send record給跑馬地了! 但她們一開始的回答竟然是說要詢問了醫生看看比唔比send去… !??? … 唔係嘛! 份record係虎仔的，點解我唔可以要返??? 而且之前我問跑馬地send record去貓醫院時，對方都冇問題啦! 你點解話要比唔比??? 難為你是一間大醫院，不知所謂!

第2日中午，貓醫院打電話來話send了record去跑馬地了，但dr. maggie話想了解一下虎仔宜家情況… 我心想︰2次手術後都唔見你們話要虎仔覆診，宜家我要record你先話要了解虎仔情況，你身有屎呀??? 你們不是已經放棄了我們了嗎???) 之後大致係問虎仔宜家點咁大把…

同一日dr. ho亦在他們lunch time時打電話比我問有關send record去係咪虎仔有咩事 (感覺真係好唔同)，我大致上講返係為乜同講返虎仔前後發生咩事，點知dr. ho話對方(醫院)send過去的record並冇詳細列出虎仔情況，連虎仔開過刀同做過抽組織化驗fip report都冇比到他們，只有好簡短3張簡略的資料… 我當時真的怒火上升!!! 搞咩呀??? 不是這樣問題，就是那樣問題… 若我不是打去問清楚，亦不會知她們又再有錯留… 我再打電話去貓醫院講返這件事叫她們再send過，她們就話唔好意思，send留另一份record… 乜唔係每一a/c都係用一份file分開架咩??? 點會咁巧合又唔記得呀??? 如果我不是在office，我真的好想責罵他們…

之前同dr. ho對話中亦問了他可不可以只用對方的record中，可以比到醫治方法幫到虎仔，因為虎仔經歷2次手術後同再加上fip問題… 真係好弱… dr. ho話其實最好比他見一下虎仔，所以之後我book了下星期四帶虎仔去見下dr. ho… 希望虎仔到時情況ok… 最衰我要返工… 我好想陪虎仔去… 始終不是自己去，個心真係好唔放心…

虎仔~ 你要加油呀!!!

同時亦同大家講下我現在是用天然療法藥去幫虎仔，雖然虎仔受到fip同傷口問題令到佢冇咩胃口… 但其實我都覺得係幫到虎仔，起碼令佢便便外型好了，發燒問題亦好了點，而他的毛毛亦滑了點，因為做完第2次手術後，他下身的毛毛即時變得好差…

若有貓友貓貓真係不幸染上fip… 你們可以嘗試去以下web-site去望望… 希望幫到大家︰

http://www.holisticanimalmedicin ... tis-fip-remedy.html

[ 本帖最後由 喵…嗚 於 2009-11-1 00:03 編輯 ]

講真，如果係CANCER係咪應該照清楚先開刀拎去化驗是否惡性？ 如果懷疑係FIP就吾需要開刀啦！ 只要開葯就得。 明知FIP係無得醫，做乜重要隻貓捱一刀， FIP係抽血驗冠狀病毒加臨床病徵去判斷， 唔係開刀拎組織去化驗。 真係好痛心香港好O既獸醫都向錢看。

我就睇開dr.maggie既~ so far無遇到唔好既對待 不過貓醫院d護士唔同左就真 我上兩星期去過 以前有個幾好既就無再見到 而家有一個女既就串串地 男既就基基地 -.-""" ps 虎虎要加油! 今日睇新聞有個鐵肺婆婆都可以奇蹟地活多60年! 所以呢個世界係有奇蹟架!!

其實我都唔係第一次聽到貓醫院將患FIP既貓貓開刀羅組織! 之前聽到有3個幾月既貓b, Dr Maggie都確診話係FIP, 但都話要開刀羅組織, 咁細既貓B點承受開刀手術? 患FIP已經好弱, 再開埋刀咪叫隻貓B快d走! 唉~~~~結果主人唔肯開刀帶走左貓B去第二度睇, 雖然最尾都醫唔到, 但起碼無必要貓B捱一刀丫! 乾性FIP響香港都有成功既例子 (雖然成功既例子不多), 不過絕對唔係醫生開既藥幫到貓貓, 一來要睇貓貓既年紀, 二來要為貓貓增強抵抗力去打仗! 所以樓主一定要增強貓貓既抵抗力, 復原機會係會有架! 你同貓貓都要努力呀!

唉.. 有時真係因為啲獸醫既無良又或者只求隻貓乜嘢樹而係咪都叫開刀.. 咁真係害苦咗貓.. 若然開刀有幫助既就話搏吓啫, 但都要睇貓貓既體質捱唔捱到手術; 若然開刀係無幫助既咁點解仲要令隻隻捱一刀呢, 仲要手術後身體一定會弱好多添.. 虎虎, 你真係要加油呀.