生命何價
到底生命值幾多錢?
我個人認為生命係無價,但係有部份人就為左錢而去買賣生命,
如果可以喚醒人對生命既可貴,我唔反對可以標籤生命既價值,
但係我就唔同意用生命既價值來耀武揚威,
最近認識左一位繁殖動物既朋友,我係佢身上感覺到對動物既尊重,
能夠為每一個生命都平等尊重,唔介意外表,無遺棄過生病,更加無計較過利益,
我感激所有尊重生命既繁殖者令我地今日有機會接觸到我地既主子.
但係大家有無思考過自己既主子同佢地既父母所經過既係我地無法想像.
求偶,交配,繁殖,生產,養育,成長,係自然界每日都會發生,而新生命既來臨亦係開心既事,
我無資格評論任何繁殖者,但係我希望每位想飼養寵物既人仕,
請清楚了解自己飼養既寵物既特徵,性格同家人既情況等,再決定是否飼養,
但係我相信無胡亂買寵物既人就唔會有胡亂繁殖寵物既人得以謀生,
我都唔希望我間不正常貓隻研究所,會成為第一貓隻收容所,
收容被主人以各種借口而唔再照顧既貓,我唔希望再係佢地眼中見到絕望同悲傷.