西瓜和冬瓜係兩姐弟, 係摺耳貓~就係上年11月我生日時, 我男朋友靜雞雞o係我aunt o既pet shop度買左7個月大o既西瓜返尼, 因我一直都好鍾意貓同埋想養返貓(我屋企以前養過3隻貓...2隻安哥拉, 1隻執返尼o既街貓)~果日見到西瓜時, 好開心~~不過都觀察左一陣先發現原來佢係摺耳貓, 因為佢只有對微微向下彎o既耳仔, 其他方面都似英短多d~~果時我對摺耳貓認識唔多, 上網搵資料時, 先發現原來佢地係會有好多遺傳病, 當時我最留意到o既係骨骼病, 但我以為骨骼病o既病徵一定係好明顯, 明顯到三尖分角畸形先係有病, 另外, 同時我又搵到一d網頁描述摺耳貓o既特徵: 摺耳貓又名五短貓, 因為佢4支同條尾都好短~我見西瓜d手腳同尾巴都幾纖長, 所以仲懷疑佢唔係純正添~c~~40~~ 西瓜樣子甜美, 又精靈活潑, 所以越尼越鍾意佢喇~每日放工就第1時間衝返屋企睇佢~
一個月後, 我aunt叫我去佢pet shop度揀多隻尼陪西瓜啦, 因為佢打算唔做喇~我認為我同男朋友都要返工, 揀隻同佢玩下都唔錯丫, 於是我就去揀啦, 店員話我知果度其中1隻係西瓜個妹喎~~所以我最後就決定帶冬瓜返屋企喇~果時見到冬瓜, 覺得佢怪怪的, 身形好似好肥, 但摸落又唔係好肥, 覺得佢好似好細粒, 但手仔腳仔又好粗壯, 總之就覺得佢冇西瓜咁似"貓"~~果時因為冬瓜成日肚痾, 所以佢地冇放出尼賣, 我眼見冬瓜當時毛色相當淺, 好明顯非常唔健康, 加上佢成日痾, 我都好擔心養佢唔掂, 都考慮唔想要佢...但後來都係要左佢~~果日d店員要收工喇, 咁我又唔想第2日先尼帶佢走, 所以我就親自幫佢沖涼喇(我之前都o係aunt pet shop幫過手), 我冬瓜對沖涼比其他貓更加之抗拒d驚慌, 好辛苦先同佢沖完, 原來果次係佢第1次沖涼~~同佢沖涼時, 發覺得pat pat度有類似蛋蛋o既物體, 但因為店員一直強調佢係西瓜o既妹妹, 所以我只係以為佢痾到肛門腫脹, 好慘!!當晚帶左佢返屋企後, o係同西瓜比較下終於發現冬瓜有乜唔同喇~原來冬瓜係比西瓜矮d架, 手腳比較短, 腳掌比較肥厚同短d, 尾巴粗粗短短, 好似狸貓一樣, 耳仔比西瓜更加摺埋, 根本就同網上所描述o既一樣, 我仲話, 冬瓜係非常正宗o既摺耳貓~~c~~36~~
o係佢地第一次見面時, 我以後佢地會好熟絡, 因大家係姊妹又o係同一間pet shop裡住過, 應該唔會陌生掛, 但事實唔係咁囉~西瓜勁唔鍾意冬瓜, 有時離遠盯實佢, 有時撲埋佢吼佢, 而冬瓜有時會好主動走埋西瓜度比佢吼, 有時又會匿埋梳化底, 不過冬瓜好鬼貪玩, 只要用玩具引佢, 佢就算匿o係邊都會走出尼~哈哈c~~33~~ 後來, 佢地終於關係好d喇, 有時會一齊訓, 不過到而家, 西瓜間中都會疏遠佢~之後我帶左冬瓜去睇醫生, 點知醫生話, 冬瓜唔係女仔尼架喎!!!激死~~如果我一早知道冬瓜係仔, 我唔會帶佢返屋企, 因為我知道, 摺耳貓同摺耳貓係唔可以生bb架~但當時西瓜同冬瓜都未絕育, 原因1. 佢地當時身體狀況唔太好, 冬瓜有嚴重耳蝨, 肚有多種蟲及輕微貓瘟, 西瓜就有生蟲, 耳蝨同眼發炎, 原因2. 店員話最好等佢地1歲後先絕育, 因而家個頭未爆, 絕育會影響發育~不過我一直有用籠隔開佢地, 一人幾日~
到最近, 佢兩隻傻瓜都比之前健康啦, 冬瓜毛色又深返, 成個樣靚仔晒, 簡直可愛到暈低~一心諗住絕埋育後, 以後可以開開心心咁生活落去喇, 但就o係前日, 我o係討論區睇人地d可愛o既貓相時, 發現有隻貓同我冬瓜好似, 好得意~然後, 就有人指出佢有3個骨骼病o既明顯病徵, 冬瓜仔都有呢3樣病徵, 所以我就緊張起尼, 好認真咁搵呢方面o既資料, 原來...佢唔只中3樣, 而係5樣全中...我而家真係好擔心, 睇見幾位管理員同佢地o既貓貓抗病o既故事, 我真係有衝動想喊c~~56~~ , 而且更加擔心, 雖然佢而家仲行得走得食得玩得跳得企得, 但唔知幾時會嚴重起尼...另一方面, 西瓜雖然冇表面病徵, 但我亦有試過見佢無啦啦提起1隻手仔, 而且佢行路時, 硬係唔似其他貓咁優雅, 所以我亦開始擔心西瓜會唔會開始病發??c~~39~~
我約左dr. maggie 20號去幫西瓜做絕育手微, 到時會問埋dr. maggie意見, 希望西瓜會冇事啦...而冬瓜我都會盡快帶佢去見醫生睇下佢o既病情點~~c~~58~~

