喵喵有金錢癬, 睇咗醫生食緊藥但好似仲多咗位置出現d癬, 我可唔可以同佢剃毛? 會唔會易d好返?!
有咩嘢食咗可以令佢強壯d抵抗力好d, 唔好咁易有皮膚病?

你有無用埋治金錢癬的沖涼液呀?

http://www.erei.com.tw/index-2-2.php?t_prdtno=96

唔使剃毛喎...沖涼就得架la...

冇用呀, 醫生好鬼求其, 我話佢知邊個位有, 佢就用燈照嗰個位, 之後話只係得嗰個位有, 都冇成隻喵喵照c~~32~~
之後就開咗一隻癬藥丸, 一隻抗生素, 一隻唔知係咩藥, 加一支消毒藥水...
請問呢支嘢係咪好易買ga?
佢依家只係得食飯時間先可以除個頸罩, 好慘呀c~~41~~

我之前係獸醫診所買過, 但有d人話係一d pet shop都有得買, 但我唔知邊間有呀!

咁好啦, 我去搵吓~ 唔該晒你!

貓lam毛時會將癬菌帶到身體其他地方, 約果貓貓身體唔夠強壯, 其他地方就會陸續生癬, 所以買葯水沖涼液密D同貓貓沖涼都有幫助, 咁樣剃晒D毛就方便D

我怕佢成日lam毛會將d菌帶去第二個位, 醫生話可能係之前落咁耐雨潮濕所致, 如果剃毛毛一來可以唔洗佢lam濕晒, 二來我易d睇倒佢邊個位仲有, 不過又怕佢唔開心~
依家佢成日都lam個頭罩....

佢實係覺得好痕喇...真係陰公....你幫佢剃毛啦, 咁樣會方便照顧d ga

今日買倒支沖涼液喇, 同佢洗完白白佢好攰, 唔知因為攰定係沖完冇咁痕, lam少咗喎!
問咗pet shop有皮膚問題都可以同佢剃毛, 我睇吓洗多一次白白之後佢係咪仲係好痕, 先至決定剃唔剃晒d毛毛, 因為我個仔好小器, 我怕佢會好唔開心又發我脾氣!
佢之前又lam又咬, 咬到有血 c~~39~~

如果佢唔怕吹風筒GE, 咁唔剃毛都得, 不過你要俾多D時間同佢整乾個身咁解, 剃晒D毛就吹一陣就乾, 千其唔好唔吹乾, D癬菌最LIKE就係潮濕, 所以沖完涼一定要吹到D毛好乾GA

佢唔怕風筒ga, 不過我同我男友2個輪流同佢吹都覺得好攰~
聽日又要同佢沖涼喇, 一星期沖2次唔知要維持幾耐先會好呢~
如果沖多幾次佢都仲好似好痕呢, 就剃晒佢d毛, 因為我都怕吹得唔夠乾!

金錢癬係冇咁快好架, 嗰時豆豆同芝蔴都2個幾月先好, 嗰時佢哋出癬既地方我都幫佢哋剷短咗啲毛, 方便塗藥膏, 嗰時我係沖涼加藥膏雙管齊下架. 冇辦法. 同佢洗完身記得真係要吹乾, 癬既最佳朋友就係濕喇, 所以一定要幫佢哋吹乾晒架.

引用:

原帖由 doriswong 於 2010-7-14 00:29 發表
金錢癬係冇咁快好架, 嗰時豆豆同芝蔴都2個幾月先好, 嗰時佢哋出癬既地方我都幫佢哋剷短咗啲毛, 方便塗藥膏, 嗰時我係沖涼加藥膏雙管齊下架. 冇辦法. 同佢洗完身記得 ...

明白晒~ 咁我都真係要諗諗同唔同佢剃晒d毛毛, 不過又怕佢唔開心! 依家我返咗工得佢一個喺屋企, 已經覺得佢好慘, 唔想佢又多一樣嘢唔開心~
擒晚又同佢沖多一次涼喇, 佢好少lam少咗d!
我想問, 咁係咪佢d玩具都要洗乾淨呀? 幾耐洗一次?

玩具又唔駛洗, 不過瞓過GE床仔最好就洗一洗, 不過貓貓瞓過咁多地方, 好難全部都洗到, 所以最好就係打好貓貓個底, 佢抵抗力高就無咁易生癬

咁點樣令佢抵抗力高d呀? 我買咗支營養水畀佢, 佢食完肚痾c~~40~~