之前因為我病左...唔係屋企10日
只係叫家人上我屋企整糧比佢食..
跟住我琴日好返 返到屋企佢好似好happi係咁跟住我..
要我幫佢按摩..係咁痴個頭埋黎..又係咁叫..
不過!!!我發現佢一叫完就係咁喘氣!!!!(係好似狗仔咁喘..開大個口咁..我見佢個肺呼吸得勁快..佢好似跑完勁耐步咁..)
喘左成7-8個鍾頭...本來我諗住今日帶佢去睇醫生..
但係我見佢e家又無喘到..最後取消睇獸醫..
諗住再觀察多1.2日先...
跟住e家又見佢好似無咩點食野咁喎..再係咁就帶佢睇醫生..
不過仍然有柯屎..柯尿..
但係e家未帶之前..上黎問下..參考下意見先!!!!
我呀媽話佢可能太耐無見我..見返我開心得滯..
不過我諗開心都唔會開心到喘氣掛- -"""
唔知大家有無試過e個情況呢??

你屋企當時有冇開冷氣  ??

若冇開冷氣又氣喘左成7-8個鐘頭
check check 貓貓既心肺功能會好 d lor c~~44~~

係咪第一次見佢係o甘呀?

正常情況下貓仔其實係唔應該好似狗仔咁喘氣，除非係太熱或太緊張/興奮，你隻貓貓喘了7，8個鐘，最好睇一睇vet。

我之前隻貓仔都係咁，但當時佢剛做完operation，越喘越犀利，帶佢去急症時一照肺，半邊肺已經花晒，另一邊3/4都花晒，馬上訓氧氣箱但也沒用了。就是那時侯vet告訴我貓仔係唔應該好似狗仔咁喘氣的。

假如你的貓貓現在沒有喘氣但食慾不振，at least 打電話問一問vet。假如還在喘氣，就要立刻帶牠去睇vet，如喘得利害的話，最好找有氧氣箱設備的vet或動物醫院。

希望你的貓貓沒事。

引用:

原帖由 floratps 於 2009-8-20 11:49 發表
係咪第一次見佢係o甘呀?

唔係啦..佢之前試過玩得激得滯...都係咁..不過好快就無事///今次就耐左好多啦..不過今日又無喘..食野就食左少少..

引用:

原帖由 火車頭 於 2009-8-20 11:43 發表
你屋企當時有冇開冷氣  ??

若冇開冷氣又氣喘左成7-8個鐘頭
check check 貓貓既心肺功能會好 d lor c~~44~~

無開冷氣..

引用:

原帖由 momo.chow 於 2009-8-20 13:27 發表
正常情況下貓仔其實係唔應該好似狗仔咁喘氣，除非係太熱或太緊張/興奮，你隻貓貓喘了7，8個鐘，最好睇一睇vet。

我之前隻貓仔都係咁，但當時佢剛做完operation，越喘越犀利，帶佢去急症時一照肺，半邊肺已經花晒， ...

你隻貓仔係日日都係咁喘??有無間斷過呀??

出現不尋常的情況而又不知問題所在
建議還是找醫生診斷一下 (或至少打電話去診所咨詢)
這樣貓貓同自己都會好過些

貓仔喘氣有唔同既可能性, 可能係熱, 緊張, 亦可能係心肺有問題, 但若果情況係持續咁長時間, 都建議你帶佢去個吓CHECKING 會安全D..

我隻貓仔一個月前都有呢個問題.  佢玩得耐, 個口會mark開, 然後瞓低, 好似好倦咁.  我帶佢睇 E生, 驗血照X光, 都唔知嘜事, 後來又話要照超聲波, 但系又話未必知道, 因為佢細得濟, 又發育未完成.  真系太多未知數.  但佢行得, 走得, 跑得, 食得, 瞓得, 又疴得. 回家後, 見佢咁情形, 速開泠氣, 佢又無mark 口.  所以而家都無睇E生.

講起擘開口，我想講，我家蜜柑開心時都會ga... 佢跑得好勁時就更加會喘晒氣，一見佢喘就唔同佢玩住... 我之前都唔知貓開心時會擘開口，真係會好似狗仔咁伸晒脷好開心咁，我老公就話成日都見到蜜柑係咁，我仲好話我老公唔好成日同佢玩得咁顛... 結果有次我早回家過我老公，我正在用電腦，蜜柑也好安靜咁坐在我隔離... 我老公一回家，蜜柑就兩眼發光咁望住我老公同擘到個口好大伸晒脷(都有輕微喘氣聲的)，個時我先第一次見，原來佢地好開心時會係咁... 之後同佢玩，都發現佢擘開口有時係有喘氣，有時係冇乜的，所以我覺得佢地好happy時都會擘開口同輕微喘... 不過摺耳都係睇緊Ｄ好Ｄ... 現在都成個月了，睇醫生結果點？你貓貓仲有冇喘呀？
不過，題外話... 原來蜜柑對住我老公先咁開心，令我有少少 sad 呀... c~~58~~