http://boston.sinababy.com/K/index.htm
網主因狗狗患上此症, 她 (king ma)希望多d人認識呢個病, 希望可以幫到d 狗狗.
網入面有病徵介紹, 咩品種既狗狗較易患上, 手術風險等等.
呢個網應該唔係最update, 遲d 再搵搵update 既.
題外話, king ma 係睇呂醫生,即係米高睇開個個. king ma 提到佢因資金不足, 但狗狗亦不可不做手術, 呂醫生就免佢千幾蚊急診費,減輕少少負擔.
我亦唔記得係邊個網睇過king ma 寫有狗主去睇呂醫生急診,經診斷後, 需要盡快做手術. 但呂醫生個日要為另一隻狗做大手術,full bokking, 但又擔心第二日先做,會加深佐狗狗病情及康復率,於事就百忙都抽時間即時為該隻狗狗做手術.
king ma 亦有提到呂醫生曾用自己放假既時間,特登為急需做手術既動物做手術.
本人亦有少少經驗,就係米高當晚抽筋,我送去睇急症,急症醫生懷疑米高腦有事,就話轉介俾呂醫生,但唔sure呂醫生有冇時間睇,因呂醫生booking好full. 當時個醫生講完, 幫米高留醫就咩都冇再做,冇再跟進. 我朝早7點去睇米高,發覺佢右眼第三眼廉show 佐出黎,當時我唔知咩係第三眼廉,我問個個急症醫生點解會咁,我送米高入黎個時都唔係咁,個醫生只係答, 米高冇咩野, 隻眼係咁架啦. 我個時真係好急. 問佢, 佢咩都唔想理咁,只係係到飲coffee.
而個朝約十點鐘,呂醫生直接打俾我 (冇經助手),係電話到問我米高既病徵, 之後好詳細解釋米高咩事, suggest我可以為米高做d咩令佢生活得好d, 舒服d.
呢d 先至叫醫生, 唔談論呢呂醫生醫術好唔好, 但可以講既係,佢真係用心去醫動物,真係會為有病既動物而擔心,去諗用咩方法先係對動物最好,最舒服.而唔係單單為錢去做vet, 當動物係一件物品去看待去維修.
