我隻貓叫意粉;岩岩買佢番黎明明係直耳;但係過左個幾兩個禮拜突然變左摺耳;原本都冇留意,但係去九龍動物醫院度打第三針既時候佢地話我意粉行路有問題;跟住就禁住佢屈佢隻腳仔又好似好大力咁禁落去;痛到意粉係咁叫;但係個姑娘同我地講話個醫生其實吾係好大力禁落去wor;話佢都咁大反應姐係有事wor,但係我就覺得個醫生好夾硬囉禁得;不過佢地之後就叫我上你地個論壇度睇下咁話;我上左黎睇先知摺耳貓有咁多毛病;我愈睇愈驚;諗住帶佢去我原本睇果度睇下;我睇開果個係蔡相祺醫生..原本話番又番吾到;搞到而家吾知點好;因為意粉係我第一隻寵物;我睇過既醫生都只有蔡醫生一個,佢要打第三針我先迫於無奈去左果間九龍動物醫院度睇,但係無啦啦同我講d咁既野搞到我吾知點好;因為我驚出面d醫生又呃錢又求其..另外就係我即刻打去買意粉果度問佢地意粉究竟係吾係真係有摺耳基因;點知佢同我講話佢爸爸係摺耳貓...唉.;但係佢就同我講話佢爸爸都而家5歲都仲好健康..;仲有就係果個醫生比左royal canin既一隻補充果d軟骨既糧我;我而家既問題就係:



1.我想問有冇好醫生介紹;我住慈雲山;因為我想帶佢去照x光
2.佢而家5個幾月大;食緊royal canin 既baby cat 34;洗吾洗同佢轉醫生開果隻糧?同埋邊隻糧會對佢好d?(醫生比我果隻太大粒;佢食得好辛苦)
3.雖然佢而家都未有d咩問題;但係我都想比住佢食d補健既產品;邊隻好?邊度有得買?
4.佢成日都打乞x;流鼻水;我吾知係因為大塵定咩;關吾關事?
5.我有一日同佢玩,吾知係吾係因為太耐有郁過所以玩左大約十分鐘到就張開口抖氣;(我上網睇話貓張開口抖氣即係有生命危險)你地屋企d貓有冇試過?同埋佢5個月已經2.7x kg會吾會係因為肥?
6.佢爸爸都而家都仲冇乜事;咁會吾會意粉都可能會冇咁易病發?
7.就黎冬天有咩要注意?
8.果間九龍動物醫院好吾好?


我真係好驚佢突然就會有d咩事;所以邊個可以答我呀?c~~39~~ http://www.facebook.com/media/set/?set=a.1744834214799.99232.1057057932&type=3#!/photo.php?fbid=2098930666989&set=a.1744834214799.99232.1057057932&type=3&theater



變左摺耳



http://www.facebook.com/media/set/?set=a.1744834214799.99232.1057057932&type=3#!/photo.php?fbid=1997792298593&set=a.1744834214799.99232.1057057932&type=3&theater


佢直耳果時

我建議你照XRAY CONFIRM 佢係咪有遺傳病.. 你可以試吓天后寵物醫院既DR GRACE. 或者貓醫院DR MAGGIE , 佢哋都對摺耳遺傳病好有經驗..  九龍動物醫院都唔差架.. 口啤唔錯架.  我會建議你CHECK 咗先, 睇下咩問題, 再睇下VET 有咩建議需唔需要食SUPPLEMENT.. 其實你隻貓仲係BB, 我哋唔會鼓勵故亂自己俾SUPPLEMENT 佢食, 始終佢仲係發育期, 身體仲係發育中, 所以唔好亂咁俾嘢佢食. 跟返VET 既建議會好啲.. 5個月2.7KG, 唔算話特別肥吖, 除非佢骨格係特細啦.  個人意見, ROYAL CANIN 唔太好, 養開貓既朋友, 有得揀既呢隻都唔會係首選, 除咗一定要食處方糧既貓冇得好講. 有補關節成份既糧, 其他牌子既天然糧都有, 例如FROMM..

你去睇返"摺耳之事" 度睇返啲相關資料, 摺耳本身就係先天基因有缺憾, 比一般貓都容易有遺傳病, 雖然唔係隻隻貓都一定會病發, 有啲都好健康, 但父母沒事唔代表佢既下一代一定沒問題, 只要帶有摺耳基因, 無論佢係摺耳定直耳, 都會有咁既風險, .. 所以我哋先叫人唔好繁殖/購買摺耳貓, 更加唔好有僥倖既心態..

佢張口抖氣, 可能係玩得太激動, 太興奮, 亦有可能係心臟既問題, 呢啲都要由VET CHECK 咗先知. 你留意住佢係咪成日都係咁, 如果係, 最好都係CHECK 埋心臟有冇事.

摺耳天生免疫系統較差, 亦因此佢哋好易打噴嚏, 流鼻水, 眼水.. 容易有FLU, 所以天氣冷時最重要係保溫, 溫度最好保持堑22-25度之間..


你既FACEBOOK LINKING , 我睇唔到, 可能你SET 咗權限呢..