前日睇完醫生照完x光，已話4肢、背脊骨都有問題，開左一星期藥，仲要每星期返去打一支延緩退化針，要打4次，其後每個月返去打一支。但食完第一次藥後，十分呆，動作慢幾拍，打去診所問，回覆其中一藥減分量。到第二日發覺唔願郁，仲肚柯，現在唔知點算好，診所又未覆。我聽很多人講香港貓醫院Dr Maggie好，但下星期已full了，請問係唔係真係好有醫得，會唔會睇完又話交比助手跟進？仲想問醫務所X光片可唔可以拎去另一間貓醫院睇呢？

Dr Maggie 我未睇過, 但佢都係對摺耳有豐富經驗既VET 嚟.. 天后寵物醫院既Dr Grace/Dr Angela都對摺耳貓既問題好有認識, 你可以參考一下. 你講嗰隻針係骨膠原針, 波子都有打開的, 係補助關節軟骨的, 頭4星期每週一針, 之後一月一針. 醫生開咗乜嘢藥俾貓貓食?若你轉診所, 可以同新間診所講, 叫佢問返舊嗰間拎病歷架, X 光片當然可以拎去啦, 唔需要再照多一次.

請問係咪有針灸睇個間？

係呀, 天后寵物醫院有針灸的.

引用:

原帖由 Fufu 於 2015-10-23 16:16 發表 請問係咪有針灸睇個間？

Thx,我試下打去book唔book到

我終於book到，但要星期三先有位睇Dr Grace,希望佢可以幫到手

想問下佢因為食左藥又柯又嘔，所以停左藥，但停左藥佢隻腳又不停(young),我覺得佢覺得痛先會這樣，Dr Grace又要星期三先有位睇，我現在有什麼方法令佢舒服d,冇咁痛呢？

睇咗 Dr Grace 未? 佢點講 ? 首先d藥份量是否合理, 要問下e 生, 可能要轉藥 ....... 藥可能太苦, 可以用膠囊入住藥粉或藥水先餵 ...... 如果貓咪比你摸, 可以輕力幫佢按摩下, 我試過用毛巾包住暖包暖下佢啲痛處, 都可以舒緩下.....