發新話題
打印

已經睇左醫生了

已經睇左醫生了

實在太忙了,很久沒有上來update~要講番兩隻仔女睇完醫生既情況先~

十一月五日, 阿肥同阿mui已睇過Dr.Grace, Doris冇介紹錯, 佢真係一個好有醫德既獸醫, 睇兩隻貓睇左差唔多兩個鐘, 之前又提我帶埋supplement同佢地既日用品, 去到逐一介紹成份, 講下對佢地適唔適合, 俾suggest我可以試其他好D和天然既產品同時, 又俾番個話事權我, 唔會硬sale, 十分中肯

先講下阿肥, 唔講唔知, 原來佢個雖然叫”蘇格蘭直耳”, 但都有摺耳既基因. 不過, 佢話呢隻仔其實都好健康, 除左左邊菠蘿蓋有少少鬆, 現階段無必要照X-ray住, 仲有話佢有個肥腩要多做運動-v-“~

到阿mui, 我講左一大輪佢之前既病歷 (1: 曾生個疑似金錢廯 2: 細個時因塊指甲甩左,成半年先好番 3: 已有牙周病 4: 體重不過3kg  5: 近呢幾月,生左粒肉廇仔係隻耳度) 同埋我覺得佢似有骨骼遺傳病. Dr.Grace好pro好有耐性, 逐一檢查佢身體, 粒肉廇仔其實好似人既色玉咁, 無害但有機會增生, 建議下一次洗牙時先一次過做埋切除~而體重佢指係阿mui本身生得細粒, 算正常, 仲話佢有個小啤酒肚要減下tim. 佢亦話mui mui好可能染有冠狀病毒, 因為無可能咁細個就有牙周病, 佢話呢種病毒就好似人生飛滋咁, 主要係黏膜感染, 而感染好大機會都會是因為心理因素所致, 簡單講即係貓貓原來都會因有壓力而生病.我問Dr.Grace咩叫心理因素, 係咪佢成日唔開心就會容易感染, 佢話係, 而且一旦驗左呈陽性, 阿mui壽命將不過3-4歲, 我即刻Down晒, 仲好想喊, 不過佢話只要有適當治療, 例如針對行為性或者可以開一D舒緩既藥, 情況會有所改善. 講到呢度, 有一小插曲, 我同Dr.Grace講,阿mui 係我第一隻親自養既貓, 係香港我同佢相依為命, 原本兩人貓住左一年, 之後因為份工要周圍飛, 然後搬來搬去, 直到搬去男朋友的家, 男友家本身有一隻狗, 一兩個月後又買了肥仔回來, 可能搞到佢唔開心, Dr.Grace聽完驚呼一句, “唔怪得啦, 原本佢係第一位, 而家咩都分薄晒,仲有, 你知唔知貓搬一次屋就等如人類去左月球架” 我話”唔係呱??咁佢而家咪係冥王星?” Dr.Grace笑說”係呀, 所以你要多d錫番佢, 陪下佢,咁佢個心就會定d同開心d” (笑)

到左重點檢查骨骼, Dr Grace 指始終要照一次x-ray 先知問題所在, 我選擇了不麻醉地照, 照個時, 阿mui當然照舊發出劏豬咁聲, 真係勞煩d醫護姐姐了~報告出來, 發現mui mui 的尾巴和左腳都有增生情況, 尾巴就有少少類似骨刺, 而左腳情況比較嚴重, d增生組織較多和重疊, 這一刻真的有愛莫能助的感覺~ 不過佢話情況暫時不算太差, 亦冇波子般嚴重(一開始同Dr.Grace講波子媽介紹, 真的以為mui和未接受治療前的波子一樣, 真係擔心死!!!)

最後醫生開左止痛藥水, 亦叫我慢慢考慮睇下想試邊隻治療方式~
回家食左藥水個幾禮拜, mui子除每次食藥嘔泡外, 還絕食兼在床上大便抗議, 我實在想不到辦法, 所以最近呢半個月已停食藥了.
現在已Book左Dr.Grace, 希望轉打骨膠原針同草本+靈氣治療, 會令佢舒服d之外還容易接受些.
下次睇完醫生, 會再update, 希望大家會祝福和支持mui子啦!

