今晚出席AFCD139B既修例的咨詢簡報會, 真係聽到我一肚火... 之前同高永文開會, 一眾團體表逹咗我哋既睇法同意見.. 單一及甲類牌要求取消, 及要求納入貓隻等等. 但一開場佢哋交代所收到既, 只係有佢哋發出既嗰份問卷收返嚟既意見, 我哋十幾個動物團體所交既意見內容, 隻字不提...向佢質詢, 只回一句: "收到你哋既意見, 考慮中, 研究中". 貓隻繁殖要加入去又會拖好耐, 等做咗狗睇下成效先再諗啦. 跟住就發表佢哋要講既發牌細則. 咁即係成條草擬法案你哋冇諗過修改就繼續去馬?

所謂既細則, 有等於冇.
咩.. 狗隻每天要最少活動30MINS, 問佢點定有呀? 佢話會叫啲BREEDER 自己寫低RECORD, 佢哋會抽查喎.. 吓.. 咁我寫日日活動足2粒鐘添啦.. 唔可以強迫啲狗隻交配, 你又點知呢? 又係靠啲BREEDER 自律喎, 條條細則都係等啲BREEDER 自律去做... 呢啲唔係叫規管喎, 係叫無王管先啱啦. 仲要係攞正牌無王管添..

最火係以下２條問題：佢話啲狗繁殖夠６胎就要”退休”。大家冇聽錯：係退休。。。　啲狗係日日返工咁返架, 但有得退休喎, 真係多謝晒, 仲話要安排合適既退休生活添喎，　咁問佢咩係適當退休生活呀, 要點安排呢?　漁記話可以搵人收養，都可以搵你哋服務團體幫手搵收養。。　聽到呢句係咪火嚟呀？　未住呀，以下仲噴血呀；有義工以一個剛遇到的真實個案問佢，私人繁殖者既一胎貴富狗，　當中有眼痴既ＢＢ，　最終要服務團體接手救, 咁當然係個繁殖者唔想醫啦。　問佢點去規管呢啲繁殖咗有問題既狗B，佢哋又點睇？　呢個答案真係冇血性先講得出：　可以call 我哋(漁記)接, 又或者搵你哋(義工團體)幫手..... 嘩! 佢哋攞正牌做生意, 利用完啲狗喇, 有病既, 再無建樹既一係就call你哋漁記(咁即係又人道啦) , 唔係就質晒俾動物救助團體. 咁佢哋好好做喎, 搵錢之餘仲要有人幫佢哋手尾.. 有乜可能佢令動物受苦就唔洗罰, 仲要有人包底善後, 你哋當啲動物係乜嘢? 當啲義工同服務團體係乜嘢?? 邊仲聽得落去呀, 都唔係人講既嘢. 贊成佢發牌既即係等同做幫兇加害啲動物.

成件事只係從繁殖者既角度出發, 方便佢哋做生意, 一都冇考慮過動物既福利. 成班都賤精, 個個冷血鬼嚟既...

依然氣難平... 諗起漁記尋晚既表現, 真係意見收咗, 但行動冇變...

漁記既公眾諮詢報告如下:
「大部份表逹了意見的動物福利機構及政黨均要求漁護署長應要將修例範圍覆蓋至貓隻和其他動物, 他們亦要求從事動物相關行業的人需要上課及通過實格考試 」

我們十四個動物團體早前聯署的意見書提議大要如下:
- 撤消甲類牌照 (HOBBY BREEDER)
- 撤消單一出售許可證
- 乙類牌照要限制發牌數量, 設投標方式及年期限制, 牌照數量須每年遞減
- 投標機制門檻必以動物福利為考慮前題
- 必需制訂規管貓隻繁殖的時間表

我們這些意見一點都沒有在漁記報告中出現, 全港共有多少個動物團體? 我們14個動物團體唔係少數, 係大多數, 但竟然被忽視.

貓隻繁殖既規管一直唔理, 永遠都只有一個回應, 狗隻市場最大, 加上貓隻沒有晶片, 要包埋貓又要大修法例, 需時很長.... 會遲啲再考慮. 咁即係話佢哋唔會諗納入貓隻..香港咁多人養貓, 市場絕不比狗隻細, 為何要無視這問題??

由一開始推出呢個草擬法案就係一個糖衣陷阱, 美其名話為動物福利為依歸, 就規管私人繁殖而去修例, 加設發牌制度女將其納回正軌, 表面看來是很好的, 政府終於正視私人繁殖的問題, 很多市民都贊成及觀迎. 但背後的目的只係得一個 - 幫繁殖行業打造美好的營商機制.

單次性出售的牌照都可以發, 代表乜嘢? 即係你賣一隻都可攞正牌去賣, 自己養緊嗰隻唔要都可以拎出嚟賣, 有錢收返之餘仲要唔犯法添.. 連正苦都鼓勵人養動物唔洗諗一諗, 唔想養既歡迎你賣返出去.. 咁仲講咩動物福利呀?

甲類牌照呢? 就係鼓勵一啲自家養緊動物既人入行做埋breeder, 學做繁殖生意. 繁殖動物的專業知識係唔需要既, 只要你家中有動物就可以自行繁殖嚟賣.. 加埋漁記尋日係會議既發言, 直情係同啲人講, 你唔攞牌入繁殖業就笨喇, 繁殖完不要的就搵人收養, 又可以叫啲動物團體幫手搵人收養, 繁殖出嚟有病既我哋漁記幫你收囉( 即係幫你收咗去人道) , 再唔係既叫啲義工/服務團體幫你接囉.. 咁有賺冇蝕的生意條件, 可以去邊度搵?

再聽埋佢尋日講既實務守則, 全部都係執行唔到既空話, 只靠啲breeder 自律守規, 若然咁有良心會守規既就唔洗去管啦, 咁就唔有咁多問題貓狗出現啦, 仲發牌嚟仲咩呢吓?

我真係好氣憤同心傷, 我們一眾動物團體咁大既聲意佢哋完全聽唔到, 我真係覺得我哋變咗弱勢社群咁被忽略...動物就更加唔洗講, 關於動物既立法, 竟係無視動物既權益同福祉, 請大家睇清楚啦, 真係唔可以贊成佢哋發牌, 發咗牌既後果係比唔 發仲差幾百萬倍..