發新話題
打印

我個心肝寶貝走了

我個心肝寶貝走了

我個心肝寶貝最後都走了,其實我可以話真係好好彩同無憾了,
好彩既係我老細原來好好人,佢知米高有事,佢肯俾我放兩星期假去陪米高,等我可以好放心咁係呢兩個星期每日都陪住佢,照顧佢到最後.
無憾既係我陪佢行完佢既一生, 即使佢走個刻, 我都可以抱住佢,佢敝係我身上, 慢慢安靜地好似睡著佐咁走. 而我害怕既事,佢有可能抽筋抽到死,冇發生到. 但真係好唔捨得佢,我再摸唔到佢,抱唔到佢,再聽唔到佢既叫聲, 係屋企, 差唔多每個角落都有佢既回憶.
佢走之前, 我同佢講叫佢唔好再捱, 辛苦就走. 個刻我真係想佢走, 唔使再捱苦,見到佢連行既力都冇, 係床轉身都唔夠力, 我個心真係好痛好痛, 寧願有事個個係自己. 但原來當佢真係走佐既時候, 心一樣痛,只不過係另一隻痛.

今日佢火化, 睇到佢冷冰冰既身體, 一動不動, 真係好傷, 我連按火化爐個制都做唔到, 要由哥哥去按.
但我又有一種好特别既感覺, 我覺得米高好似仍然同我一齊咁, 我唔知點形容個種感覺.
我怕我自己係因為仲未接受到佢既離去先會有呢種感覺.

TOP

請保重,我想米高唔想見你唔開心,
貓貓係有生之年可以有個家和鍚佢主人,
我想都無憾了。

TOP

我好明白你既心情~ 因為我都經歷過好幾次~ 每次以為經歷過就應該會有心理準備啦~ 不過每次都係一樣咁傷心~
不過我信動物們只係去左另一個世界~ 而係另一個世界~ 佢會好好守護住我地~ 就如米高會係另一個世界好好守護你~ 所以你要好好努力咁生活~ 加油!

TOP

唔好難過, 米高仍然陪係你身邊 ... 佢都唔想你難過, 保重!

TOP

我都好明白你既心情,  
因為之前我隻貓貓走個陣我都傷心左好耐.
希望你可以盡快過渡最傷心難過既時期喇.

雖然你既心肝寶貝走左,
但佢既一切一切都會永永遠遠留係你心入面.

TOP

謝米, 唔好太難過, 米高會唔開心既.. 你既心情, 我都經歷過, 真係會好傷心,  亦需要一段長時間去平復.. 我想米高在某處看謢著你.. 你要加油呀.. 你o地既開心時光永遠都會留係個心度, 呢d係永遠既..  你這樣愛錫他, 我想米高在最後時間有你陪伴著, 他已無憾啦.. 你要保重呀..米高會做個快樂既小天使既..
https://www.facebook.com/yydoris

TOP

吾好太傷心,米高都吾想你為左拒而傷心.當然依家呢一刻係好難過,但你都要保重吖!!!
米高依家已經去左一處無痛苦,吾會再有病痛,只有開心同快樂既彩虹橋,所以你應安心先係!!!
好好咁生活下去吖!!!

TOP

米高到了彩虹橋當貓天使, 他們在那裡守護着大家, 終有一天大家會再見面的.

TOP

係o羅, 不好咁傷心, 米高一直會在你身邊的。
不知道你家還有其他貓嗎 ?  或已考慮再養

TOP

保重!貓貓有生之年有你愛錫,已經好幸福,他日大家o係彩虹橋會再相遇架.

TOP

發新話題