各位好, 我叫悠悠
媽媽接我返黎剛剛一年, 我之前係住嚮寵物店, 不過唔係等人買走, 而係等哥哥姐姐買走我d baby
由於以前係嚮寵物店, 佢地都唔肯定我有幾多歲, 店主同媽媽講接我走時應該 4-5 歲, 但係另一位又話我只有 2-3 歲
不過幾多歲都好, 媽媽都唔介意咁接左我返屋企
返到黎屋企之後, 我肚腩仔就好痕, 令我不停咁 lum, lum 到成個肚腩仔同大脾都無哂毛, 仲試過有d 發炎,
媽媽帶我去睇獸醫, 睇好d 炎症後, 我都係繼續咁去 lum, 媽媽初初以為我唔開心, 試過搵讀心術師都解決唔到問題
呢一年來因為腸胃問題都睇過唔少次醫生, 屋企亦都長備腸胃藥, 媽媽一見我痾軟便就會即俾我食
由於食得太多藥, 我而家己經成為食藥高手喇~ 媽媽有時放唔正粒藥嚮近喉嚨位, 我都識得自己吞落肚
兩個月前, 我口裡面生左一位腫瘤, 獸醫一見就話係癌, 要立即動手術, 由發現到做手術只係三日時間, 但係粒瘤都己經大左唔少
手術後當晚媽媽接我返屋企後, 傷口又再流血, 媽媽立即送我返獸醫哥哥度
好彩哥哥仲未放工, 而且亦肯等我地
獸醫哥哥叫媽媽第二朝再帶我返去留醫, 俾佢全日觀察我情況
雖然第二都仲有流過一次血, 但幸好最後都無事, 可以同媽媽返屋企休養
之後獸醫哥哥將粒腫瘤拎去化驗, 結果話個粒係叫肉芽瘤
今次割左, 日後都有可能會再嚮口裡面或者手腳度再生
成因可能都係一d敏感所致
上兩個星期, 媽媽又發現肚腩仔俾我 lum 到起哂粒粒
立即帶我返去見獸醫, 醫生了解後話我可能係對屋企某種物質敏感
建議做一個致敏源測試
測試己經做左, 但係要一個月後先有報告
呢一個月內我要食一種抗敏感藥
不過食左之後好眼訓, 又容易會嘔, 又會痾軟便
獸醫哥哥叫媽媽一定要嚮我食過糧後先可以食藥
咁樣可能會無咁容易嘔
希望呢一個月快d過啦.....
[
本帖最後由 rei 於 2010-10-25 08:08 編輯 ]