唔好太擔心先, 係咪等報告出來? 最緊要有正能量. 依度有好多有經驗的會員都比到你意見的, 我地個個都會撐你及平安的! 加油!

多謝你地，特別係Doris提供左咁多醫生資料比我，另外小食收到啦!佢兩隻超鍾意，唔該曬！依家係等埋尿同腹水報告確診，雖然佢個血FIP test 係陰性， 但佢D血指素同身體狀態都係同FIP吻合，所以Dr. Angela 同我自己睇左成晚資料都認為FIP的機會好大，anyway,呢場仗我地成家都會堅持，尋晚上左成晚網，發覺有D FIP case都會生活得好耐，什至好番，但主要係靠佢自己，如果證係FIP我地唔會用外科方法，如抽腹水開刀等，因攪弱佢仲危險，又要無啦啦捱幾野，諗住主要用藥控制同加營養比佢打，睇左某D研究話維他命C加靈芝都對貓好有幫助，所以我買左五色靈芝再加上Dr. Angela 比佢既葯同營養草葯同維他命等佢試試，平安都好醜怪，食左藥抖左陣後，居然同大吉玩捉迷藏，玩到好開心，但半夜三更兩隻野玩到馬場咁，幾驚樓下投訴啊!哈哈！唔知係咪D藥咁堅！食左舒服曬。有時望見平安腹大便便，雖然佢唔識講，我都知佢好辛苦，咁橋我外母早幾年又係因患癌而引致腹腔積水離世的，所以知到比水壓住內臟係幾苦，另外又擔心大吉，Dr. Angela同佢初步檢查話佢冇野，但其實佢地齊食齊柯，都好大幾會感染，爭在會唔會發病，所以都要留意佢多D！不過佢都係話係摺耳FIP發病係高D，可能佢地本身比較弱同佢地出現係錯誤，所以連上天都覺得佢地唔應該係度，比病佢地等佢地自然滅絕，但又係我地人類覺得佢地可愛令到呢D小朋友受苦!!唉~之前我唔知佢地咁慘，比佢地外表吸引左，宜家都成日見到人賣摺耳，我覺得繁殖的一定知，仲要話D貓一定ok!點解仲要為錢而做D咁嘅野，一定有報應!
平安大吉

我係平安，多謝你地支持

我係大吉，我都會小心身體啦

不用客氣, 其實我也沒幫上什麼忙.. 見佢2個精神都唔錯, 你哋都要加油. 係啦. 現階段最緊要幫佢增強抵抗力.. 有好多貓貓就算有呢個病都活得很長時間的..

唉.. 人類就係咁, 為咗金錢可以不顧什麼是違返天然, 明知摺耳的出現是錯誤的繁殖, 是會有遺傳病, 但只要有求, 啲人就為牟利而漠視貓貓的福祉.. 結果就害苦了貓貓. 所以我們更加要大力的宣傳摺耳之害, 讓人看清可愛背後的真相..

無良寵物商販真係害人不淺! 睇到小朋友受難真係好難過, 我地能幫到只有默默為平安祈禱 T^T

祝福平安貓如其名, 就算是在風浪當中也有平安, 努力同病魔抗戰, 平安加油!

平安爸, 你介唔介意我地係facebook分享平安ge故事, 等多d人知道購買寵物潛在風險ge真相呢?

當然可以啦！我都唔想再有咁嘅事發生係任何貓同主人到，有d乜野資料需要請開聲！

祝身體健康！c~~36~~

剛剛見到Flora更新左摺耳貓小鬥士名冊, 看到Subaru都榜上有名. 禁不住流下眼淚...講開摺耳貓身體特別弱, 我非常有同感. 看見各會員的小朋友除了確趁左骨骼問題, 都容易有不同的病. 如流鼻水/血, 皮膚, 腎問題, 耳蝨等等. 另一方面, 摺耳貓好像知道主人為他們好, 對看醫生/吃藥時特別乖特別合作的. 唉
無論如何, 希望各小戰鬥士們繼續努力+加油!

平安爸, 這是於facebook發表的文章--> http://www.facebook.com/note.php ... 40243172&ref=mf

引用:

原帖由 floratps 於 2010-2-6 10:37 發表
平安爸, 這是於facebook發表的文章--> http://www.facebook.com/note.php ... 40243172&ref=mf

唔該曬你，呢兩日我都會係小鬥士果邊開POST打番詳細D，然後會keep 住update 平安近況，Facebook 果邊就麻煩你啦!平安今日醜怪左，仲同我個仔玩左幾下添，呢兩日佢淨係同大吉玩咋，所以我地都好開心！

剛接到Dr.angela來電，說平安報告證實FIP，但好彩腎同身體機能都ok。其實都冇所謂證實唔證實，一早遇左對手係佢啦，我要努力令平安成為戰勝FIP的紀錄貓，因為台灣都有病例係可以的，最緊要係佢keep住食，我亦係台灣問緊一D中藥配方去幫佢，希望有方法啦!

平安一定會好番的
加油~

最緊要平安佢有胃口, 有精神, 佢食得玩得係好樹嚟呀, 加油呀. 平安.