貓貓先得嗰一個月大, 你個砂盤係咪好高好大嗰啲呀, 你最好買FOR 貓B, 細個啲同埋矮身啲嗰啲盆俾佢用, 太高佢未必跳到入去. 同埋若然佢係盆外去, 你可以將佢啲便便執起放入去個廁所度, 等個砂盆有佢既味道, 佢會下次識得去返.. 耳仔係要清潔啦, 你去啲PET SHOP 買支洗耳仔水, 滴2滴落佢耳仔, 用棉花稍為輕輕塞住, 因為你滴咗耳水, 佢會自然反應FING頭的, 跟住用手輕柔咁搓吓佢既耳殼(約半分鐘, 記住要輕手), 目的係該佢啲耳垢軟化, 跟住用除咗耳中棉花, 再用棉花清潔乾淨便可. 貓B耳仔係特別多污垢架, 你要勤啲幫佢清潔..
食嘢方面, 佢咁細, 有時可能食得冇咁好, 你現階段餵吓佢都好架, 等佢食多啲嘢, 慢慢大啲佢會食得好啲架啦, 放心啦. 同埋你俾乜嘢乾糧佢食呀, 記得要買FOR 幼貓既糧呀, 1-4個月啱食嗰啲噃.