我隻米高係四月頭既一晚突然抽筋抽得好勁, vet 起初估佢得一個星期命到.
而家離四月已經過佐三個月, 興幸米高仍見在. 但面對佢身一日一日咁老去, 一日比一日差.
話就話有心理準備, 但真係唔知到個個時候會點.

最可怕既除佐唔知佢幾時會離開我, 就係唔知佢會係咩方式離去 (病住走定係訓覺個時走) vet 話佢腦有問題, 有機會係再次抽筋跟住病住走, 亦有機會係睡夢中離開. 但我知道佢身體重有好多問題, 有機會係其他病令佢走....


米高二十歲了, 佢睇住我長大, 由幼稚園, 小學, 中學, 大學到而家出來做野....真係好怕呢一個既來到....唔知點面對冇佢既日子.

好西利呀 20 歲, 我隻狗係上年8月15日去彩虹橋
佢其實都病了好耐, 身上有好多瘤, 後期已聽唔到同差唔多睇唔到野, 佢其實後期佢都生活得好辛苦, 但我唔捨得送佢走, 因還食得同走得, 佢亦好堅強, 我當期時最希望就係佢可以在睡覺時離開, 因會冇咁痛苦, 但佢最後因已好多天食唔到野, 所以我都係決定要送佢走, 係當晚就帶佢去診所打針, 我地見住佢慢慢無痛苦的睡著離開, 當時雖然唔捨得痛哭, 但個心反而舒服安心呢, 起碼我陪到佢最後一刻, 佢唔係孤單咁走, 另外唔駛因我的自私唔捨得佢離開及怕面對帶佢安樂死而強行要佢留低一日得一日的想法!

我當時同佢講若佢已食唔到便會送佢走, 其實亦是我送佢走的一個極限

若米高真係好辛苦你便要作出決定, 因這對佢好重要, 可能會減低佢的痛苦, 畢竟佢年紀很大了

[ 本帖最後由 ddlo2002 於 2008-7-15 13:56 編輯 ]

vet 都有講, 若果米高食佐葯都控制唔到抽筋個情況, 佢會好辛苦, 咁不如送佢走.
好彩so far 都控制得到. 但而家對眼開始衰退..遲d 唔知佢又會有咩問題.
我當然呢個時候唔會送佢走, 佢仲行得, 肯食野飲水, 會自己洗面, 有時仲會玩鞋. 但當有一日佢病得更嚴重,連行都行唔到, 又唔肯食野的話....可能真係要做送佢走既決定.
真係唔希望要做呢個決定, 唔想執佢番黎個個係我同哥哥, 送佢走既係我地.

引用:

原帖由 謝米 於 2008-7-15 14:05 發表
vet 都有講, 若果米高食佐葯都控制唔到抽筋個情況, 佢會好辛苦, 咁不如送佢走.
好彩so far 都控制得到. 但而家對眼開始衰退..遲d 唔知佢又會有咩問題.
我當然呢個時候唔會送佢走, 佢仲行得, 肯食野飲水, 會自己洗 ...

你唔好o甘諗, 就算真係到o個日來臨, 你o地送佢走, 都係愛佢既表現.. 佢一生有你o地愛錫.. 佢都會好安樂既.. 你唔好日日諗住佢幾時走, 只要佢過既每天你都係o甘錫佢同愛佢, 珍惜大家相處既時間.. 我記得我細時隻貓貓走我都好唔開心, 佢係因為病走既, 佢亦係陪住我長大, 十幾年這份緣真的很可貴, 別想太多, 盡力去愛, 己很足夠.. 我咪咪今年都十六歲了, 我都會有心理準備, 眼前既日子才是最重要.... 你愛米高佢一定知道.. c~~62~~

身為主人真係好難下決定....但當貓貓真係好辛苦時就要放手....我會選擇送佢走...

你唔好咁擔心依個問題...米高係會知道, 佢都會唔開心...多d同米高講唔洗掛心主人...你地會好好...只要米高開心就可以了...好好珍惜你地一齊ge時間...

