貓豬呢幾日都在靜坐的時候 "震震震" 個身體,
是佢自己震動身體去暖身吖?
還是佢有d咩事呢?
我問佢做咩震震呀?
一係佢就"一彈起身咁走咗去";
一係佢就"由我一路"素"佢d毛, 一路同佢講放鬆, 放鬆..."
跟住佢就無再震落去喇....
不過我都有d擔心...
但係我老公就話佢應該無事...
我想問: 你地d小可愛有無d咁既事發生呢?
ps. 我唸應該唔會係因為凍事囉, 因為我屋企平均都有20度...
佢又唔喜歡著衫, 一著就金蟬脫殼;  
同佢蓋被, 唔洗一分鐘就仲俾佢隻飛腳Young走哂~
真係無佢法子~~~

我的波子試過有這情況, 她的問題是因為關節痛所以打震, 但當然未必每隻打震都代表是因為這個遺傳病的影响, 想問你貓貓打震外, 有沒有這排少了活動, 如行少了, 跑少了, 又或者行動上有點不同.. 若然有的話, 真的有機會是骨骼傳病的問題. 若是這樣你最好快點帶貓貓去有這方面經驗的VET 做個詳細檢查. 若然貓貓一切行動都正常, 亦很活潑, 那可能是因為天氣凍呢.

貓貓天生不愛穿衣, 你可以考慮買部電暖爐又或者電暖毯..

我的天天以前睡覺時手腳也會抖震的 (當時是夏天所以唔應該係天氣凍)
後來過了幾個月後便沒有了
直到現在都沒有再出現
我都唔知點解
不過感覺上似係精神緊張多d

多謝你哋既回應呢!
我同貓豬講話網上面有d姐姐話有d摺耳貓貓會有d骨骨既關節痛, 要睇醫生同食藥藥, 有d就要打針針,
不過好快就會好返無事, 可以再成日周圍走同玩玩!

咁我問佢係咪有時腳腳同尾尾都有關節痛痛, 所以就震震震咁呀?

點知佢即刻碌大對眼望住我, 好似問:你點知架?咁.於是我又打蛇隨棍上話, 咁痛痛就要睇醫生架喇噃,
... 因為佢真係好怕食藥藥, 又好怕去見醫生....所以佢即刻就dup低頭唔望我, 好似好擔心咁進行思考...
咁我咪一路同佢講, 叫佢唔洗驚囉, 媽媽好錫bb, 唔想佢成日玩一陣就攰攰囉, 好返就可以玩波波玩好耐,
又可以玩追追追"bu chat" 媽媽喎咁 ....

不過氹咗成十分鐘, 佢都唔肯望我, 又唔走喎, 只係dup低頭伏係我手臂度任我素毛毛....
情景就好似一個兩歲既bb咁啦... 好唔開心又鼓起泡面面咁...

之後我再同佢講: 咁好啦, 如果你再有痛痛, 有唔舒服, 好辛苦就話俾媽媽知, 媽媽再同你去睇醫生啦!  
你又自己再林下啦, 成日痛痛都係要見醫生叔叔架嘛,媽媽錫錫bb, 唔想bb成日都痛痛震震咁囉... 好唔好?!

哈, 隻豬仔竟然即刻望返住我抖大氣, 好似話: 差d俾你嚇死! 咁.跟住仲想即刻逃離我隻手添!
咁我咪話, 哎呀你個豬仔吖, 你要認真咁考慮下幾時去見醫生叔叔呀, 要照x-光架, 扭計都要去架...

跟住佢就邊走邊eerr... 我唔知佢想講咩, 好似係話"拖得就拖"咁啦! 真係俾個豬仔笑死!  
剛剛又懶係滿有心事咁嗲係我手, 轉頭呢, 一俾個權佢可以考慮同決定幾時去睇醫生就即時生猛哂!

我成日都同佢爸爸講, 佢都唔知自己係貓, 佢當自己係人仔囉!
有時同佢溝通, 佢仲聰明過我中心d自閉症小朋友仔!!(佢地都好可愛架!)
不過都係自已種既善恩黎既, 我成日都當佢係中心d小朋友咁訓練, 佢又點會知自己係貓而唔係人呢!

[ 本帖最後由 貓豬 於 2009-12-29 18:09 編輯 ]

我隻b都係甘
佢訓訓下都會冇啦啦震震震

瞓覺時震可能係發夢啫.