我家的摺耳貓仔已經七歲了,最近後腳行路有些跛行並且痛,已經帶了他去看醫生並照了X光, 醫生說他軟骨增生過多, 並不建議做手術, 所以現在提議他每天服用葡萄糖胺, 至於止痛藥方面, 並不建議長期服用以影響他的腎功能, 服用了五天, 情況又好像有點兒改善, 我想請問各位有經驗人士, 大家覺得動物針灸對他有幫助嗎?

針灸可以有效慢輕痛楚, 我自己既波子都有做開針灸的.. 服用葡萄糖胺同埋青口素都對軟骨方面有幫助架.. 要KEEP 住俾佢食呢.. 又或者你可以試試一些較天然的草本止痛滴劑, 沒有西藥般的副作用, 安全很多.. 有關針灸既問題, 你可以參考吓呢度.. http://forum.hksfsickcats.com/thread-355-1-1.html 止痛藥方面你亦可以參考呢度.. http://forum.hksfsickcats.com/thread-352-1-1.html

我貓BB女都要加入呀！簡直係超大的打擊。佢得10個月大，平時佢好活潑，依加行路一拐一拐。之前個獸E話佢係玩果時淆柴，打左針都無好到，之後帶貓bb去睇骨科，E生證實佢有關節炎，病發啦！真係嚇死我，晴天霹靂。喊到我眼都腫啦！希望佢可以無咁痛啦。佢依加無咁痛果時都會玩下玩具架，但佢每次係sofa想落地，佢都會跌跤。好痛咁跌倒！心痛死我！！依加整左條樓梯比佢上落sofa，但未完全學識行lee 條新路。 依加E生開左d葡萄糖安 and止痛藥比佢。食左一個星期，都未完全止痛。有時都會一拐一拐咁樣行。非常好彩，佢食藥好乖，非常合作。食得好好！好易餵藥。 請問仲有無其他補充品可以減輕佢的痛楚？？我好無助呀！！佢可以活到幾耐呀？？可以正常生活嗎？？醫療費會唔會太貴呀？？

你仲可以俾青口素佢食既, 都OK架, 我家中2個小鬥士都日日食.. . 都係幫助軟骨生長既原素嚟. 純天然.. 佢而家食緊咩止痛藥呀? 西藥?? 你要問清楚醫生, 因很多的西醫止痛藥都有傷肝腎既副作用, 唔可長期食, 要問清楚.. 另外你都可以考慮吓我哋團購內的草本滴劑, 天然冇副作用.葡萄糖胺我們就幾個月會團購一次回來, 佢哋會當小食咁自己食囉, 好過俾藥丸, 起碼唔覺得係食藥, 你都可以參考一下. 不過謹記, SUPPLEMENT 都要跟返份量, 唔好過量, 因不同的SUPPLEMENT都有機會有重複既成份，　當食幾種SUPPLEMENT , 有可能有些成份重複咗, 過咗量都唔好喇... 我們很多小鬥士都有服用既. 你可以去團購區度睇吓啲詳細資料.. 青口素就特賣場都有現貨.. 其實佢哋既壽命同一般貓咪無異, 只要照顧得好, 都可以活得開心正常. 唔好太過担心, 我波子病發時只有2個多月, 連走路都不能, 今天已三歲半, 病情亦已穩定下來, 雖然要日日食藥同SUPPLEMENT , 但生活各方面都很好, 亦見到佢好活潑同開心, 除咗走路有點拐及跳得不太高外, 其他都與正常貓咪沒兩樣...加油啊..

我聽完你地講，當佢正常貓，我今日買左新玩具比佢玩，之前驚佢走動得多，唔敢比佢玩玩具。佢超like個新玩具，玩左好耐，玩到倦又休息一陣。sweet！我希望貓仔永遠都咁活潑。

係架. 其實佢哋都同正常既貓貓無異, 除咗照顧上要細心啲之外, 唔好俾咁大壓力自己同貓哋.. 佢哋都會FEEL 到壓力架.. 保持正能量好重要架. 加油啊.. 同埋呢, 佢哋有呢個病, 盡量讓佢哋係啲有軟墊既地方玩對腳仔既關節壓力會少啲...

