有救啦 ^o^ : 黑咪嘅"獨有骨骼遺傳疾病" 同 "貓愛滋"
大家好^^ 有好好嘅分享呀 ^o^ 首先要聲明, 由於我太開心激動, 所以以下內容可能有d混亂, 希望大家見諒啦 ^^ 黑咪係蘇摺, 佢大半年前開始有 "獨有骨骼遺傳疾病" 同 "貓愛滋", 本來已經舉步唯艱同成身皮膚病嘅佢, 而家好活潑, 成日周圍跳, 仲晚晚要玩完一餐至肯瞓覺呀^o^ 原因係.... 我搵嘅獸醫真係好好佢從來無建議過用類固醇), 佢幫黑咪驗血, 皮膚種菌, 跟住係開抗生素同止痛藥比佢食, 另外開藥膏佢醫佢嘅皮膚病.... 當時醫生已經講明, 黑咪只係吊命, 藥嘅份內只會越食越重, 抗生素會由開始好有效, 會因為長期食而有耐藥性而失去效用... 而止痛藥亦同樣地會由每日食一滴, 而慢慢食到最重制量, 直到藥石無靈.... 當然, 如醫生預料, 開頭幾星期好好, 但唔夠一個月又回復原狀... 我好傷心, 知道黑咪好快會死... 但係, 真係估唔到呢位獸醫咁好, 咁有耐性同愛心, (其實我知佢都好擔心), 所以佢完全無放棄, 仲千方百計, 好好心機咁喺網上搵到一隻原本係專醫狗愛滋嘅針制.... 當然, 佢好詳細咁講我知, 呢個藥係從未用過喺貓身上, 佢好老實咁講唔知有無用, 只係問我: "您敢唔敢試?" 當時我想 : 唉, 反正黑咪都就快唔得架啦, 乜都要試架啦 @@... 於是, dr frost 再三聲明之後, 我就開始同佢做皮下注射呢隻針藥, 初時我照獸醫嘅吩咐, 打兩個星期, 就停兩個星期, 跟住我觀察住, 黑咪打針嘅日子好精神, 皮膚好咗, 但一唔打就謝晒, 皮膚又開始爛, 當時獸醫先生同我都好唔開心.... 但係, 大家唔好氣餒呀, 我未 講完 ^^ 我見咁嘅情況, 就好大膽咁要求 dr. 開足兩個月針藥比我, 因為我決定日日都同黑咪打呢個針, 雖然dr frost好擔心有 side effect, 但我企得好硬, 因為我好希望可以有方法令黑咪無咁痛苦, 亦希望試吓睇睇會唔會幫到其他病痛中嘅蘇摺. 所以, 我同 dr. 講 : "我promise, 一有唔妥我即帶黑咪嚟覆診, 另外, 一切責任由我負責! " , 於是, dr. 就開咗足足兩個月針比佢... 大家唔好以為當時嘅我唔驚, 我都驚架!! 但係, 我覺得, 與其要黑咪吊住條命, 一直痛苦到死果日, 我一定要博一博, 起碼我盡過力! 就係咁, 我每一日都同佢打針, 餵佢食抗生素同止痛藥, 黑咪已經由之前每個星期要睇一至兩次醫生, 得番半條命等死嘅黑咪, 講您地都唔信, 而家行動好咗好多, 會自己走來走去, 識跳識玩, 皮膚好番晒, d毛仲好柔軟, 好有光澤, 好精神, 我真係好開心.... 我知dr 都好鍚黑咪, 所以我都有每3星期or一個月 就帶黑咪去覆診, haha... 其實係帶黑咪去探吓佢嘅大恩人醫生 ^o^ 每當 dr. 見到佢嘅時候都好開心, 我亦可以帶到個訊息比醫生, 就係 : "可以放心比其他同情況嘅貓貓食抗生素同打呢個針, 因為見到黑咪就知道個效果係令人意外咁好架!!! ^o^) 註 : 兩個月又兩個月啦, 黑咪真係好好好好, 當然, 同我其餘6隻家貓比, 佢嘅活動能力係無咁好, 但係, 真係有7-8成咁健康活潑. ^o^ 大家唔好氣餒, 原來係有方法架 ^^ 好想喺度再三多謝太平道嘅獸醫 DR. FROST! 佢係黑咪仔嘅大恩人! ^O^
