請教有關貓貓身後事問題
各位師兄師姐好,近日需要為愛貓做身後事, 想請教有無邊一間試過, 請各位幫幫手推介一下.... 謝謝
(想喺呢度呻一下.....
我係新人, 再一次向各位請安. 我ATTACH左張相, 佢係我隻摺耳貓貓, 叫阿波. 今年十三歲幾啦, 可惜, 我聽日要送佢走. 呢兩日喊到我眼都腫埋.
波波同佢好多兄弟一樣, 都有骨骼問題, 由細到大一直行都兀下兀下, 不過每次見到我同太太返屋企, 都會主動出黎打招呼, 一定要我地用腳同佢玩 (唔知點解, 佢由細到大都唔鍾意比人手摸), 然後訓喺我地啲鞋到, 好滿足咁FING下FING下條尾.
上星期六開始, 佢爺爺打比我, 話佢行唔到了. 跟住同佢去左睇醫生, 照完X光, 見到佢啲手手腳腳啲骨刺好多好多. 醫生都同我地講, 佢已經唔得架啦.... 但我地想陪多佢幾日, 所以接左返屋企,約左聽日再返去醫生度.
尋晚我返到去, 佢又好似以前咁, 想走出黎, 可惜, 佢用前手撐左兩下, 就唔夠力訓返低了... 呢兩日, 厠所又去唔到, 開始失禁, 基本上無食野, 一切一切, 令我知道我留唔到佢了....
呢篇野一路打我就一路眼濕濕, 打得唔好, 唔好見怪..... 我只係想喺呢度得到一啲同道者既支持比我呻一下, 同埋祝福我隻仔仔, 走得開開心心.)
我想我個仔最後走得好好睇睇, 如果各位有好既善終服務推薦既, 我會很感激, 多謝哂先
附件: 您所在的用戶組無法下載或查看附件