尋日一早帶了波子回去打算針灸, 見到DR GRACE, 同佢講o左波子呢幾日既胃口欠佳, 有打噴嚏同眼膠, DR GRACE幫波子檢查完後.. 話波子有些傷風. 當前應該把傷風治好, 不宜針灸.. 因為佢而家抵抗力弱再加埋全身麻醉做針會好傷.. 佢今次開了多一隻消炎止痛藥讓波子暫時止住腳痛, 加外要食抗生素及滴眼藥水.. 要待1至2個星期傷風好了才回去做針..
波子尋日好乖, 去到診所, 乖乖坐在我大脾上, 2位診所職員一見到佢又係同一動作, 抱同錫.. 其中一個姐姐話波子好幸福, 咁多人錫佢.. 我都好認同, 雖然佢多病痛, 但個個姨姨哥哥都錫佢, 網友又錫佢又祝福佢.. 佢係個幸福既小朋友, 或者因為佢既性格天生開朗同活潑, 亦好易滿足.... 成日都是一臉既滿足樣, 我見佢咁都好心甜.. 所以我成日話佢係個小可愛..
今次多o左3隻藥, 計一計, 呢幾日佢每日要食既藥加埋supplement有9隻, 再加埋滴眼藥水同維他命膏.. 好在波子食藥都好合作, 佢真係算好乖啦....
波子, 你要努力呀, 等傷風好番咪可以食少d藥, 快d針灸, 咁腳仔會冇咁痛... 你要加油呀..