送金大行動
日期: 24-7-2009 (SAT)
行動時間: 晚上九時時許
行動地點: 爸爸既車廂內..
主角: 主動角色 - 波子 / 被動角色- 媽媽 / 無聊角色- 置身事外既司機(爸爸)
今天下午, 媽媽又帶我出街街, 都係去探DR GRACE同埋嗰度好錫我啲姐姐哥哥. 當然姐姐們一見我就好似螞蟻搶蜜糖咁, 爭住要抱, 我都慣晒. 佢哋個個都係咁既. DR GRACE如常咁好快手幫我打咗骨膠原針, 再幫我檢查一下. 我體重依舊都係2.34KG.. 冇重到. DR GRACE 話我係電視個訪問好上鏡呀, 哈哈. 我幾開心呀.... 不過, 媽媽同Dr GRACE 投訴我呢排早上唔太肯吃早飯.. 唉. 叫得早飯, 貓哋都未瞓醒又邊有胃口食嘢啫, 都冇解.. 話時話, 我唔係咁有節制, 邊得嚟咁FIT 喎, 一早變咗芝蔴哥哥咁既身型啦....
睇完醫生就去咗爺爺嫲嫲家吃晚飯, 到咗爺爺度, 媽媽又如常咁拿出貓廁叫我去尿尿, 但邊得嚟有時間吖, 我咁耐冇嚟, 當然掛住週圍八啦.. 又要同嫲嫲玩吓架嘛. .. 媽媽之後又俾藥我食又開咗罐罐我吃. 我今晚好好胃口呀, 食咗大部份, 費時一陣媽媽又話我唔乖食得少喇. 我成晚都扭媽媽同爸爸抱抱覺覺豬. 一晚時間又好快過咗. 跟住當然係收拾好家檔, 等爸爸車我哋返家..係車度, 媽媽抱我在懷中, 我都不知幾C 服.
但中途. .. 出事喇. 一日都係爸爸喇. 係唔係都賴佢架喇, 駕車唔夠定, 搞到貓哋啲腸係咁郁.. 結果. 我咪雙手爬上媽媽的肩膀, 扎好馬.. .. 送上我最珍貴的金金給媽媽.. 媽媽仲以為我想看街上風景.. 點知. 很快媽媽手上, 身上都充滿我送的金金.. .... 送金行動大功成告. 早知我係嫲嫲家時就去咗廁廁先啦.. 但媽媽冇鬧我噃. 唔通媽媽真係好鐘意金金.... ????????
後記..
唉. 呢個女竟然送我一堆金, 係熱辣辣嗰隻, 仲要係有啲爛軟身嗰隻, 唔係乾乾既金金添... 唉.... 成身同手都係.. 佢扎咗個馬, 跟手聞到味道就知出事, 但我坐係車度, 又抱住佢, 都冇得郁啦, 唯有坐定定等佢送晒啲金出嚟先啦. 好彩車度有濕紙巾可以俾我稍為抺一下. 但... 那種味道.. 真的. .. 波子妹.. 你真係太重禮啦, 送金條, 媽媽真係無福消受.. 不過我又發現自己既層次又再提升咗. 我一啲都冇嬲亦冇發脾四, 更冇鬧波子妹.. . 我唸我都係個唔錯既媽媽, 對小朋友都幾包容, 講真, 咁佢急忍唔到都冇法子架. 但波子妹, 下次唔好喇.... 呢款送金行動以後都係咪預媽媽喇.....
從此, 波子多咗個別號.. .. "金 波 ".....
最遺憾係, 諗住咁好彩仲得波子既金條, 金多寶都應該有望啩..鬼整又落空.. 唉.... 錢又冇, 得堆唔賣得既金金, 仲要洗餐屎....