引用:

原帖由 悅同 於 2011-5-3 19:37 發表 我聽完你地講，當佢正常貓，我今日買左新玩具比佢玩，之前驚佢走動得多，唔敢比佢玩玩具。佢超like個新玩具，玩左好耐，玩到倦又休息一陣。sweet！我希望貓仔永遠都咁活潑。

希望你貓咪快啲無咁痛喇 ... 嚴重時一定要聽 e生講食止痛藥架, 但要問清楚啲副作用先 .... 當佢病情控制到唔痛就會活潑番架喇 .... 要比啲耐性及時間啦 .... 我隻 Sabu 而家只食 supplement 已經 OK, 暫時都不用食止痛藥 (西藥) 了 ... c~~31~~ . 我一年前收養多隻貓咪 Garlic ... 佢有同哥哥 Sabu 玩, 而家 Sabu 後腿啲肌都比病發時好好多了 c~~36~~ .. 你同你貓咪要加油啊 ....

多謝前輩們的回覆! 諗起一個問題想請教下大家, 小鬥士們出現關節問題同時亦面臨軟骨增生過多, 葡萄糖胺係減少關節磨擦, 即是舒緩關節, 咁會唔會因為對關節太好, 會繼續增加增生過多軟骨的問題呢, 另外Doris你話食草本滴街係幫助佢地增生軟骨, 咁樣咪會令病情再惡化, 因為我唔係太明白, 所以想請教你們, 謝謝

我的小窩巳在4月做絕育,因之前見她的尾有輕微曲,所以係當日順便照x-ray,醫生話她的骨生得好靚,完全冇事,但我很想做多點預防,請問她現時7個月,我可以比d咩supplement佢食呢?thanks!

不正常既增生軟骨就好像骨刺般, 不同關節的正常軟骨組織, 正正就是牠們關節間的軟骨會骨質化，　變相就是軟骨流失。。　 服用SUPPLEMENT 就是要盡量補充返啲流失咗既軟骨, 避免骨與骨之間直接磨擦.. 草本滴劑是消炎及止痛, 不是補充軟骨的, 補充軟骨ＳＵＰＰＬＥＭＥＮＴ　係青口素，　葡萄糖胺及軟骨素。。。　

通常食左葡萄糖安，要幾時先會有效用？我貓貓lee幾日好似無咁痛。但食左大約10日葡萄糖安，唔知係我自己諗多 or 佢真係對d補充品有好的反應？？

咁都要一段時間先起到作用, 啲SUPPLEMENT 係幫佢補充返啲軟骨, 咁都要時間等啲軟骨形成..佢食咗十日, 我相信都係開始有作用架喇..

咁就好啦！對藥有反應，真係好開心！雖然未係好活躍，比之前都行少左，但少左一拐一拐咁行。都少左感到佢好痛，但都唔會好似以前咁自然，咁活潑，但都已經好感恩！佢會識得玩d玩具係唔使點跑，會坐係度玩波仔！ 佢學識左行sofa的樓梯，佢照樣會跳上sofa，但會行樓梯落sofa。叻叻！！c~~24~~ 希望佢唔好惡化落去，做隻開心貓！c~~42~~

咁就好喇, 希望小朋友越嚟越好.. 加油啊.

Doris, 如果葡萄糖胺係補充軟骨...咁會唔會令佢地既軟骨在關節位置繼續增生呢?? 醫生跟我說要佢服用葡萄糖胺係避免關節與軟骨之間互相磨損, 我最怕都係醫生斷錯症, 所以問清楚各位有經驗和有知識之仕, 謝謝