[ 本帖最後由 東喵西喵 於 2009-4-7 21:58 編輯 ]

摺耳貓唔一定隻隻病發既~ 你唔洗咁擔心~ 就算真係有事~ 而家都有好多方法去解決~ 你見管理員d貓係佢地悉心照顧下都好好~ 所以唔洗怕的 ^^

你要加油呀, 就算佢哋真係有遺傳病, 都唔好輕言放棄, 我哋既貓貓都可以生活開心, 冬瓜同西瓜都可以架.. 帶佢哋做個詳細既檢查, 及早發現同開始治療對貓哋都係好既. 而且唔係所有既摺耳貓都一定有樹既, 記得上嚟同我哋講返佢哋既檢查結果呀.. 要保持正能量呀. c~~62~~

你係咪睇左我係其他forum 貼QQ相既post而擔心? 你家冬瓜會幾時檢查呀?

前日我帶QQ去左dr. betty度檢查, 醫生話佢雖然有d腳短, 尾有d粗, 但尚算柔軟而偏長 (佢話再長d會好d), 叫我現階段唔使太擔心亦唔需要食 supplement 住, 我只可以keep住佢唔好過重, 減少對四肢既負荷
dr. betty話病發最明顯係尾巴突然好硬好直, 行路一拐一拐, 如果無呢d明顯特徵, 根本無得著手去醫治

題外話
dr. betty 話QQ好乖, 大個可以試下去考貓醫生呀~~ c~~39~~

貓醫生呀, 好呀..

睇左醫生先啦，只要照顧得好，貓貓一樣可以有愉快o既貓生架！加油！

4月20日帶左西瓜去貓醫院搵dr. maggie做絕育手術, 醫生見到佢就已經同我講佢係摺耳貓, 第日可能會出現骨骼問題...雖然已經知道dr. maggie係有睇摺耳貓經驗o既醫生, 所以先尼搵佢, 當我聽到佢咁講時, 我放心了, 因為以前睇開o既獸醫從未同我講過呢d說話~我順便問問, 西瓜最近間中會fing fing手, 咁係咪即係已經病發? 醫生屈一屈西瓜隻手, 西瓜發惡, 醫生話可能佢覺到痛所以咁, 好有可能係已經發病, 我地問醫生有冇d咩野比佢食會好d, 醫生話佢仲係kitten, 比d幼貓糧佢食就得........醫生幫西瓜簡單檢查後話西瓜今日適合做絕育手術, 咁我地就放低西瓜, 準備5點先返去接佢喇~點知離開診所若3小時後, 診所打尼話發現西瓜有BB, 問我地比唔比佢生.............................我地都諤左然...突然諗起有次關左西瓜入籠後我地都出左街, 點知去完街返尼發現西瓜竟然走左出尼, 而且仲同冬瓜訓埋一齊...可能就係果一次出事了~最後我地都係決定唔比西瓜生BB出尼, 因為佢同冬瓜都係摺耳貓, 生出尼o既BB絕對會有問題~做左個咁o既決定我地都好難過c~~21~~
雖然醫生冇話比d咩野佢地食會對病情好d, 但後來我o係pet shop度買左d joint suppliment佢地食, 而家我覺得西瓜隻手冇乜點fing, 兩個都好似好正常冇乜事...希望佢兩個一直都會好好地啦~~

引用:

原帖由 mini-kinki 於 2009-4-27 14:20 發表
你係咪睇左我係其他forum 貼QQ相既post而擔心? 你家冬瓜會幾時檢查呀?

前日我帶QQ去左dr. betty度檢查, 醫生話佢雖然有d腳短, 尾有d粗, 但尚算柔軟而偏長 (佢話再長d會好d), 叫我現階段唔使太擔心亦唔需要食 supp ...

冇錯喇~就係你喇~你認得你QQ, 估唔到o係度又撞返你~c~~33~~
我冬瓜仲未去見醫生呀, 不過佢暫時行動方面都好正常~應該過一排先同佢去見醫生~
請問dr. betty診金係幾多呀?

引用:

原帖由 東喵西喵 於 2009-5-17 02:34 發表

冇錯喇~就係你喇~你認得你QQ, 估唔到o係度又撞返你~c~~33~~
我冬瓜仲未去見醫生呀, 不過佢暫時行動方面都好正常~應該過一排先同佢去見醫生~
請問dr. betty診金係幾多呀?

我上次"立"過眼, 普通診金$250-350
唔再打算去果度, 所以無將價錢放上心

貓醫院係咪中環果間? OK嘛?
如果book左時間, 使唔使仲要等好耐?

引用:

原帖由 mini-kinki 於 2009-5-22 00:15 發表


我上次"立"過眼, 普通診金$250-350
唔再打算去果度, 所以無將價錢放上心

貓醫院係咪中環果間? OK嘛?
如果book左時間, 使唔使仲要等好耐?

要等, 仲成日好full, 星期日同假期唔開, 如果要book到星期六可能要等2-3星期 -_-

引用:

原帖由 floratps 於 2009-5-22 11:31 發表


要等, 仲成日好full, 星期日同假期唔開, 如果要book到星期六可能要等2-3星期 -_-

唉.... 我唔想再去搵dr.betty都因為要等, 上次book左時間, 都要等兩個鐘....
希望QQ無需要搵佢地啦.... c~~58~~

引用:

原帖由 mini-kinki 於 2009-5-22 17:29 發表


唉.... 我唔想再去搵dr.betty都因為要等, 上次book左時間, 都要等兩個鐘....
希望QQ無需要搵佢地啦.... c~~58~~

我上次book星期一11am, 去到放低西瓜5pm去接佢囉~不過我地係去做手術, 如果普通睇症就唔知喇...