樓主妳好呀, 我的蜜柑黎左屋企足足一年有多啦, 當初都遇到同妳同一個問題, 想佢係廳自己訓, 又驚佢係床度開大/小, 就同妳一樣咁做, 但佢的叫聲實在太淒慘啦, 亦都驚嘈到人地, 於是我同我老婆就諗, 可能係佢黎到新地方驚驚, 所以就決定左陪佢係廳訓左成個星期……佢又真係只要見到有人係度佢就安心訓覺, 一個星期後, 我地再試返入房, 但佢一樣係咁叫, 終於我地決定唔理佢, 由得佢, 佢就一時係房的地下, 一時係我地床上, 一時係房的窗台訓….而家已經習慣左, 我地一熄晒燈, 佢轉頭都會入我地房訓….個衰妹而家仲成日學我地, 係我訓開個個位度打直訓, 好似人咁, 個頭枕係我枕頭度….
[ 本帖最後由 kyostanley 於 2010-7-6 17:55 編輯 ]