因為米高對眼開始睇唔到野,令我心情一沉. 多謝你地呀, 而家心情好番d.
我哥哥都話.當時vet 估佢得一個星期命, 而家米高俾預期好,已經賺佐. 佢只要唔辛苦咁活多一日,我地就賺多一日.

doris, 你要多加多加留意你隻貓咪, 因為米高既病好似係突發, 但vet 講其實佢可能一直有d 唔舒服例如頭痛,而我地唔察覺.  老貓隨時儲儲埋埋好多隱病.

引用:

原帖由 謝米 於 2008-7-15 21:00 發表
因為米高對眼開始睇唔到野,令我心情一沉. 多謝你地呀, 而家心情好番d.
我哥哥都話.當時vet 估佢得一個星期命, 而家米高俾預期好,已經賺佐. 佢只要唔辛苦咁活多一日,我地就賺多一日.

doris, 你要多加多加留意你隻 ...

係呀..c~~62~~  咪咪年紀真係大喇, 瞓既時間特別長, 我會小心留意佢. 佢始終都係一位老人家呢... 我晚晚都會同咪咪一齊瞓, 同佢傾吓計, 錫吓佢...你要加油呀, 只要貓貓開心過每天, 咁就已經係最好既, 我第一隻養既貓貓, 我到而家都仲會成日諗起佢, 諗起佢既乖巧, 陪我夜晚開夜車咪書既情景... 呢啲美好既回憶係唔會走既.... 別去想太多 .. 你都要放鬆啲, 同米高傾多啲計吖, 佢會感受到ga... 我哋一齊加油....c~~2~~..

生老病死我們都要面對。兩年前,陪了我10個年頭的狗,由於肝癌不得不送牠一程。家裡痛失一員,雖然心痛,但慶幸牠不用再受折磨。最近,在追看一本叫《前世今生》第2集的書,令我相信了輪迴。或許你的寵物在今世先行一步,下一世或下幾世又走在一起,相信的話,死亡並不是終結,只不過是過度而已。c~~9~~

引用:

原帖由 cherryb 於 2008-7-17 03:34 發表
生老病死我們都要面對。兩年前,陪了我10個年頭的狗,由於肝癌不得不送牠一程。家裡痛失一員,雖然心痛,但慶幸牠不用再受折磨。最近,在追看一本叫《前世今生》第2集的書,令我相信了輪迴。或許你的寵物在今世先行一步,下 ...

本書悶唔悶架, 我都想睇下. 我係網上書店 打"前世今生", 但出佐好多本. 邊本先係?
THANKS

Brian L Weiss已經出咗《前世今生》、《生命輪迴》、《前世今生之回到當下》，我睇咗《前世今生》和《生命輪迴》，個人認為是一本值得看的書，由於作者是精神科學家的醫學博士，她本身都唔相信輪迴，在文中又唔會對輪迴有偏見，她只是把催眠治療的過程寫出來。睇完這書，會改變了生命中某些睇法和偏見。
*圖書館有得借。

買佐喇 買佐 前世今生 同 生命輪迴. 睇緊生命輪迴, 好好睇.
我上網見有一本叫"狗狗的前世今生", 我係書局"立"過下, 寫佐幾個case 係狗既前世 + 一隻貓的前世. 但好假下, 雖然本書講到個個動物語言專家定唔知咩專家識同狗溝通,但我又唔覺得d貓狗會知道自己前世係點,咁又點同個專家講. 所以我"立"完都真係令唔到我信.

但呢本書有一個故事幾好, 係講一隻貓的前世係印度流浪貓, 有個好窮既三餐不飽女人每次見到呢隻流浪貓,都分佢手上既食物俾隻貓食.
而今世,佢地就係貓奴同貓皇帝既關係, 貓奴今世亦係盡自己一切能力去救佢既貓皇帝.

睇到呢到, 我不禁諗一諗我自己同米高前世可能都有關係, 所以今世先咁有緣可以一齊生活二十年.
亦令我諗起我帶米高去睇呂醫生, 她當時叫我做定心理準備,米高得一個星期到. 我當時係醫生面前即刻喊佐出黎, 醫生安慰我, 話貓活到二十年已經好好,你同米高已經好有緣, 可以相處咁耐.

而她亦話佢養佐九隻貓, 但唔係九隻貓都係佢揀, 佢話有時係貓揀人, 睇緣份, 佢相信人同動物有緣先可以係埋一齊.