[ 本帖最後由 gothamvera 於 2011-12-4 18:58 編輯 ]

TOP

我想知你隻阿mui係2歲既時侯先出病徵?
因為我都怕我果隻會咁呀c~~41~~
我買果陣唔知係摺耳c~~41~~因為對耳都直直地 比人呃左
你隻阿mui以前小時候有摺耳既表徵ma?

我果隻得5個月大
但前果排已經玩到chok親d關節...
你去dr.grace度用左幾多錢呀check1 次?
我諗緊而家有冇需要大check1次..定係等佢1歲絕育既時侯先順便呢?
thanks!!c~~24~~

p.s. 我仲好想唱衰呢個breeder
佢1直都唔認我隻貓有摺耳dna
仲話自己都唔知佢baba mama 係咁
但佢keep住有賣摺耳lor!!! c~~32~~ c~~32~~
大家知唔知有咩途逕可以唱衰佢 我唔想再有人中招呀!!!!c~~32~~

[ 本帖最後由 popki 於 2011-12-5 02:45 編輯 ]

TOP

食藥水方面有少少tips,可以買膠囊放葯水入去當藥丸餵,佢食唔到苦味就唔會咁抗拒
Popki:其實貓貓六個月左右就可以絕育,咁可以早啲check,我覺得你要公開依個breeder嘅資料,等其他人有得提防,佢擺明就係一個無良貓販啦,用唔知做借口,咁依家知咗仲繼續賣貓就更加唔啱

TOP

回復 2# 的帖子

牠天生和自小已摺耳,要細分的是單摺

大約五個月時已出現招牌坐姿,腳還會不自主地上下震動,我當時已立刻和牠看過醫生,平既,貴既,有口碑,有熟人介紹既,都對我既疑問避之則吉或不能解答,只會說 "照泥都冇用,呢個種係咁架"..所以最緊要係個獸醫有冇愛動物既心

肥仔 + mui mui basic body check, 另開一支草本増強體抗力魚油, mui mui 的painkiller 和草本洗耳水, 大約 $2000 左右

其實我自己建議你去同佢去check左先, 要知道實質情況才可對正下藥, 自己點擔心都冇用
正如我肥仔咁, 行得走得又食得, 仲可以jump得好高架, 但唔同佢check下都唔知佢菠蘿蓋有少少鬆,加上貓貓唔同人, 有口難言, 而且忍耐力又高, 到我地睇到病徵可能已經遲左了

TOP

Vera, 你試吓買膠囊入啲止痛藥嚟餵啦, 我波子都係咁餵法架. 嗰隻止痛藥唔可以就咁餵, 雖然佢已加咗糖水去溝, 但都係好苦架. 若然佢腳仔係痛既, 都係要食止痛藥先得. 骨針係骨膠原嚟, 係幫助佢啲軟骨生長.. 同止痛藥唔同作用架.
阿Mui 沒波子般嚴重就好了, 我都唔想再見有摺耳似波子咁. 見佢哋藥來張口, 嗰吓仲心痛, 咁乖巧既貓點解要受咁多苦.. 大家一齊加油啊.
https://www.facebook.com/yydoris

TOP

唔該哂大家
我隻貓5個月左右 都係單摺....
我呢幾日分別見佢右腳好似樓主咁講 不自主震動左2次
嚇親c~~25~~
我今位個星期6 會拎佢去DR.MAGGIE 度打第2針
順便問下佢意見 睇下SUGGEST 我需唔需要照X RAY/大CHECK1 一次
希望唔係太大問題c~~58~~

TOP

我近排發現喵喵都有咁情況 , 我摸佢個身係感覺佢震顫 , 我都唔知佢係咪凍到~~打冷震 , 都多d留意下呀

TOP

佢哋震一係就係凍, 另外好似波子咁有骨骼遺傳病, 都會有咁情況出現架, 天氣凍佢哋啲腳會特別痛. 會出現呢個情況. 你哋最好放佢係啲暖墊上面等佢取暖.. 咁會好啲架.
https://www.facebook.com/yydoris

TOP

發新話題